Maharashtra Municipal Council Eelections 2025 Nomination;२४ तासात राज्य निवडणूक आयोगाच्या घुमजावामुळे राजकीय पक्षाच्या अनेक उमेदवारांचे अर्ज बाद; इछुक उमेदवारांची अधिकाऱ्यांबरोबर वादावादी

नगरपरिषद निवडणुकीतील नामनिर्देशनपत्र वैध, अवैधतेबाबतच्या आदेशावरुन चेकमेट 

राज्यातील २४६ नगरपरिषदा व ४२ नगरपंचायतींच्या (एकूण २८८) सदस्यपदासाठी आणि थेट अध्यक्षपदाच्या सार्वत्रिक निवडणुकांकरिता नामनिर्देशपत्र बाबत वैध, अवैधततेबाबत नियमावली आदेश दिनांक १७/११/२०२५ रोजी जारी केलेला २४ तासात म्हणजेच दिनांक १८/११/२०२५ रोजी रद्द करण्याच्या कृतीमुळे राजकीय पक्ष व पक्षाचे उमेदवारांना चेकमेट केले आहे. २४ तासात राज्य निवडणूक आयोगाच्या घुमजावामुळे राजकीय पक्षाच्या अनेक उमेदवारांचे अर्ज बाद ठरले असून इछुक उमेदवारांची अधिकाऱ्यांबरोबर वादावादी होण्याचे अनेक ठिकाणी प्रसंग घडलेले आहेत. राजकीय पक्षाच्या उमेदवारांनी नामनिर्देशनपत्र सोबत राजकीय पक्षाचा विहित एबी फॉर्म जोडलेला नसेल तर अर्ज बाद ठरतो त्याच प्रमाणे एका जागेसाठी राजकीय पक्षाने एकपेक्षा अधिक उमेदवारांना एबी फॉर्म वाटप केले त्यातील प्रथम दाखल उमेदवाराचा अर्ज ग्राह्य धरुन अन्य अर्ज बाद ठरविण्यात आलेले आहेत. पर्यायी उमेदवार यांचे डमी अर्ज बाद ठरविण्यात आलेले आहेत. ज्या उमेदवारांनी नामनिर्देशनपत्रात ५ सूचक/प्रस्तावक नमूद केलेले आहेत त्यांचेच अपक्ष उमेदवार म्हणून ग्राह्य धरण्यात आलेले आहे. नामनिर्देशपत्र दाखल करण्याची अंतिम तारीख व वेळेत एबी फॉर्म जोडले नाहीत अशा उमेदवारांकडून त्यानंतर आलेले एबी फॉर्म नाकारण्यात आलेले आहेत. त्यामूळे २४ तासात केलेल्या राज्य निवडणूक आयोगाच्या घुमजावामुळे राजकीय पक्षाच्या अनेक उमेदवारांचे अर्ज बाद झालेले आहेत.   

राज्यातील 246 नगरपरिषदा व 42 नगरपंचायतींच्या (एकूण 288) सदस्यपदासाठी आणि थेट अध्यक्षपदाच्या सार्वत्रिक निवडणुकांकरिता नामनिर्देशपत्र दाखल करण्याची अंतिम तारीख 17 नोव्हेंबर 2025 पर्यन्त सर्वच राजकीय पक्षाच्या उमेदवारांनी तसेच अपक्षांनी नामनिर्देशनपत्र दाखल केले. राजकीय पक्षाच्या उमेदवारांना नामनिर्देशनपत्रपत्र सोबत ‘जोडपत्र- 1’किंवा ‘जोडपत्र- 2’(एबी फॉर्म सह) संपूर्ण संच विहित मुदतीत संबंधित निवडणूक निर्णय अधिकाऱ्याकडे दाखल करणे बंधनकारक होते. महायुती व महाविकास आघाडीतील पक्ष एकमेकांच्या विरोधातच ठाकले असून बेबनाव करुन सर्वकाही आलबेल आहे असे दर्शविले जात असले तरी त्यांच्या राजकारणात राज्य निवडणूक आयोगाच्या एका आदेशातील घुमजाव करुन वादाला फोडणी दिलेली आहे. बहुतांश राजकीय पक्षांनी स्थानिक पातळीवर नेत्यांना राजकीय स्थिति पाहून निर्णय घेण्याची मुभा दिलेली आहे त्यामुळे स्थानिक नेत्यांनी प्रथम पक्षातील कार्यकर्त्यांसह अन्य दुसऱ्या पक्षातून आलेल्या प्रबळ उमेदवारांना देखील एकाच जागेसाठी एबी फॉर्म दिले व उमेदवारी अर्ज मागे घेण्याच्या दिवसापर्यंत अंतिम उमेदवारी कायम करण्याचा निर्णय घेतेलेले होते मात्र या मनसूब्यांना राज्य निवडणूक आयोगाने चेकमेट केले आहे त्यामुळे संभाव्य राजकीय डावपेच आखण्यापूर्वीच फसगत होऊन ज्या उमेदवारांचे अर्ज वैध ठरले आहेत त्यांच्या पाठीशी राहण्याची वेळ आली आहे. राज्य निवडणूक आयोगाने https://mahasecelec.in हे संकेतस्थळ विकसित केले आहे. त्यावर नोंदणी करून नगरपरिषद व नगरपंचायतीच्या निवडणुकीसाठी उमेदवारांना नामनिर्देशनपत्र आणि शपथपत्रातील माहिती भरणे आवश्यक आहे. परिपूर्ण माहिती भरल्यानंतर संकेतस्थळावरून त्याची मुद्रित प्रत (Print Out) काढून त्यावर उमेदवाराची स्वत:ची व सूचकांची स्वाक्षरी करणे आवश्यक आहे. त्यानंतर त्या मूळ प्रतीसह अन्य आवश्यक कागदपत्रांचा (उदा. नगरपरिषद/ नगरपंचायतीचे नादेय प्रमाणपत्र, शौचालय वापराबाबतचे प्रमाणपत्र किंवा स्वयंघोषणापत्र, निवडणुकीसाठी बॅंक खात्याचा तपशील, राखीव जागांवरील उमेदवार असल्यास जातप्रमाणपत्र, पक्षाचा उमेदवार असल्यास ‘जोडपत्र- 1’ किंवा ‘जोडपत्र- 2’ इत्यादी) संपूर्ण संच विहित मुदतीत संबंधित निवडणूक निर्णय अधिकाऱ्याकडे दाखल करणे बंधनकारक आहे.

पुणे जिल्ह्यातील 14 नगरपरिषद आणि 3 नगरपंचायतीच्या निवडणुकीसाठी उमेदवारी अर्ज दाखल करण्याच्या काल शेवटच्या दिवशी सदस्य पदाच्या 398 जागांसाठी 2 हजार 671 तर नगराध्यक्ष पदाच्या 17 जागांसाठी 193 जणांनी अर्ज दाखल केले आहेत. अर्ज छाननीनंतर वैध उमेदवारांची यादी जाहीर केली जाणार असून १९ ते २१ नोव्हेंबर या दरम्यान उमेदवारांना अर्ज मागे घेता येतील. तर २६ नोव्हेंबर रोजी उमेदवारांची चिन्हांसह अंतिम यादी जाहीर करण्यात येणार आहे.  राज्यातील एकूण 247 पैकी 246 नगरपरिषदांसाठी ही निवडणूक होत आहे. निवडणूक होत असलेल्यांपैकी 10 नवनिर्मित नगरपरिषदा आहेत. उर्वरित सर्व 236 नगरपरिषदांची मुदत संपली आहे. न्यायालयीन प्रकरणामुळे पातूर (जि. अकोला) नगरपरिषदेची निवडणूक प्रक्रिया प्रलंबित आहे. त्याचबरोबर एकूण 147 पैकी 42 नगरपंचायतींसाठी निवडणूक होत आहे. निवडणूक होत असलेल्यांपैकी 15 नवनिर्मित; तर उर्वरित सर्व 27 नगरपंचायतींची मुदत यापूर्वीच संपली आहे.  या निवडणुकांसाठी नामनिर्देशनपत्र दाखल करण्यास 10 नोव्हेंबर 2025 पासून सुरुवात होईल. नामनिर्देशपत्र दाखल करण्याची अंतिम तारीख 17 नोव्हेंबर 2025 होती. तर नामनिर्देशनपत्रांची छाननी 18 नोव्हेंबर 2025 रोजी आज झाली. निवडणूक निर्णय अधिकाऱ्यांच्या निर्णयाविरुद्ध अपील नसलेल्या ठिकाणी 21 नोव्हेंबर 2025 पर्यंत; तर अपील असलेल्या ठिकाणी  25 नोव्हेंबर 2025 पर्यंत नामनिर्देशनपत्रे मागे घेता येतील. 2 डिसेंबर 2025 रोजी सकाळी 7.30 ते सायंकाळी 5.30 पर्यंत मतदानाची वेळ असेल. मतमोजणी सर्व संबंधित ठिकाणी 3 डिसेंबर 2025 रोजी सकाळी 10 वाजल्यापासून सुरु होईल.

एकापेक्षा अधिक मते देणे अपेक्षित-नगरपरिषदेच्या निवडणुकीत बहुसदस्यी पद्धती असून एका प्रभागात सर्वसाधारणपणे दोन जागा असतात. एकूण सदस्य संख्येचा विषम आकडा असलेल्या नगरपरिषदेत एका प्रभागात तीन जागा असतात. त्याचबरोबर थेट अध्यक्षपदासाठीदेखील मतदान होत असल्याने साधारणत: एका मतदाराने तीन ते चार जागांसाठी मत देणे अपेक्षित आहे. एका नगरपरिषदेची एकूण सदस्य संख्या कमीत कमी 20 ते 75 पर्यंत असते.नगरपंचायतीची निवडणूक एकसदस्यीय पद्धतीने होत असली तरी नगरपंचायतीच्या मतदारानेदेखील दोन मते देणे अपेक्षित आहे. एक मत सदस्यपदासाठी; तर दुसरे मत थेट अध्यक्षपदासाठी द्यावे लागेल. सर्व नगरपंचायतीमध्ये सदस्यपदाच्या 17 जागा असतात.

जात वैधता प्रमाणपत्राचा पुरावा-राखीव प्रभागातून निवडणूक लढविणाऱ्या उमेदवारांना जात प्रमाणपत्र व जातवैधता प्रमाणपत्र सादर करणे आवश्यक आहे; परंतु, जातवैधता प्रमाणपत्र उपलब्ध नसल्यास त्यासाठी पडताळणी समितीकडे केलेल्या अर्जाची पोहोच पावती नामनिर्देशनपत्रासोबत सादर करण्याची मुभा देण्यासाठी शासनाने संबंधित अधिनियमात दुरुस्ती केली आहे. मात्र, असा उमेदवार निवडून आल्याचे घोषित झाल्याच्या दिनांकापासून त्याला सहा महिन्यांच्या आत जातवैधता प्रमाणपत्र सादर करणे बंधनकारक आहे, अन्यथा त्यांची निवड भूतलक्षी प्रभावाने रद्द करण्याची संबंधित अधिनियमात तरतूद करण्यात आली आहे

उमेदवारांसाठी खर्च मर्यादा-नगरपरिषदा व नगरपंचायतींच्या निवडणुकांतील थेट अध्यक्ष आणि सदस्यपदाच्या उमेदवारांसाठी राज्य निवडणूक आयोगाने निवडणूक खर्च मर्यादा वाढविली आहे. ती पुढीलप्रमाणे: ‘अ’ वर्ग नगरपरिषद: थेट अध्यक्ष- 15,00,000, सदस्य- 5,00,000. ‘ब’ वर्ग नगरपरिषद: थेट अध्यक्ष- 11,25,000, सदस्य- 3,50,000 आणि ‘क’ वर्ग नगरपरिषद: थेट अध्यक्ष- 7,50,000, सदस्य- 2,50,000. नगरपंचायत: थेट अध्यक्ष- 6,00,000, सदस्य- 2,25,000.

संभाव्य दुबार नावांबाबत दक्षता-स्थानिक स्वराज्य संस्थांच्या मतदार यादीतील संभाव्य दुबार मतदाराच्या नावासमोर (**) असे चिन्ह नमूद करण्यात येत. असे मतदार कुठल्या मतदान केंद्रावर मतदान करणार आहेत, याबाबत त्यांना आवाहन करण्यात येईल. या आवाहनाला प्रतिसाद मिळाल्यानंतर अशा मतदारांकडून तो कोणत्या मतदान केंद्रावर मतदान करणार आहे, याबाबत विहित नमुन्यात अर्ज भरून घेतला जाईल. त्याने नमूद केलेले मतदान केंद्र वगळता त्यास उर्वरित कोणत्याही मतदान केंद्रावर मतदान करता येणार नाही; परंतु प्रतिसाद न मिळाल्यास संभाव्य दुबार नाव असलेला मतदार मतदान केंद्रावर मतदानासाठी आल्यास त्याच्याकडून त्याने इतर कोणत्याही मतदान केंद्रावर मतदान केले नसल्याबाबत किंवा करणार नसल्याचे विहित नमुन्यातील हमीपत्र लिहून घेण्यात येईल. त्याचबरोबर त्याची काटेकोरपणे ओळख पटल्यानंतरच त्याला संबंधित मतदान केंद्रावर मतदान करण्याची मुभा देण्यात येईल.

जिल्हानिहाय नगरपरिषदा व नगरपंचायती (न.पं.)

पालघर- डहाणू, जव्हार, पालघर आणि वाडा (न.पं). रायगड- अलिबाग, कर्जत, खोपोली, महाड, माथेरान, मुरुड- जंजिरा, पेण, रोहा, श्रीवर्धन आणि उरण (न.प.). रत्नागिरी– चिपळूण, देवरुख (न.पं.), गुहागर, खेड, लांजा (न.पं.), राजापूर आणि रत्नागिरी. सिंधुदुर्ग- कणकवली (न.पं.), मालवण, सावंतवाडी आणि वेंगुर्ला. ठाणे- अंबरनाथ आणि कुळगाव- बदलापूर. अहिल्यानगर- देवळाली- प्रवरा, जामखेड, कोपरगाव, नेवासा (न.पं.) (न.पं.), पाथर्डी, राहाता, राहूरी, संगमनेर, शेवगाव, शिर्डी, श्रीगोंदा आणि श्रीरामपूर. धुळे- दोंडाईचा-वरवाडे, पिंपळनेर, सिंदखेडा (न.पं.) आणि शिरपूर- वरवाडे. जळगाव- जामनेर, अमळनेर, भडगाव, भुसावळ, चाळीसगाव, चोपडा, धरणगांव, एरंडोल, फैजपूर, मुक्ताईनगर (न.पं.), नशिराबाद, पाचोरा, पारोळा, रावेर, सावदा, शेंदूणी (न.पं.), वरणगाव आणि यावल. नंदूरबार- शहादा, नंदुरबार, नवापूर आणि तळोदा. नाशिक- भगुर, मनमाड, नांदगाव, सटाणा, सिन्नर, येवला, चांदवाड, इगतपूरी, ओझर, पिंपळगांव- बसवंत आणि त्र्यंबक. कोल्हापूर- आजरा (न.पं.), चंदगड (न.पं.), गडहिंग्लज, हातकणंगले, हुपरी, जयसिंगपूर, कागल, कुरुंदवाड, मलकापूर, मुरगूड, पन्हाळा, शिरोळ आणि वडगाव. पुणे- आळंदी, बारामती, भोर, चाकण, दौंड, फुरसुंगी- उरळी देवाची, इंदापूर, जेजूरी, जुन्नर, लोणावळा, मालेगाव बु. (न.पं.), मंचर (न.पं.), राजगुरुनगर, सासवड, शिरुर, तळेगाव- दाभाडे आणि वडगाव (न.पं.). सांगली- आष्टा, आटपाडी (न.पं.), इस्लामपूर, जत, पळूस, शिराळा (न.पं.), तासगाव आणि विटा. सातारा- कराड, महाबळेश्वर, मलकापूर, मेढा (न.पं.), म्हसवड, पाचगणी, फलटण, रहिमतपूर, सातारा आणि वाई. सोलापूर- अक्कलकोट, अकलूज, अनगर (न.पं.), बार्शी, दुधनी, करमाळा, कुर्डूवाडी, मैदर्गी, मंगळवेढा, मोहोळ, पंढरपूर आणि सांगोला. बीड- अंबेजोगाई, बीड, धारुर, गेवराई, माजलगाव आणि परळी- वैजनाथ. छत्रपती संभाजीनगर- फुलब्री (न.पं.), गंगापूर, कन्नड, खुलताबाद, पैठण, सिल्लोड आणि वैजापूर. धाराशिव- भूम, कळंब, मुरुम, नळदुर्ग, धाराशिव, परंडा, तुळजापूर आणि उमरगा. हिंगोली- बसमतनगर, हिंगोली आणि कळमनुरी. जालना- अंबड, भोकरदन आणि परतूर. लातूर- अहमदपूर, औसा, निलंगा, रेनापूर (न.पं.) आणि उदगीर. नांदेड- बिलोली, देगलूर, धर्माबाद, हदगाव, हिमायतनगर (न.पं.), कंधार, कुंडलवाडी, मुदखेड, मुखेड, उमरी, भोकर, किनवट आणि लोहा. परभणी- गंगाखेड, जिंतूर, मानवत, पाथरी, पूर्णा, सेलू आणि सोनपेठ. अकोला- अकोट, बाळापूर, बार्शी- टाकळी, हिवरखेडा, मूर्तिजापूर आणि तेल्हारा. अमरावती- अचलपूर, अंजनगाव सूर्जी, चांदूरबाजार, चांदूर रेल्वे, चिखलदरा, दर्यापूर, धामणगाव रेल्वे, धारणी (न.पं.), मोर्शी, नांदगाव खंडेश्वर (न.पं.), शेंदूरजनाघाट आणि वरुड. बुलढाणा- बुलढाणा, चिखली, देऊळगाव राजा, जळगाव जामोद, खामगाव, लोणार, मलकापूर, मेहकर, नांदूरा, शेंगाव आणि सिंदखेडराजा. वाशिम- कारंजा, मालेगाव (न.पं.), मंगरुळपीर, रिसोड आणि वशीम. यवतमाळ- आर्णी, दारव्हा, दिग्रस, घाटंजी, पुसद, उमरखेड, वणी, यवतमाळ, ढाणकी (न.पं.), नेर- नबाबपूर आणि पांढरकवडा. भंडारा- पवनी, साकोली शेंदूरवाफा, तुमसर आणि भंडारा. चंद्रपूर- बल्लारपूर, भद्रावती, भिसी (न.पं.), ब्रह्मपूरी, चिमूर, गडचांदूर, घुग्घुस, मूल, नागभीड, राजूरा आणि वरोरा. गडचिरोली- आरमोरी, देसाईगंज आणि गडचिरोली. गोंदिया- गोंदिया, गोरेगाव (न.पं.), सालेकसा (न.पं.) आणि तिरोडा. नागपूर- बहादुरा (न.पं.), बेसा पिपळा (न.पं.), भिवापूर (न.पं.), बुटिबोरी, डिगडोह, कळमेश्वर- ब्रह्मणी, कामठी, कांद्री- कन्हान (न.पं.), काटोल, खापा, कोंढाळी (न.पं.), महादुला (न.पं.), मोहपा, मौदा (न.पं.), नरखेड, निलडोह (न.पं.), पारशिवणी (न.पं.), रामटेक, सावनेर, उमरेड, वानाडोंगरी, बिडगाव- तरोडी (खू) पांढुर्णा (न.पं.), गोधणी रेल्वे (न.पं.), कन्हान- पिपरी, मोवाड, वाडी आणि येरखेडा (न.पं.). वर्धा- आर्वी, देवळी, हिंगणघाट, पुलगाव, सिंदी रेल्वे आणि वर्धा.

निवडणूक कार्यक्रम 
नामनिर्देशनपत्र दाखल करण्यास सुरुवात- 10 नोव्हेंबर 2025
नामनिर्देशनपत्रची दाखल करण्याची अंतिम मुदत- 17 नोव्हेंबर 2025
नामनिर्देशनपत्रांची छाननी- 18 नोव्हेंबर 2025
अपील नसलेल्या ठिकाणी नामनिदेशनपत्र माघारीची अंतिम मदुत- 21 नोव्हेंबर 2025
अपील असलेल्या ठिकाणी नामनिदेशनपत्र माघारीची अंतिम मुदत- 25 नोव्हेंबर 2025
मतदानाचा दिवस- 02 डिसेंबर 2025
मतमोजणीचा दिवस- 03 डिसेंबर 2025

एकूण मतदार व मतदान केंद्र
पुरुष मतदार- 53,79,931
महिला मतदार- 53,22,870
इतर मतदार- 775
एकूण मतदार- 1,07,03,576
एकूण मतदान केंद्र- सुमारे 13,355

एकूण जागा आणि आरक्षित जागा

निवडणूक होत असलेल्या नगरपरिषदा- 246
निवडणूक होत असलेल्या नगरपंचायती- 42
एकूण प्रभाग- 3,820
एकूण जागा- 6,859
महिलांसाठी जागा- 3,492
अनुसूचित जातींसाठी जागा- 895
अनुसूचित जमातींसाठी जागा- 338
नागरिकांचा मागासवर्ग प्रवर्गासाठी जागा- 1,821

नगरपरिषद/ नगरपंचायतींची जिल्हा व विभागनिहाय संख्या

पालघर- 4

रायगड- 10

रत्नागिरी- 7

सिंधुदूर्ग- 4

ठाणे- 2

कोकण विभाग एकूण– 27

अहिल्यानगर- 12

धुळे- 4

जळगाव- 18

नंदूरबार- 4

नाशिक- 11

नाशिक विभाग एकूण– 49

कोल्हापूर- 13

पुणे- 17

सांगली- 8

सातारा- 10

सोलापूर- 12

पुणे विभाग एकूण– 60

छत्रपती संभाजीनगर- 7

बीड- 6

धाराशिव- 8

हिंगोली- 3

जालना- 3

लातूर- 5

नांदेड- 13

परभणी- 7

छत्रपती संभाजीनगर एकूण- 52

अमरावती- 12

अकोला- 6

बुलढाणा- 11

वाशीम- 5

यवतमाळ- 11

अमरावती विभाग एकूण– 45

भंडारा- 4

चंद्रपूर- 11

गडचिरोली- 3

गोंदिया- 4

नागपूर- 27

वर्धा- 6

नागपूर विभाग एकूण– 55

==================================

राज्य निवडणूक आयोग दिनांक १७/११/२०२५ रोजी जारी केलेला आदेश तपशील खालीलप्रमाणे- 

राज्य निवडणूक आयोग, महाराष्ट्र

क्रमांक-रानिआ/नप-२०२५/सं.क्र.१४/का.६

नवीन प्रशासकीय भवन, हुतात्मा राजगुरु चौक, मादाम कामा मार्ग, मुंबई- ४०० ०३२.

दिनांक : १७/११/२०२५

प्रति,

जिल्हाधिकारी, सर्व

(मुंबई शहर व मुंबई उपनगर वगळून)

विषय :- राज्यातील २४६ नगरपरिषदा व ४२ नगरपंचायती सार्वत्रिक निवडणूक-२०२५ नोंदणीकृत पक्षांचे नामनिर्देशनपत्र स्विकारणेबाबत ...

संदर्भ :-आयोगाचा सम क्रमांक दि.०४/११/२०२५ रोजीचा निवडणूक कार्यक्रम..

महोदय/ महोदया,

उपरोक्त विषयाबाबत राजकीय नोंदणीकृत मान्यताप्राप्त पक्षांमार्फत मुख्य उमेदवाराचे नामनिर्देशन पत्र स्विकारतांना पर्यायी उमेदवार असलेल्या उमेदवाराने पक्षातर्फे नामनिर्देशन पत्र सादर केले असल्यास करावयाच्या कार्यवाही बाबत उपस्थित केलेल्या शंकांबाबत अधिक स्पष्टता आणणे आवश्यक झाले आहे. राज्य निवडणूक आयोग खालील मार्गदर्शन देत आहे.

१) नोंदणीकृत मान्यताप्राप्त राजकीय पक्षाच्या मुख्य उमेदवाराचे नामनिर्देशन पत्र स्विकारण्यात आले असेल आणि त्या पक्षाच्या पर्यायी उमेदवार यांनी एक सूचक दिला असेल तर पर्यायी उमेदवाराचे नामनिर्देशनपत्र छाननीच्या वेळी वैध होईल अगर कसे?

उत्तरः या सदंर्भात राज्य निवडणूक आयोगाचे दि.०५/०५/२०२५ चे राजकीय पक्षांसदर्भात आदेश तसेच नगरपालिका निवडणूक नियम १९६६ मधील नियम क्र.१३ (४) च्या तरतुदीनुसार नोंदणीकृत राजकीय पक्षाच्या मुख्य उमेदवार तसेच पर्यायी उमेदवार यांनी प्रत्येकी फक्त एक सूचकाच्या स्वाक्षरीने नामनिर्देशन पत्र सादर केले असेल व सदर नामनिर्देशन स्विकारण्याच्या अंतिम दिनांकाच्या दुपारी ३.०० वाजे पूर्वी सादर केलेल्या जोडपत्र-एक व जोडपत्र- दोन ("A" & "B" form) वर दोन्ही म्हणजे मुख्य व पर्यायी उमेदवारांची नावे असतील तर अशा दोन्ही उमेदवारांची नामनिर्देशनपत्रे स्विकारण्यात यावीत व ते छाननीअंती जर इतर बाबींची पूर्तता करत असतील तर वैध ठरतील.

२) असे उमेदवार वैध ठरल्यास व पुढे माघारी मध्ये पर्यायी उमेदवाराने माघार न घेतल्यास त्यांना चिन्ह वाटप कसे करता येईल किंवा त्यांचे नाय निवडणूक लढविणाऱ्या उमेदवारांच्या यादी मधून कमी होईल किंवा कसे? 2

उत्तरः पर्यायी उमेदवार वैध रित्या नामनिर्देशित झाल्यामुळे अशा उमेदवारास अपक्ष म्हणून मुक्त चिन्हांमधून एक चिन्ह देण्यात येईल.

३) पर्यायी उमेदवाराने एक सूचक दिल्याने त्यांचा फॉर्म छाननी मध्ये अवैध ठरविता येईल काय? माघारीच्या वेळी मुख्य उमेदवाराने माघार घेतल्यास पर्यायी उमेदवार पक्षाचा मुख्य उमेदवार म्हणून निवडणूक लढू शकेल किंवा कसे?

उत्तरः प्रश्न क्र. १ मध्ये दिलेल्या मार्गदर्शनानुसार कार्यवाही करावी तसेच उमेदवारी मागे घेण्याच्या वेळी मुख्य उमेदवाराने माघार घेतल्यास पर्यायी उमेदवार हा पक्षाचा मुख्य उमेदवार म्हणून निवडणूक लढू शकेल.

४) राजकीय पक्षाने एकापेक्षा जास्त उमेदवारांना लेखी सूचनापत्र दिले असल्यास राज्य निवडणूक आयोग महाराष्ट्र यांचे महाराष्ट्र राज्य राजकीय पक्ष नोंदणी विनियम आणि निवडणूक चिन्ह (आरक्षण व वाटप) आदेश २०२५ दि.५ मे, २०२५ च्या अधिसूचनेतील मुद्दा क्र. २२ नुसार कार्यवाही करावी.

५) वैधरित्या नामनिर्देशन उमेदवारांना निवडणूक चिन्हाचे वाटप करणेबाबत महाराष्ट्र राज्य राजकीय पक्ष नोंदणी विनियम आणि निवडणूक चिन्ह (आरक्षण व वाटप) आदेश २०२५ दि.५ मे, २०२५ तसेच राज्य निवडणूक आयोग महाराष्ट्र यांनी ८ नोव्हेंबर, २०२५ रोजी काढलेल्या अधिसूचनेमधील नमूद बाबीनुसार उपरोक्त आदेशांचे काटेकोरपणे पालन करुन उमेदवारांना निवडणूक चिन्हाचे वाटप करावे.

उपरोक्त दोन्ही आदेश राज्य निवडणूक आयोग, महाराष्ट्र यांच्या संकेतस्थळावर उलब्ध असून सदर आदेश सर्व जिल्हाधिकारी व निवडणूक निर्णय अधिकारी यांना पाठविण्यात आले आहे.

मा. राज्य निवडणूक आयुक्त याच्या मान्यतेने,

सचिव

राज्य निवडणूक आयोग, महाराष्ट्र

=================

राज्य निवडणूक आयोग दिनांक १८/११/२०२५ रोजी जारी केलेला रद्द बाबत आदेश तपशील खालीलप्रमाणे- 

राज्य निवडणूक आयोग, महाराष्ट्र

क्रमांक रानिआ/नप २०२५/सं.क्र.१४/का.६ नवीन प्रशासकीय भवन, हुतात्मा राजगुरु चौक. मादाम कामा मार्ग, मुंबई- ४०० ०३२.

दिनांक: १८/११/२०२५

प्रति,

जिल्हाधिकारी, सर्व

(मुंबई शहर व मुंबई उपनगर वगळून)

विषयः- राज्यातील २४६ नगरपरिषदा व ४२ नगरपंचायती सार्वत्रिक निवडणूक-२०२५ नामनिर्देशन स्विकारणेबाबत देण्यात आलेल्या, दि. १७/११/२०२५ रोजीचे राज्य निवडणूक आयोगाचे पत्र रद्द करणेबाबत.

महोदय,

नोंदणीकृत पक्षाशी संबंधित नामनिर्देशन पत्र स्विकारण्याबाबतचे विषयान्वये देण्यात आलेले दि.१७/११/२०२५ रोजीचे पत्र रद्द करण्यात येत असून खालील प्रमाणे सुधारित सूचना निर्गमित करण्यात येत आहेत.

नोंदणीकृत राजकीय पक्षाच्या वतीने नामनिर्देशन अर्ज सादर केलेल्या डमी उमेदवाराच्या नामनिर्देशन अर्जात एकच सूचक असल्यास छाननी अंती अशा डमी उमेदवाराचा अर्ज बाद करण्यात यावा.

मात्र, त्या डमी उमेदवाराने पाच सूचकांच्या स्वाक्षरी सह नामनिर्देशन अर्ज सादर केला असल्यास सदर डमी उमेदवार इतर कागदपत्रे व अटी शर्तीची पूर्तता करीत असल्यास त्याचा नामनिर्देशन अर्ज "अपक्ष उमेदवार म्हणून पात्र ठरविण्यात यावा.

मा. राज्य निवडणूक आयुक्त यांच्या मान्यतेने,

उपायुक्त,

राज्य निवडणूक आयोग, महाराष्ट्र

Mr. Chandrakant Bhujbal

POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

     New Book

"महाराष्ट्रातील रणसंग्राम" पुस्तक

https://bhujbalchandrakant.myinstamojo.com/product/4518367/-f7b50

================================================

"महाराष्ट्रातील राजकारण" 

https://prabindia.blogspot.com/2021/12/blog-post_26.html

================================================

महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook

==================================================

निवडणूक पूर्वतयारी व आचारसंहिता Election Preparation and Code of Conduct E-Book

फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://bhujbalchandrakant.myinstamojo.com/product/election-preparation-and-code-of-conduct-e-b