Maharashtra Local Body Elections 2025 राज्यातील 246 नगर परिषदा आणि 42 नगर पंचायतीच्या निवडणुका अखेर जाहीर

नगरपंचायत, नगरपरिषदेची निवडणूक 2 डिसेंबरला, 3 डिसेंबरला निकाल

राज्यातील 246 नगर परिषदा आणि 42 नगर पंचायतीच्या निवडणुकीसाठी येत्या 2 डिसेंबरला मतदान होणार आहे, तर तीन डिसेंबरला निकाल लागणार आहे. 17  नोव्हेंबर ही उमेदवारी अर्ज दाखल करण्याची शेवटची तारीख असेल तर  21 नोव्हेंबर रोजी उमेदवारी अर्ज मागे घेण्याची शेवटची तारीख असेल, त्यानंतर 25 नोव्हेंबर रोजी निवडणूक लढवणाऱ्या उमेदवारांच्या नावाची अंतिम यादी प्रसिद्ध करण्यात येणार आहे, त्यानंतर दोन नोव्हेंबर रोजी मतदान होणार आहे, तर  तीन डिसेंबर रोजी मतमोजणी होणार आहे, अशी घोषणा निवडणूक आयोगाकडून करण्यात आली आहे.

246 नगर परिषदा आणि 42 नगर पंचायतीच्या निवडणुका होणार आहेत. या माध्यमातून एकूण 6हजार 859 सदस्य आणि 288 अध्यक्षांची निवड होणार आहे. ज्या 246 नगर परिषदांमध्ये निवडणूक होणार आहे, त्यामध्ये दहा नवीन नगरपरिषदांचा समावेश आहे.  तर दुसरीकडे 42 नगर पंचायतींसाठी  निवडणूक होत आहे. यात 15 नवीन नगरपंचायतींचा समावेश आहे. राज्यातील 29 महापालिका, 32 जिल्हा परिषदा, 42 नगर पंचायती, 336 पंचायत समिती, 246 नगरपालिकांची मुदत संपली असून त्यासाठी निवडणुका घेण्यात येणार आहे. त्याच्या पहिल्या टप्प्यात नगरपालिका आणि नगरपंचायतींच्या निवडणुका घेण्यात येणार आहेत. राज्यातील नगरपालिका आणि नगरपंचायतीच्या निवडणुकीसाठी अंतिम मतदार यादी 31 ऑक्टोबरला प्रसिद्ध झाली आहे. त्यानुसार मतदान होणार आहे. त्यामध्ये एकूण 1 कोटी 7 लाख 3 हजार 576 मतदार असतील. त्यासाठी राज्यात एकूण 13 हजार कन्ट्रोल युनिट स्थापन करण्यात आले आहेत.

मतदानाचा टक्का वाढवण्यासाठी 32 कॅम्पेन बनवण्यात आल्याची माहिती निवडणूक आयोगाने दिली. दिव्यांग मतदार, तान्या बाळासह स्त्रिया, ज्येष्ठांना पहिल्यांदा मतदान करु दिले जाईल. तसेच काही मतदार केंद्र गुलाबी केंद्र असणार असून त्यात सर्व अधिकारी या महिला असतील.मतदारांच्या सोयीसाठी नवीन अॅपची निर्मिती करण्यात आली आहे. दुबार मतदानासंदर्भात योग्य खबरदारी घेतली आहे. संभाव्य दुबार मतदारांच्या पुढे डबल स्टारचे चिन्ह दाखवण्यात आले आहे. ज्या मतदारांच्या पुढे डबल स्टार असेल त्याच्याकडून दुसरीकडे मतदान करणार नाही असे डिक्लरेशन घेतलं जाईल.

* नामनिर्देशन पत्र दाखल करण्यास सुरुवात- 10 नोव्हेंबर 2025
* नामनिर्देशन पत्र दाखल करण्याची अंतिम मुदत- 17 नोव्हेंबर 2025
* नामनिर्देशन पत्राची छाननी- 18 नोव्हेंबर 2025
* अपील नसलेल्या ठिकाणी नामनिर्देशन पत्रावर माघारीची अंतिम मुदत- 21 नोव्हेंबर 2025
* अपील असलेल्या ठिकाणी नामनिर्देशन पत्र अंतिम मुदत- 25 नोव्हेंबर 2025
* मतदानाचा दिवस- 02 डिसेंबर 2025
* मतमोजणीचा दिवस- 03 डिसेंबर 2025
एकूण मतदार व मतदान केंद्र
* पुरुष मतदार- 53,79,931 * महिला मतदार- 53,22,870
* इतर मतदार- 775
* एकूण मतदार- 1,07,03,576
* एकूण मतदान केंद्र- सुमारे 13,355
एकूण जागा आणि आरक्षित जागा
* निवडणूक होत असलेल्या नगर परिषदा- 246
* निवडणूक होत असलेल्या नगरपंचायती- 42
* एकूण प्रभाग- 3,820
* एकूण जागा- 6,859
* महिलांसाठी जागा- 3,492
* अनुसूचित जातींसाठी जागा- 895
* अनुसूचित जमातींसाठी जागा- 338
* नागरिकांचा मागासवर्ग प्रवर्गासाठी जागा- 1,821

नगरपररषद/ नगरपंचायतींची जिल्हा व विभागनिहाय संख्या  

पालघर- 4 रायगड- 10 रत्नागिरी- 7 सिंधुदुर्ग- 4 ठाणे- 2 कोकण विभाग एकूण- 27
अहिल्या नगर- 12 धुळे- 4 जळगाव- 18 नंदूरबार- 4 नाशिक- 11 नाशिक विभाग एकूण- 49
कोल्हापूर- 13 पुणे- 17 सांगली- 8 सातारा- 10 सोलापूर- 12 पुणे विभाग एकूण- 60
छत्रपती संभाजीनगर- 7 बीड- 6 धाराशिव- 8 हिंगोली- 3 जालना- 3 लातूर- 5 नांदेड- 13 परभणी- 7 छत्रपती संभाजीनगर एकूण- 52
अमरावती- 12 अकोला- 6 बुलढाणा- 11 वाशीम- 5 यवतमाळ- 11 अमरावती विभाग एकूण- 45
भुंडारा- 4 चंद्रपूर- 11 गडचिरोली- 3 गोंदिया- 4 नागपूर- 27 वर्धा- 6 नागपूर विभाग एकूण- 55

नगरपरिषद, नगरपंचायत निवडणूक खर्च मर्यादा 

उमेदवारांच्या खर्च मर्यादेत वाढ करण्यात आली आहे.अ वर्ग नगरपरिषदेसाठी अध्यक्ष पदासाठी १५ लाख,सदस्यसपदासाठी १० लाखाची वाढ. तर ब वर्ग परिषदेसाठी अध्यक्षपदासाठी ११ लाख २५ हजार, सदस्य पदासाठी ३ लाख ५० हजार खर्च मर्यादा केली आहे. क वर्ग नगर परिषदेत अध्यक्षपदासाठी ७ लाख ५० हजार, सदस्यपदासाठी २ लाख ५० हजार रुपयांची खर्च मर्यादा करण्यात आली आहे.

नगर पंचायतीसाठी अध्यक्षपदासाठी ६ लाख आणि सदस्यपदासाठी २ लाख २५ हजार खर्चाची मर्यादा करण्यात आली आहे. मतदारांसाठी संकेत स्थळ विकसित केलं आहे. त्यावर सर्च फॅसिलिटी आहे. सर्च करून नाव आणि मतदान केंद्र शोधता येणार आहे. मतदारांसाठी मोबाईल अॅप तयार केला आहे. त्या द्वारे मतदार यादी, मतदान केंद्र आणि उमेदवारांची माहितीही मिळेल असेही राज्य निवडणूक आयोगाने म्हटले आहे.

अ वर्ग

अध्यक्षपद - 15 लाख

नगरसेवक - 5 लाख

ब वर्ग

अध्यक्षपद - 11 लाख 25 हजार

नगरसेवक - 3 लाख 50 हजार

क वर्ग

अध्यक्षपद - 7 लाख 50 हजार

नगरसेवक - 2 लाख 50 हजार

नगरपंचायत उमेदवारांसाठी खर्च मर्यादा किती?

अध्यक्षपद - 6 लाख

नगरसेवक - 2 लाख 25 हजार

पुणे जिल्ह्यातील १७ नगरपरिषद आणि नगरपंचायतींसाठी निवडणुक

राज्य निवडणूक आयोगाने नगरपंचायत आणि नगर परिषदेच्या निवडणुका जाहीर केल्या असून, पुणे जिल्ह्यातील १४ नगर परिषदा आणि ३ नगरपंचायती अशा १७ ठिकाणांवरील २२२ प्रभागांमध्ये ३९८ नगरसेवकपदांसाठी निवडणूक होणार आहे. त्यानुसार मंगळवारी सायंकाळपासून आचारसंहिता लागू झाली असून, ही आचारसंहिता केवळ नगर परिषद आणि नगरपंचायत क्षेत्रासाठी लागू राहणार आहे, अशी माहिती जिल्हाधिकारी जितेंद्र डुडी यांनी पत्रकार परिषदेत दिली. नगरपालिका प्रशासनाचे उपायुक्त व्यंकटेश दुर्वास या वेळी उपस्थित होते. ‘जिल्ह्यातील १४ नगर परिषदांपैकी बारामती ‘अ’वर्ग नगर परिषद आहे. लोणावळा, दौंड, चाकण, तळेगाव दाभाडे, फुरसुंगी-उरळी देवाची या पाच नगर परिषदा ‘ब’वर्गामध्ये आहेत. ‘क’वर्गामध्ये सासवड, जेजुरी, इंदापूर, शिरुर, जुन्नर, आळंदी, भोर आणि राजगुरुनगर यांचा समावेश आहे. मंचर, वडगाव मावळ आणि माळेगाव बुद्रुक या नगरपंचायतींची निवडणूक होणार आहे. जिल्ह्यातील नगर परिषद, नगरपंचायती मिळून १७ ठिकाणी ३९८ सदस्यांसाठी ही निवडणूक होत असून, या निवडणुकीसाठी १ जुलै २०२५ च्या अर्हतेवर मतदारयादी अंतिम करण्यात आली आहे. त्यानुसार या निवडणुकीसाठी ६ लाख ३४ हजार ९४० मतदारांना मतदानाचा हक्क बजावता येणार आहे. नगरपंचायत आणि नगर परिषदांसाठी ७३० मतदान केंद्रे निश्चित करण्यात आली आहेत.

एक वर्षापूर्वी नव्याने अस्तित्वात आलेल्या फुरसुंगी-उरळी देवाची नगर परिषदेसह मंचर आणि माळेगाव या नगरपंचायतसाठी पहिल्यांदाच निवडणूक होणार आहे. फुरसुंगी-उरळी देवाची नगरपालिकेसाठी द्विसदस्य पद्धतीने निवडणूक होणार असून, एकूण प्रभाग संख्या ही १६ असणार आहे. या ठिकाणी ३२ नगरसेवकांची संख्या निश्चित असणार आहे. या निवडणुकीतून नगर परिषद आणि नगरपंचायतीसाठी थेट निवडणुकीच्या माध्यमातून अध्यक्षपदाची निवड करण्यात येईल.

प्रभाग आणि सदस्यसंख्या- या निवडणुकीत एकूण २२२ प्रभागांमधून ३९८ सदस्य निवडून दिले जाणार आहेत. नगरपंचायतींमध्ये प्रत्येक प्रभागातून एक नगरसेवक, तर नगर परिषदांमध्ये प्रभागनिहाय दोन आणि तीन नगरसेवक निवडले जाणार आहेत. नगर परिषदांमधून बारामती (२१), लोणावळा (२७), दौंड (२६), तळेगाव (२८), चाकण (२५), सासवड (२२), जेजुरी (२०), इंदापूर (२०), शिरूर (२४), जुन्नर (२०), आळंदी (२१), भोर (२०), राजगुरुनगर (२१), वडगाव (१७), माळेगाव बुद्रुक(१७), फुरसुंगी-उरळी देवाची (१७) आणि मंचर (१७) अशी नगरसेवक संख्या आहे.

मतदारसंख्या आणि मतदान केंद्रांचे वाटप- १ जुलै २०२५ रोजीच्या मतदारयादीप्रमाणे जिल्ह्यातील स्थानिक संस्थांमध्ये ६ लाख ३४ हजार ९४० मतदार आहेत. मागील निवडणुकीच्या तुलनेत ही संख्या सुमारे तीन हजारांनी वाढली आहे. त्यानुसार मतदान केंद्रांची विभागणी करण्यात आली आहे. गेल्या निवडणुकीत मतदान केंद्रांची संख्या ५४० होती. त्यानुसार यंदा मतदान केंद्रांची संख्या सुमारे ४० टक्क्यांनी वाढविण्यात आली आहे, असे डुडी यांनी नमूद केले.

मतदान केंद्र रचना- ‘अ’ व ‘ब’ वर्ग नगर परिषदांसाठी ९०० ते हजार मतदारांमागे एक मतदान केंद्र, तर थेट अध्यक्षपद असलेल्या परिषदांमध्ये ९०० मतदारांमागे एक केंद्र असे नियोजन करण्यात आले आहे. नगरपंचायतींसाठी ११०० मतदारांमागे एक केंद्र अशी केंद्रांची रचना निश्चित करण्यात आली आहे. या वर्षी प्रत्येक केंद्रावर मूलभूत सोयीसुविधा, दिव्यांग मतदारांसाठी सरकते जिने, सुविधा आणि डिजिटल माहितीफलक बसविण्याच्या सूचना देण्यात आल्या आहेत, असे डुडी यांनी सांगितले.

मतदान यंत्रांची व्यवस्था- कंट्रोल युनिट-८११ असून मनुष्यबळ व्यवस्थापक- राज्य निवडणूक आयोगाच्या निर्देशानुसार, सहा उपजिल्हाधिकारी हे ‘अ’व ‘ब’वर्ग नगर परिषदांचे निवडणूक निर्णय अधिकारी म्हणून काम पाहतील. ११ तहसीलदारांना ‘क’वर्ग नगर परिषद आणि नगरपंचायतींसाठी जबाबदारी देण्यात आली आहे. प्रत्येक ठिकाणी मुख्याधिकारी हे सहायक निवडणूक निर्णय अधिकारी म्हणून काम पाहणार आहेत. त्यानुसार ८१० मतदान केंद्राध्यक्ष आणि ३,२४० मतदान अधिकारी यांच्या नियुक्त्या करण्यात येणार आहे. सर्व कर्मचारी संबंधित निवडणूक निर्णय अधिकाऱ्यांच्या नियंत्रणाखाली कार्यरत राहतील. स्थानिक स्वराज्य संस्थांची निवडणूक जाहीर झाल्याने संबंधित ठिकाणांच्या कार्यक्षेत्रातच आचारसंहिता असणार आहेत. त्यामुळे इतर महापालिका किंवा जिल्हा परिषद क्षेत्रात आचारसंहितेचे नियम लागू होणार नाहीत. मात्र, या दोन्ही संस्थांना कोणताही निर्णय घेताना त्याचा परिणाम निवडणुकीवर होणार नाही याबाबत काळजी घेण्याच्या सूचना अधिकाऱ्यांना केल्या असल्याचे डुडी यांनी नमूद केले. मतदान केंद्रांची संख्या- विभाग ; मतदान केंद्र- बारामती - ११५, लोणावळा  -६३, दौंड -५६, तळेगाव -७१, चाकण -३६, सासवड -३६, जेजुरी -२०, इंदापूर -२७, शिरूर -३६, जुन्नर -३०, आळंदी -३०, भोर -२२, राजगुरुनगर -३४, वडगाव -२४, माळेगाव बुद्रुक -२२, फुरसुंगी-उरळी देवाची -८४, मंचर -२४, एकूण -७३०

जिल्हानिहाय नगरपरिषदा व नगरपंचायतींची यादी

पालघर- 

डहाणू, जव्हार, पालघर आणि वाडा (न.पं)

रायगड-

अलिबाग, कर्जत, खोपोली, महाड, माथेरान, मुरुड-जंजिरा, पेण, रोहा, श्रीवर्धन आणि उरण (न.प.). रत्नागिरी- चिपळूण, देवरुख (न.पं.), गुहागर, खेड, लांजा (न.पं.), राजापूर आणि रत्नागिरी.

सिंधुदूर्ग- 

कणकवली (न.पं.), मालवण, सावंतवाडी आणि वेंगुर्ला.

ठाणे- 

अंबरनाथ आणि कुळगाव- बदलापूर.

अहिल्यानगर- 

देवळाली- प्रवरा, जामखेड, कोपरगाव, नेवासा (न.पं.) (न.पं.), पाथर्डी, राहाता, राहूरी, संगमनेर, शेवगाव, शिर्डी, श्रीगोंदा आणि श्रीरामपूर.

धुळे- 

दोंडाईचा-वरवाडे, पिंपळनेर, सिंदखेडा (न.पं.) आणि शिरपूर- वरवाडे.

जळगाव-

जामनेर, अमळनेर, भडगाव, भुसावळ, चाळीसगाव, चोपडा, धरणगांव, एरंडोल, फैजपूर, मुक्ताईनगर (न.पं.), नशिराबाद, पाचोरा, पारोळा, रावेर, सावदा, शेंदूणी (न.पं.), वरणगाव आणि यावल.

नंदूरबार- 

शहादा, नंदुरबार, नवापूर आणि तळोदा.

नाशिक- 

भगुर, मनमाड, नांदगाव, सटाणा, सिन्नर, येवला, चांदवाड, इगतपूरी, ओझर, पिंपळगांव- बसवंत आणि त्र्यंबक.

कोल्हापूर- 

आजरा (न.पं.), चंदगड (न.पं.), गडहिंग्लज, हातकणंगले, हुपरी, जयसिंगपूर, कागल, कुरुंदवाड, मलकापूर, मुरगूड, पन्हाळा, शिरोळ आणि वडगाव.

पुणे- 

आळंदी, बारामती, भोर, चाकण, दौंड, फुरसुंगी- उरळी देवाची, इंदापूर, जेजूरी, जुन्नर, लोणावळा, मालेगाव बु. (न.पं.), मंचर (न.पं.), राजगुरुनगर, सासवड, शिरुर, तळेगाव- दाभाडे आणि वडगाव (न.पं.).

सांगली- 

आष्टा, आटपाडी (न.पं.), इस्लामपूर, जत, पळूस, शिराळा (न.पं.), तासगाव आणि विटा.

सातारा- 

>कराड, महाबळेश्वर, मलकापूर, मेढा (न.पं.), म्हसवड, पाचगणी, फलटण, रहिमतपूर, सातारा आणि वाई.

सोलापूर- 

अक्कलकोट, अकलूज, अनागर (न.पं.), बार्शी, दुधनी, करमाळा, कुर्डूवाडी, मैदर्गी, मंगळवेढा, मोहोळ, पंढरपूर  आणि सांगोला.

बीड- 

अंबेजोगाई, बीड, धारुर, गेवराई, माजलगाव आणि परळी- वैजनाथ.

छत्रपती संभाजीनगर- 

फुलब्री (न.पं.), गंगापूर, कन्नड, खुलताबाद, पैठण, सिल्लोड आणि वैजापूर.

धाराशिव- 

भूम, कळंब, मुरुम, नळदुर्ग, धाराशिव, परंडा, तुळजापूर आणि उमरगा.

हिंगोली-

बसमतनगर, हिंगोली आणि कळमनुरी. जालना- अंबड, भोकरदन आणि परतूर.

लातूर- 

अहमदपूर, औसा, निलंगा, रेनापूर (न.पं.) आणि उदगीर.

नांदेड- 

बिलोली, देगलूर, धर्माबाद, हदगाव, हिमायतनगर (न.पं.), कंधार, कुंडलवाडी, मुदखेड, मुखेड, उमरी, भोकर, किनवट आणि लोहा.

परभणी- 

गंगाखेड, जिंतूर, मानवत, पाथरी, पूर्णा, सेलू आणि सोनपेठ.

अकोला- 

अकोट, बाळापूर, बार्शी- टाकळी, हिवरखेडा, मूर्तिजापूर आणि तेल्हारा.

अमरावती- 

अचलपूर, अंजनगाव सूर्जी, चांदूरबाजार, चांदूर रेल्वे, चिखलदरा, दर्यापूर, धामणगाव रेल्वे, धारणी (न.पं.), मोर्शी, नांदगाव खंडेश्वर (न.पं.), शेंदूरजनाघाट आणि वरुड.

बुलढाणा- 

बुलढाणा, चिखली, देऊळगाव राजा,

जळगाव 

जामोद, खामगाव, लोणार, मलकापूर, मेहकर, नांदूरा, शेंगाव आणि सिंदखेडराजा.

वाशीम-

कारंजा, मालेगाव (न.पं.), मंगरुळपीर, रिसोड आणि वशीम.

यवतमाळ- 

आर्णी, दारव्हा, दिग्रस, घाटंजी, पुसद, उमरखेड, वणी, यवतमाळ, ढाणकी (न.पं.), नेर- नबाबपूर आणि पांढरकवडा.

भंडारा- 

पवनी, साकोली शेंदूरवाफा, तुमसर आणि भंडारा.

चंद्रपूर- 

बल्लारपूर, भद्रावती, भिसी (न.पं.), ब्रह्मपूरी, चिमूर, गडचांदूर, घुग्घुस, मूल, नागभीड, राजूरा आणि वरोरा.

गडचिरोली- 

आरमोरी, देसाईगंज आणि गडचिरोली.

गोंदिया- 

गोंदिया, गोरेगाव (न.पं.), सालेकसा (न.पं.) आणि तिरोडा.

नागपूर- 

बहादुरा (न.पं.), बेसा पिपळा (न.पं.), भिवापूर (न.पं.), बुटिबोरी, डिगडोह, कळमेश्वर- ब्रह्मणी, कामठी, कांद्री- कन्हान (न.पं.), काटोल, खापा, कोंढाळी (न.पं.), महादुला (न.पं.), मोहपा, मौदा (न.पं.), नरखेड, निलडोह (न.पं.), पारशिवणी (न.पं.), रामटेक, सावनेर, उमरेड, वानाडोंगरी, बिडगाव- तरोडी (खू) पांढुर्णा (न.पं.), गोधणी रेल्वे (न.पं.), कन्हान- पिपरी, मोवाड, वाडी आणि येरखेडा (न.पं.).

वर्धा-

आर्वी, देवळी, हिंगणघाट, पुलगाव, सिंदी रेल्वे आणि वर्धा.

नगरपरिषद आरक्षण पुढील प्रमाणे :
नगरपरिषदांमधील अनुसूचित जातीसाठी आरक्षित पदे (एकूण 33 पदे)
अनुसूचित जाती महिलांसाठी आरक्षित नगरपरिषदा (17 पदे)-
देऊळगाव राजा, 2. मोहोळ, 3. तेल्हारा, 4. ओझर, 5. वाना डोंगरी (नागपूर), 6. भुसावळ, 7. घुग्घुस, 8. चिमूर, 9. शिर्डी, 10. सावदा, 11. मैंदर्गी, 12. डिगडोह(देवी), 13. दिग्रस (यवतमाळ), 14. अकलूज, 15. परतूर, 16. बीड, 17. शिरोळ

अनुसूचित जाती प्रवर्गासाठी (सर्वसाधारण) आरक्षित नगरपरिषदा (16 पदे)
पाचगणी, 2. हुपरी, 3. कळमेश्वर, 4. फुरसुंगी ऊरुळी-देवाची, 5. शेगांव, 6. लोणावळा, 7. बुटीबोरी, 8. आरमोरी, 9. मलकापूर, जि.सातारा, 10. नागभिड, 11. चांदवड, 12. अंजनगांवसूर्जी, 13. आर्णी, 14. सेलू, 15. गडहिंग्लज, 16. जळगांव-जामोद,

अनुसूचित जमाती या प्रवर्गासाठी आरक्षित नगरपरिषदा :-
अनुसूचित जमातीसाठी एकूण 11 पदांपैकी 6 पदे महिलांसाठी आरक्षित आहेत.
अनुसूचित जमाती महिलांसाठी आरक्षित (6 पदे)
पिंपळनेर, 2. शेंदूरजनाघाट, 3. भडगांव, 4. यवतमाळ, 5. उमरी, 6. वणी
अनुसूचित जमाती सर्वसाधारण प्रवर्ग (5 पदे)
पिंपळगांव-बसवंत, 2. राहुरी, 3. एरंडोल, 4. अमळनेर, 5. वरुड

 नागरिकांचा मागास प्रवर्ग या प्रवर्गासाठी नगरपरिषदा :-
एकूण 247 नगरपरिषदांमधून 67 पदे नागरिकांच्या मागास प्रवर्गासाठी आरक्षित ठेवण्यात आली आहेत.
नागरिकांचा मागास प्रवर्गातील (सर्वसाधारण) आरक्षित पदे (33 पदे)
तिरोडा, 2. वाशिम, 3. भद्रावती, 4. परांडा, 5. नंदुरबार, 6. खापा, 7. शहादा, 8. नवापूर, 9.त्र्यंबक, 10. कोपरगांव, 11. मंगरुळपीर, 12. कन्हान-पिंपरी, 13. पाथर्डी, 14. रामटेक, 15, नशिराबाद, 16.पालघर, 17. वरणगांव, 18. मलकापूर, जि.बुलडाणा, 19. इस्लामपूर, 20. मोहपा, 21. तुमसर, 22. महाड, 23. राहता, 24. श्रीवर्धन, 25. ब्रम्हपूरी, 26. दर्यापूर, 27. वैजापूर, 28. गोंदिया, 29. सांगोला, 30. वर्धा, 31. येवला, 32. कंधार, 33. शिरपूर-वरवाडे.
नागरिकांच्या मागास प्रवर्गातील महिलांसाठी राखीव पदे (34 पदे)
धामणगांव रेल्वे, 2. भोकरदन, 3. भगूर , 4. मालवण , 5. वरोरा , 6. हिंगोली , 7. मोर्शी , 8. उमरेड , 9. हिवरखेड , 10. बाळापूर , 11. शिरुर , 12. कुळगांव-बदलापूर , 13. देगलूर , 14. नेर-नबाबपूर , 15. धाराशिव , 16. इगतपूरी , 17. माजलगांव , 18. मुल , 19. बल्लारपूर , 20. जुन्नर , 21. कुर्डूवाडी , 22. औसा , 23. मुरुड-जंजिरा , 24. अकोट , 25. विटा , 26. चोपडा , 27. सटाणा , 28. काटोल , 29. दौंड , 30. रोहा , 31. देसाईगंज , 32. पुलगांव , 33. कर्जत, जि.रायगड , 34. दोंडाईचा-वरवाडे.

खुल्या प्रवर्गातील नगरपरिषदांचे आरक्षण
एकूण 247 पैकी 136 पदे ही खुल्या प्रवर्गासाठी आरक्षित असून यापैकी 68 पदे ही महिलांसाठी राखीव आहेत.
खुला प्रवर्ग (सर्वसाधारण)
1 फलटण, 2 अहमदपूर, 3 पाथरी, 4 चाळीसगांव, 5 तळोदा, 6  वाई, 7 नांदगांव, 8  जयसिंगपूर, 9निलंगा, 10 लोहा, 11  खोपोली, 12राजगुरूनगर  13 कराड, 14जेजुरी, 15 उमरगा, 16आळंदी, 17 पुसद, 18      बारामती 19 जत, 20. पारोळा, 21तळेगांव-दाभाडे, 22सासवड, 23      गडचांदुर, 24 रिसोड, 25 वेंगुर्ला, 26 पातूर, 27 किल्लेधारुर, 28 चिखली, 29 मेहकर, 30 दारव्हा, 31 सिल्लोड, 32 सिन्नर, 33  देवळी, 34 मुरूम, 35 वडगांव, 36 महाबळेश्वर, 37 आष्टा, 38       दुधणी, 39 कुंडलवाडी, 40 खुलताबाद, 41नरखेड, 42 राजूरा, 43 सिंदखेडराजा, 44 वाडी, 45 डहाणू,  46 देवळाली-प्रवरा, 47   कामठी, 48 अक्कलकोट, 49 सातारा, 50 भोर, 51 इंदापूर, 52 चिपळून, 53 माथेरान, 54 श्रीगोंदा, 55 श्रीरामपूर, 56 मनमाड, 57  नळदुर्ग, 58 भोकर, 59  बिलोली, 60 अंबेजोगाई, 61 जिंतूर, 62  सोनपेठ, 63 गंगापूर, 64  पांढरकवडा, 65 घाटंजी, 66 मुर्तीजापूर, 67   चिखलदरा, 68 तुळजापूर.

खुला प्रवर्गाताली महिलांसाठी नगरपरिषदा
परळी-वैजनाथ, 2. मुखेड, 3. अंबरनाथ, 4. अचलपूर ,5. मुदखेड 6. पवणी  7. कन्नड , 8. मलकापूर, जि.कोल्हापूर  , 9. मोवाड  , 10. पंढरपूर, 11. खामगांव  , 12. गंगाखेड , 13. धरणगांव , 14 बार्शी, 15. अंबड, 16. गेवराई, 17. म्हसवड, 18. गडचिरोली, 19.भंडारा, 20. उरण , 21. बुलडाणा , 22. पैठण , 23. कारंजा , 24. नांदुरा,  25.       सावनेर, 26. मंगळवेढा , 27. कळमनूरी , 28. आर्वी, 29. किनवट, 30. कागल  , 31.  संगमनेर, 32  मुरगुड, 33 साकोली, 34 कुरुदंवाड  , 35 पुर्णा,  36  कळंब , 37 चांदुररेल्वे , 38 चांदुरबाजार, 39           भुम , 40  रत्नागिरी , 41 रहिमतपूर, 42 खेड, 43 करमाळा  , 44 वसमत, 45 हिंगणघाट , 46 रावेर, 47 जामनेर, 48 पलुस, 49       यावल , 50 सावंतवाडी, 51 जव्हार, 52 तासगांव , 53   राजापूर  , 54    सिंधीरेल्वे , 55 जामखेड , 56   चाकण , 57  शेवगांव, 58 लोणार, 59 हदगांव, 60 पन्हाळा, 61 धर्माबाद, 62 उमरखेड, 63 मानवत, 64     पाचोरा , 65  पेण , 66  फैजपूर, 67 उदगीर, 68 अलीबाग.

नगरपंचायतीचे आरक्षण
राज्यातील 147 नगरपंचायतींच्या नगराध्यक्ष पदांचे आरक्षण आज काढण्यात आले. यामध्ये अनुसूचित जातीसाठी एकूण 18 जागा आरक्षित असून यामध्ये महिलांसाठी 9 व सर्वसाधारण साठी 9 पदे आरक्षित आहेत. तर अनुसूचित जमातीसाठी 13 जागा असून त्यामध्ये 7 जागा महिलांसाठी व 6 जागा सर्वसाधारण गटासाठी आहेत. तर नागरिकांचा मागास प्रवर्गासाठी एकूण 40 पदे आरक्षित असून त्यामध्ये 20 जागा महिलांसाठी व 20 जागा सर्वसाधारण गटासाठी आहेत. खुल्या प्रवर्गासाठी एकूण 76 जागा असून 38 जागा महिलांसाठी व 38 जागा या सर्वसाधारण गटासाठी आरक्षित आहेत.

अनुसूचित जाती या प्रवर्गासाठी राखीव :-
महिलांसाठी आरक्षित नगरपंचायती (9 पदे)
1 .निलडोह, 2. गोधनी(रेल्वे), 3. कोरची, 4. बहादुरा , 5. धानोरा, 6. गौंडपिंपरी, 7. ढाणकी , 8. अहेरी , 9. बेसा-पिपळा
अनुसूचित जाती प्रवर्ग (सर्वसाधारण)
येरखेडा, कांद्री (कन्हान), भिसी, कुरखेडा, देवरी, माळेगांव(ब्रु.), बिडगांव-तरोडी (खुर्द)-पांढुर्णा, भातकुली, दहीवडी.

अनुसूचित जमाती या प्रवर्गासाठी राखीव:-
महिलांसाठी आरक्षित नगर पंचायती (7 पदे)
भिवापूर, अर्जुनी-मोरगांव, सिरोंचा , हिंगणा, समुद्रपूर, पाली, देवळा.
अनुसूचित जमाती (सर्वसाधारण) (6 पदे)
कोरपणा, कळंब, माणगांव, गोरेगांव, सेलू , सिंदेवाही

नागरिकांचा मागास प्रवर्ग या प्रवर्गासाठी राखीव (40 पदे):-
सर्वसाधारण गटासाठी आरक्षित (20 पदे)
पारनेर, तळा, खानापूर, पालम, मंठा, कोंढाळी, माळशिरस , एटापल्ली, झरी-जामणी,  पोंभूर्णा , माहूर, आटपाडी, मालेगांव-जहांगिर, तिर्थपूरी, कणकवली, शिरुर-कासार, विक्रमगड, अकोले , मोखाडा, सुरगणा.
नागरिकांचा मागास प्रवर्गातील महिलांसाठी आरक्षित (20 पदे)
घनसावंगी, भामरागड, मंचर,  पाटोदा, माढा, कळवण, सावली, मानोरा, मारेगांव, आष्टी, जि. वर्धा, तलासरी, वडवणी, पोलादपूर, खालापूर, शिरुर-अनंतपाळ, जाफ्राबाद, चाकूर, आष्टी, जि.बीड, जिवती, कर्जत, जि.अहिल्यानगर.

खुल्या प्रवर्गासाठी नगर पंचायती (एकूण 76 पदे)
खुला (सर्वसाधारण) (38 पदे)
शेंदूर्णी , साक्री,   सालेकसा, कवठे-महांकाळ, देवणी, मोताळा, अर्धापूर, बोदवड, हिमायतनगर, कसई-दोडामार्ग, मुलचेरा, धडगांव-वडफळ्या, कुडाळ, कोरेगांव, दापोली, वाभवे-वैभववाडी, निफाड, चंदगड, चार्मोर्शी, बदनापूर, कारंजा, धारणी, फुलंब्री, हातकणंगले, लोहारा (ब्रु.), मुरबाड, केज, आजरा, संग्रामपूर, खंडाळा, वडूज, देवगड-जमसंडे, नेवासा, मौदा, शिराळा (जि.सांगली), नायगाव, सेनगाव, महागाव.
खुला प्रवर्गातील महिलांसाठी :- (पदे 38)
बाभुळगांव, 2. मुक्ताईनगर, 3. कुही, 4. देहू, 5. शहापूर, 6. पारशिवनी, 7. वडगांव-मावळ, 8. तिवसा, 9. मंडणगड, 10. शिंदखेडा, 11. लांजा, 12. देवरुख, 13. वाडा, 14. लोणंद, 15. मेढा, 16. जळकोट, 17. दिंडोरी, 18. सडक-अर्जुनी, 19. म्हसळा, 20. नातेपुते, 21. रेणापूर, 22. लाखणी, 23. औंढा-नागनाथ, 24. पाटण, 25. पेठ, 26. कडेगांव, 27. अनगर, 28. महादूला, 29. सोयगांव, 30. वैराग, 31. लाखांदूर, 32. राळेगांव, 33. गुहागर, 34. नांदगांव-खडेश्वर, 35. महाळुंग-श्रीपूर, 36. वाशी, जि.धाराशिव, 37.  बार्शी-टाकळी, 38. मोहाडी.

आरक्षण सोडत पारदर्शकपणे राबविली – राज्यमंत्री माधुरी मिसाळ
राज्यातील नगरपरिषदा व नगर पंचायतीच्या नगराध्यक्ष पदांची आरक्षण सोडत प्रक्रिया पारदर्शकपणे राबविण्यात आली, असे सांगून महिला प्रवर्गासाठी आरक्षित जागांवर निवडणूक लढविणाऱ्या भगिनींना तसेच या निवडणुकीसाठी सर्वांना नगर विकास राज्यमंत्री माधुरी मिसाळ यांनी शुभेच्छा दिल्या.

पुणे जिल्ह्यातील नगरपालिकांचे प्रवर्गनिहाय आरक्षण 
- फुरसुंगी-ऊरळी देवाची --- अनुसुचित जाती (एस.सी.) 
- लोणावळा --- अनुसुचित जाती (एस.सी.) 
- शिरूर ---  ओबीसी (महिला) 
- जुन्नर --- ओबीसी (महिला)
- दौंड --- ओबीसी (महिला) 
- चाकण ---  सर्वसाधारण (महिला)

सर्वसाधारण गटासाठीच्या (खुला गट ) नगरपालिका 
- राजगुरुनगर 
- जेजुरी 
- आळंदी 
- बारामती 
- तळेगाव दाभाडे 
- सासवड 
- भोर 
- इंदापूर 

पुणे जिल्ह्यातील नगर पंचायतीच्या नगराध्यक्षांचे आरक्षण 
- माळेगांव बुद्रुक --- अनुसुचित जाती (एस.सी.) 
- मंचर --- ओबीसी (महिला)
- देहू --- सर्वसाधारण महिला (खुला गट)
- वडगांव मावळ --- सर्वसाधारण महिला

Mr. Chandrakant Bhujbal

POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

     New Book

"महाराष्ट्रातील रणसंग्राम" पुस्तक

https://bhujbalchandrakant.myinstamojo.com/product/4518367/-f7b50

================================================

"महाराष्ट्रातील राजकारण" 

https://prabindia.blogspot.com/2021/12/blog-post_26.html

================================================

निवडणूक पूर्वतयारी व आचारसंहिता Election Preparation and Code of Conduct E-Book

फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/prabindiaEBook