Election Software Mobile App voter list data with color photos openly sold in the market अनधिकृत मतदारांचा डेटा विक्री करणाऱ्या कंपन्या बोकाळल्या; नियमांचा भंग करुन फोटोसह डेटा अॅप बाजारात; महापालिकांची मतदारयादी रंगीत फोटोसह डेटा ची बाजारात खुलेआम विक्री; प्रदर्शित फोटोमुळे महिला मतदारांची कुचंबणा

बेकायदेशीर मतदार यादीचा मनाई असलेला रंगीत फोटो तपशीलसह विक्री करणाऱ्यांना निवडणूक आयोगाचे अभय!

उमेदवारांची व राजकीय पक्षांची लूट करणाऱ्या कंपन्यांवर निवडणूक आयोगाने सक्त कारवाई करावी प्राबचे मागणी निवेदन

पुणे- दुबार, तिबार मतदार, एकाच पत्यावर अनेक मतदार यासह अनेक घोळ मतदार यादीत असल्याच्या तक्रारी दिवसेंदिवस वाढत असताना आता प्रशासनातून बेकायदेशीर मतदारांचा प्रसिद्धीस मनाई असलेला तपशील डेटा खासगी कंपन्यांपर्यंत पोहोचवला जात असून संभाव्य उमेदवार व राजकीय पक्षांना अनधिकृत मतदारांचा डेटा विक्री करणाऱ्या कंपन्या त्यामुळे बोकाळल्या आहेत. कोट्यावधी रुपयांची बेगमी या विक्रीतून होत असून डेटा बेकायदेशीर विक्री करणारे संबंधित  प्रशासकीय अधिकारी मालमाल होत आहे या गैरप्रकाराकडे दुर्लक्ष करुन राज्य निवडणूक आयोगाकडून एकप्रकारे अभय मिळत आहे असा समज सर्वसामान्यांमध्ये निर्माण झाला आहे. नियमांचा भंग करुन फोटोसह डेटा अप बाजारात खुलेआम विक्री केले जात आहे त्यामध्ये प्रदर्शित फोटोमुळे महिला मतदारांची मात्र कुचंबणा झाली आहे. कलर फोटो या अॅप मध्ये समाविष्ट केले असून त्याचा दुरुपयोग होण्याची शक्यता नाकारता येत नाही त्यामुळे संबंधित बेकायदेशीरपणे  मतदारांचा डेटा विक्री करणाऱ्या संबंधीत कंपन्यावर सक्त कारवाई करण्यात यावी तसेच त्यांना कलर फोटोसह मतदार यादी पुरविणाऱ्या अधिकाऱ्यांवर देखील फौजदारी गुन्हे तत्काळ दाखल करुन कारवाई करावी अशी मागणी पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब) या संस्थेतर्फे राज्य निवडणूक आयोग, महाराष्ट्र राज्य यांच्याकडे निवेदनाद्वारे करण्यात आलेली आहे. 

अनधिकृत मतदारांचा डेटा विक्रीची कोट्यावधी रुपयांची उलाढाल होत असून यामध्ये प्रशासनातील अनेक बडे अधिकारी सामील आहेत हे मतदारांचा डेटा विक्रीचे रॅकेट असून त्यावर तत्काळ कारवाई करण्याची मागणी करण्यात आलेली आहे. राज्य निवडणूक आयोगाच्या वेबसाइटवर फोटो विरहित मतदार याद्या पीडिएफ व इमेज स्वरूपात प्रसिद्ध करण्यात येतात. वास्तविक सदरील माहिती वर्ड व एक्सेल फॉरमॅट स्वरूपात प्रसिद्ध करावयास हव्यात. जेणेकरुन उमेदवार व राजकीय पक्ष विश्लेषण करु शकतील. मात्र जाणीवपूर्वक  राज्य निवडणूक आयोग मतदार याद्या पीडिएफ व इमेज स्वरूपात प्रसिद्ध करतात व त्याचा तपशील डेटा तत्काळ खासगी कंपन्या प्राप्त करुन बेकायदेशीरपणे बाजारात विक्री करतात त्याला उमेदवार व राजकीय पक्ष बळी पडून आर्थिक शोषण व फसवणूक होत आहे. नियमांचा भंग करुन फोटोसह डेटा अॅप एका प्रभागासाठी 10 ते 30 हजार रुपयांना विक्री केले जात असून कोट्यावधी रुपयांची बेगमी होत आहे. 

मतदाराचा फोटो हा त्याची वैयक्तीक बाब असल्यामुळे तो फोटो सार्वजनिक रित्या वेबसाइटवर प्रसिद्ध करता येत नाही.  त्यामुळे मतदार फोटो सहीत मतदार यादीच्या पीडीएफ फाईल कोणालाही देवु नयेत अशी सुचना राज्य निवडणुक आयोगाने केलेली आहे. अशा स्वरुपाचा परिपत्रक जीआर राज्य निवडणूक आयोगाने 2016 मध्येच जारी केलेला आहे. सदर जीआर संदर्भ नं. क्र.रानिआ-2016/प्र.क्र.11/ सं.कक्ष असा आहे. त्यामुळे राज्य निवडणूक आयोगाच्या वेबसाइटवर प्रसिद्ध  झालेल्या मतदार याद्या ह्या फोटो विरहीत आहेत. परंतु खासगी कंपन्या रंगीत मतदारांच्या फोटोसह डेटा अॅप खुलेआमपणे विक्री करीत आहेत. भविष्यात फोटो चे मार्फींग करुन गैर प्रकार होण्याची शक्यता नाकारता येत नाही. विशेषतः महिलांच्या मुलींच्या छायाचित्रांचा दुरूपयोग होण्याची शक्यता असून त्याची जबाबदारी कोंण घेणार हा प्रश्न असून कायदा व सुव्यवस्था दृष्टीने देखील गंभीर व चिंताजनक बाब आहे.  सदरील गैरप्रकार व बेकायदेशीर मतदार यादीचा मनाई असलेला तपशील विक्री करणाऱ्यांना कंपन्यांवर कारवाई करावी तसेच त्यांना कलर फोटोची मतदार यादी डेटा पुरविणाऱ्या अधिकाऱ्यांवर कडक कारवाई करण्यात यावी अशी मागणी करणारे निवेदन राज्य निवडणूक आयोग, महाराष्ट्र राज्य चे आयुक्तांना पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब) या संस्थेतर्फे पाठविण्यात आलेले आहे. 

===================

मतदारांचा डेटा विक्री करणाऱ्या कंपन्या बोकाळल्या, फोटोसह डेटा अॅप एका प्रभागासाठी 10 ते 30 हजार रुपयांना विक्री

https://mymarathi.net/m-17023/

===================

Mr. Chandrakant Bhujbal

POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

     New Book

"महाराष्ट्रातील रणसंग्राम" पुस्तक

https://bhujbalchandrakant.myinstamojo.com/product/4518367/-f7b50

================================================

"महाराष्ट्रातील राजकारण" 

https://prabindia.blogspot.com/2021/12/blog-post_26.html

================================================

महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook

==================================================

निवडणूक पूर्वतयारी व आचारसंहिता Election Preparation and Code of Conduct E-Book

फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://bhujbalchandrakant.myinstamojo.com/product/election-preparation-and-code-of-conduct-e-b

Pune District Municipal Council Eelections 2025; फुरसुंगी-उरुळी देवाची नगरपरिषद निवडणूकीत मतांचा भाव फुटला!; अर्ध्या रक्कमेचे वाटप; प्रलोभनाकडे प्रशासनाचे दुर्लक्ष

उमेदवारांकडून एकमेकांच्या प्रचारातील सक्रिय कार्यकर्त्यांना गोवा आणि थायलंडची ऑफर!

प्रचारात सक्रिय दिसला कि दुसऱ्या दिवशी गायब होतायत कार्यकर्ते. . . 

फुरसुंगी उरुळी देवाची नगरपरिषद निवडणूक - 2025
शिवसेना भाजप युतीचे उमेदवार
क्र.	प्रभाग क्र.	उमेदवाराचे नाव	जागा	सामाजिक आरक्षण
1	1	करचे विराज बाबासाहेब	अ	ओबीसी(लोणारी)
2	1	हरपळे प्रियांका वैभव	ब	सर्वसाधारण
3	2	बदुरकर ज्योती पंडित	अ	ओबीसी(काशीकपाडी)
4	2	काळे सचिन प्रताप	ब	सर्वसाधारण
5	3	कडाळे जयश्री सुरेश	अ	अनुसूचित जाती(महार)
6	3	पवार राहुल मारुती	ब	सर्वसाधारण
7	4	गायकवाड सचिन राजाभाऊ	अ	अनुसूचित जाती(मांग)
8	4	हरपळे विशाखा संदिप	ब	सर्वसाधारण
9	5	सूर्यवंशी संगीता गोविंद	अ	अनुसूचित जाती(महार)
10	5	कामठे राहुल बाजीराव	ब	सर्वसाधारण
11	6	हरपळे महेश गुलाब	अ	ओबीसी(कुणबी)
12	6	हरपळे गौरी गणेश	ब	सर्वसाधारण
13	7	आबनावे संतोष खंडू	अ	अनुसूचित जाती(चर्मकार)
14	7	हरपळे राणी बाळासाहेब	ब	सर्वसाधारण
15	8	पवार मोनिका निलेश	अ	ओबीसी(कुणबी)
16	8	कामठे गणेश बाळासो	ब	सर्वसाधारण
17	9	हरपळे सुधा संजय	अ	ओबीसी(कुणबी)
18	9	हरपळे संदीप राजाराम	ब	सर्वसाधारण
19	10	हरपळे सुधा संजय	अ	सर्वसाधारण
20	10	हरपळे संदीप नामदेव	ब	सर्वसाधारण
21	11	ढमाळ उषा नरसिंग	अ	ओबीसी(कुणबी)
22	11	कुंजीर योगेश शामकांत	ब	सर्वसाधारण
23	12	मोहिते महेश किसन	अ	ओबीसी(कुणबी)
24	12	बाजारे प्रतिक्षा महेंद्र	ब	सर्वसाधारण
25	13	खुटवड ऋतुराज शामराव	अ	ओबीसी(कुणबी)
26	13	ढवळे सविता राजू	ब	सर्वसाधारण
27	14	हरपळे संतोष रमेश	अ	सर्वसाधारण
28	14	घोळवे मथुरा युवराज	ब	ओबीसी(वंजारी)
29	15	भाडळे शारदा भैरू	अ	सर्वसाधारण
30	15	भाडळे राजीव रामदास	ब	सर्वसाधारण
31	16	बहुले दीक्षा आकाश	अ	अनुसूचित जाती(बौद्ध)
32	16	कऱ्हे सोमनाथ सावळाराम	ब	सर्वसाधारण
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब) पुणे

हडपसर, पुणे- फुरसुंगी-उरुळी देवाची या पहिल्या वहिल्या नगरपरिषदेचे नगरसेवक होण्याचा मान मिळविण्यासाठी गावकी-भावकीच्या राजकारणात सर्व हातखंडे उमेदवारांकडून आजमाविणे सुरु असून अन्य प्रभागांच्या तुलनेत अत्यल्प मतदारसंख्या असलेल्या प्रभागात मतांचा भाव फुटला असून प्रती मतदार 10 हजार प्रमाणे आघाऊ म्हणून अर्ध्या रक्कमेचे वाटप बिनधास्त व मुक्तपणे सुरु आहे. महिलांना कूपन देवून साड्यांचे वाटप देखील केले जात आहे. कार्यकर्त्यांना व मतदारांच्या जेवणावळी देखील सुरु आहेत या प्रलोभनाकडे प्रशासनाचे मात्र दुर्लक्ष आहे. निवडून येण्याचा चंग बांधलेल्या उमेदवारांकडून प्रतिस्पर्धी उमेदवाराच्या प्रचारातील सक्रिय कार्यकर्त्यांना गोवा आणि थायलंडची ऑफर दिल्या जात असून अनेकांना प्रचार कालावधीत गोवा येथे धाडणे सुरु केले आहे त्यामुळे कार्यकर्ते मात्र सुखावले आहेत. प्रचारात सक्रिय दिसला कि दुसऱ्या दिवशी गायब होतायत कार्यकर्ते अशी अवस्था सध्या फुरसुंगी-उरुळी देवाची नगरपरिषद निवडणूकीत दिसून येत आहे. उमेदवारांकडून एकमेकांच्या प्रचारातील सक्रिय कार्यकर्त्यांना दिल्या जाणाऱ्या ऑफरमुळे प्रचारासाठी बाहेरील मनुष्यबळ मागणी वाढली आहे. राजकीय पक्षांनी देखील प्रचारासाठी कुमक पाठविली असून रसद बरोबर प्रचारासाठी वाहने, साहित्य, कुशल मनुष्यबळ आणि सोशल मीडिया यंत्रणा संशुल्क प्रायोजित केलेली आहे. निवडणूक खर्च मर्यादा केवळ कागदोपत्री निर्बंध पुरती सीमित असून कोणतीही स्वतंत्र यंत्रणा देखरेखेसाठी कार्यरत नाही याबाबत नागरिकांमध्ये आश्चर्य व्यक्त केले जात आहे. 

फुरसुंगी-उरुळी देवाची नगरपरिषद सार्वत्रिक निवडणूकीसाठी थेट नगराध्यक्ष पदासह 16 प्रभागातील अ आणि ब जागांच्या एकूण 32 नगरसेवक पदासाठी 2 डिसेंबरला मतदान होणार आहे.  एकूण जागा 32 (महिलांसाठी राखीव 16) असून  अनुसूचित जाती 05 (महिलांसाठी राखीव 03), नागरिकांचा मागासवर्ग प्रवर्ग  09  (महिलांसाठी राखीव 05), सर्वसाधारण 18  (महिलांसाठी राखीव 08) अशा एकूण जागा 32 आहेत. फुरसुंगी-उरुळी-देवाची येथे नगराध्यक्ष पदासाठी नऊ आणि सदस्य पदासाठी १४६ उमेदवार आपले नशीब आजमावत आहेत. भाजप व शिवसेना काही प्रभागात युती आहे तर राष्ट्रवादी (शप), कॉँग्रेस, आप, शिवसेना(उबाठा) यांची आघाडी म्हणून पॅनलचे उमेदवार निवडणूक रिंगणात असून राष्ट्रवादी पक्ष स्वतंत्रपणे लढत देत आहे. पुरंदरचे माजी आमदार संजय जगताप यांनी केलेला कॉँग्रेस पक्षाचा त्याग आणि सत्ताधारी भाजप पक्षातील प्रवेशामुळे येथील स्थानिक राजकारणातील गणिते बदलून गेलेली आहेत. आमदार विजय बापू शिवतरे यांच्या प्रयत्नशीलतेमुळे स्वतंत्र नगपरिषद करुन भरमसाठ मिळकत करातून सुटका करण्याचा प्रयत्न केला तसेच भावी विकासासाठी सत्ता हातात येणे जरुरीचे असल्याने त्यांचा प्रचारार्थ प्रक्रियेत सक्रियतेता दिसून येत आहे. तर  माजी आमदार संजय जगताप हे भाजपच्या पक्षीय यंत्रणेवर परावलंबी झाले असून त्यांच्या सांगण्यावरून प्रचार यंत्रणा राबविली जात असल्याने प्रचारातील सुर अजूनही जुळले नसून उमेदवारांनी ग्रामपंचायत निवडणुकांप्रमाणे निवडणूक हातात घेतली असून परस्पर निर्णय घेतले जात आहे. तुलनेने अन्य नगरपरिषद निवडणुकीत भाजपचे पुणे जिल्ह्याच्या ग्रामीण राजकारणात या नगरपरिषदेच्या निवडणुकीच्या निमित्ताने बदलत्या राजकीय घडामोडींमुळे चांगला शिरकाव होताना दिसून येत आहे. कॉँग्रेसची अवस्था दयनीय अशी झालेली दिसून येत आहे. तब्बल 8 नगपरिषदेत कॉँग्रेस पक्षाला एकही उमेदवार देता आलेला नाही. दोन्ही राष्ट्रवादी मध्ये युती होणार अशी चर्चा सुरु असताना स्थानिक पातळीवर दिलजमाई होण्यात अडथळे आल्याने बहुतांश ठिकाणी परस्पर विरोधी लढत दिली जात आहे. जिल्ह्याच्या राजकारणातील राष्ट्रवादीची पकड मात्र कमी होण्याची शक्यता निर्माण झालेली आहे. राष्ट्रवादीला बहुतांश ठिकाणी प्रबळ उमेदवार मिळाले नसून बाहेरील उमेदवारांवर अवलंबून राहावे लागले आहे. पुढील जिल्हा परिषद, पंचायत समिति निवडणुकांतही अशीच स्थिती राहिली तर राष्ट्रवादी आपले निर्विवाद वर्चस्व हरवून बसेल अशी वस्तुस्थिती चालू राजकीय घडामोडींवरून दिसून येत आहे. 

पुणे जिल्ह्यातील आगामी नगरपरिषद आणि नगरपंचायतींच्या निवडणुकीचे अंतिम चित्र आता स्पष्ट झाले आहे. उमेदवारी अर्ज मागे घेण्याची मुदत संपल्यानंतर, नगराध्यक्ष पदासाठी एकूण ११९ उमेदवार तर नगरसेवक पदासाठी तब्बल १५८२ उमेदवार निवडणूक रिंगणात कायम आहेत. माघारीच्या शेवटच्या दिवशी नगराध्यक्ष पदाचे ३४ अर्ज आणि सदस्य पदाचे ५९८ अर्ज मागे घेतले गेले. बारामतीमध्ये नगराध्यक्ष पदासाठी जिल्ह्यात सर्वाधिक म्हणजे १४ उमेदवार आहेत, तर सदस्य पदासाठी १६५ जण एकमेकांविरोधात लढत आहेत. याशिवाय, फुरसुंगी-उरुळी-देवाची येथे नगराध्यक्ष पदासाठी नऊ आणि सदस्य पदासाठी १४६ उमेदवार आपले नशीब आजमावत आहेत. या निवडणुकांमध्ये जिल्ह्यातील चौदा नगरपरिषदांसाठी दोन व तीन सदस्यीय प्रभाग पद्धत, तर तीन नगरपंचायतींसाठी एक सदस्यीय प्रभाग पद्धत वापरली जाणार आहे.

Mr. Chandrakant Bhujbal

POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

     New Book

"महाराष्ट्रातील रणसंग्राम" पुस्तक

https://bhujbalchandrakant.myinstamojo.com/product/4518367/-f7b50

================================================

"महाराष्ट्रातील राजकारण" 

https://prabindia.blogspot.com/2021/12/blog-post_26.html

================================================

महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook

==================================================

निवडणूक पूर्वतयारी व आचारसंहिता Election Preparation and Code of Conduct E-Book

फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://bhujbalchandrakant.myinstamojo.com/product/election-preparation-and-code-of-conduct-e-b