Vidhan Parishad Election 2026; स्थानिक स्वराज्य संस्थांच्या विधान परिषदेच्या 17 जागांसाठी 18 जूनला निवडणूक तर 22 जून रोजी मतमोजणी

राष्ट्रवादीतील पक्षांतर्गत संशयकल्लोळामुळे मित्र पक्षांना राजकीय लाभ 

महाराष्ट्रात स्थानिक स्वराज्य संस्थांच्या रखडलेल्या निवडणुकांमुळे लांबणीवर पडलेल्या विधान परिषदेच्या 17 जागांसाठी निवडणूक आज जाहीर करण्यात आली आहे. केंद्रीय निवडणूक आयोगाने महाराष्ट्रात स्थानिक स्वराज्य संस्थांच्या माध्यमातून निवडल्या जाणाऱ्या विधान परिषदेच्या 17 जागांसाठी 18 जून रोजी मतदान तर 22 जून रोजी मतमोजणी होणार आहे. सोलापूर, अहमदनगर, ठाणे, जळगाव, नांदेड, सांगली-सातारा, यवतमाळ, पुणे, भंडारा-गोंदिया, नाशिक, अमरावतीच्या स्थानिक संस्थेच्या विधान परिषदेच्या जागांसाठी निवडणूक होणार आहे. स्थानिक स्वराज्य संस्थांच्या निवडणुकाच राज्यात न झाल्याने या मतदारसंघामध्ये पूर्वी निवडून आलेल्या आमदारांचा कार्यकाळ संपुष्टात येऊनही निवडणूक होऊ शकली नाही. अशात, गेल्या दोन अडीच वर्षांपासून आमदारकीच्या जागा रिक्त आहेत. काही जिल्ह्यांमधील जिल्हा परिषद पंचायत समितीच्या निवडणुका अद्यापही प्रलंबित असूनही या निवडणुका जाहीर केलेल्या असल्याने भावी सदस्यांच्या मतदानाअभावी या निवडणुका पार पडणार आहेत. मतदारांची संख्या अत्यल्प असणार असून केवल त्या क्षेत्रातील महापालिका, नगरपालिका, नगरपरिषद सदस्यांच्या संख्येवर मतदान होणार आहे. 

स्थानिक स्वराज्य संस्था मतदारसंघातील एकूण मतदार संख्येच्या 75 टक्के मतदार संख्या असेल तर विधान परिषदेची निवडणूक घेता येते. एकूण 17 जागांवर निवडणूक होणार, ज्यातील एका ठिकाणी पोटनिवडणूक होणार आहे. चंद्रशेखर बावनकुळे आमदार राहिलेल्या विधान परिषदेच्या नागपूर मतदारसंघासाठी देखील पोटनिवडणूक जाहीर करण्यात आली आहे. विधान परिषदेच्या एकूण 78 सदस्य संख्येपैकी 22 सदस्य स्थानिक स्वराज्य संस्थांद्वारे निवडून जात असतात.

महाराष्ट्र विधानपरिषदेच्या द्वैवार्षिक निवडणुकांची घोषणा करण्यात आली असून १६ जागांसाठी निवडणूक कार्यक्रम जाहीर करण्यात आला आहे. या सर्व १६ जागा या स्थानिक स्वराज्य संस्थांच्या मतदारसंघातील असून या जागांसाठी १८ जून रोजी मतदान होणार आहे. या निवडणुकीसाठी अर्ज भरण्याची मुदत २५ मे ते १ जून असणार आहे, तर अर्जांची छानणी २ जून रोजी होणार आहे. या निवडणुकीसाठी २२ जून रोजी मतमोजणी होणार आहे. महाराष्ट्रातील स्थानिक स्वराज्य संस्थांच्या निवडणुका लांबल्याने या मतदारांतून होणाऱ्या विधानपरिषदेच्या निवडणुकाही लांबल्या होत्या. मात्र स्थानिक स्वराज्य संस्थांच्या निवडणुका काही दिवसांपूर्वी पार पडल्याने विधानपरिषदेच्या या १६ जागांसाठीच्या निवडणुकीचा मार्ग मोकळा झाला आहे.

कोणकोणत्या मतदारसंघांसाठी होणार निवडणूक?

सोलापूर, अहिल्यानगर, ठाणे, जळगाव, सांगली-सातारा, नांदेड, यवतमाळ, पुणे, भंडारा-गोंदिया, रायगड-रत्नागिरी-सिंधुदुर्ग, नाशिक, वर्धा-चंद्रपूर-गडचिरोली, अमरावती, धाराशिव-लातूर-बीड, परभणी-हिंगोली आणि छत्रपती संभाजीनगर-जालना. 

दरम्यान काही दिवसांपूर्वीच विधानसभा सदस्यांच्या मतदानावर होणाऱ्या विधानपरिषदेच्या ९ जागांवरील निवडणूक पार पडली. विधान परिषदेच्या द्विवार्षिक निवडणुकीत बिनविरोध निवड झालेले नऊ आणि पोटनिवडणुकीत विजयी झालेल्या एक अशा दहा सदस्यांचा शपथविधी गुरुवारी सकाळी विधान भवनाच्या मध्यवर्ती सभागृहात पार पडला. परिषदेचे सभापती राम शिंदे यांनी या सदस्यांना शपथ दिली. या वेळी विधानसभेचे अध्यक्ष राहुल नार्वेकर, मुख्यमंत्री देवेंद्र फडणवीस, उपमुख्यमंत्री एकनाथ शिंदे, सुनेत्रा पवार उपस्थित होते. बिनविरोध निवड झालेल्या सदस्यांमध्ये भाजपचे प्रमोद जठार, माधवी नाईक, सुनील कर्जतकर, विवेक कोल्हे, संजय भेंडे. शिवसेनेच्या नीलम गोऱ्हे, बच्चू कडू, शिवसेना उबाठा पक्षाचे अंबादास दानवे आणि राष्ट्रवादी काँग्रेसकडून झिशान सिद्दीकींचा समावेश आहे. प्रज्ञा सातव यांनी काँग्रेस पक्षातून राजीनामा दिल्यानंतर रिक्त जागेसाठी पोटनिवडणूक घेतली होती. भाजपमध्ये प्रवेश केल्यानंतर सातव यांनाच ती जागा देण्यात आली.

आदर्श आचारसंहिता लागू- निवडणूक आयोगाच्या या घोषणेसोबतच संबंधित मतदारसंघांच्या कार्यक्षेत्रात ‘आदर्श निवडणूक आचारसंहिता’ (Model Code of Conduct) तातडीने लागू करण्यात आली आहे. स्थानिक पातळीवरील नगरसेवक, जिल्हा परिषद सदस्य यांच्या संख्याबळावर या जागांचे भवितव्य ठरणार असल्याने, आता महायुती आणि महाविकास आघाडीच्या नेत्यांमध्ये स्थानिक पातळीवर जोरदार मोर्चेबांधणी आणि राजकीय गणितांना सुरुवात झाली आहे.

निवडणुकीचे संपूर्ण वेळापत्रक 
अधिकृत अधिसूचना जारी करणे  : २५ मे २०२६ (सोमवार)
उमेदवारी अर्ज भरण्याची अंतिम मुदत: ०१ जून २०२६ (सोमवार)
उमेदवारी अर्जांची छाननी  : ०२ जून २०२६ (मंगळवार)
उमेदवारी अर्ज मागे घेण्याचा अंतिम दिवस: ०४ जून २०२६ (गुरुवार)
मतदानाचा दिनांक  : १८ जून २०२६ (गुरुवार)
मतदानाचा वेळ: सकाळी ०८:०० ते दुपारी ०४:०० पर्यंत
मतमोजणी आणि निकाल : २२ जून २०२६ (सोमवार)

सदस्यांचा कार्यकाळ संपलेल्यांची नावे
सोलापूर: प्रशांत प्रभाकर परिचारक
अहमदनगर: अरुणकाका बालभीमराव जगताप
ठाणे: फाटक रवींद्र सदानंद
जळगाव: चंदूभाई व्ही. पटेल
सांगली-सातारा: कदम मोहनराव श्रीपती
नांदेड: अमरनाथ अनंतराव राजूरकर
यवतमाळ: दुष्यंत सतीश चतुर्वेदी
पुणे: अनिल शिवाजीराव भोसले
भंडारा-गोंदिया: डॉ. परिणय रमेश फुके
रायगड-रत्नागिरी-सिंधुदुर्ग: अनिकेत सुनील तटकरे
नाशिक: नरेंद्र भिकाजी दराडे
वर्धा-चंद्रपूर-गडचिरोली: रामदास भगवानजी आबिटकर
अमरावती: प्रवीण रामचंद्र पोते
उस्मानाबाद-लातूर-बीड: सुरेश धस
परभणी-हिंगोली: विप्लव गोपीकिसन बजोरिया
औरंगाबाद-जालना: अंबादास दानवे

राष्ट्रवादीतील पक्षांतर्गत संशयकल्लोळामुळे मित्र पक्षांना राजकीय लाभ 

राष्ट्रवादी (अजित पवार) पक्षांतर्गत संशयकल्लोळ वातावरण निर्माण करण्यात विरोधकांना यश आल्याचे दिसून येत असून आमदार रोहित पवार यांची भूमिका देखील कारणीभूत असल्याची चर्चा राजकीय वर्तुळात झडत आहे. पक्षाचे सर्वेसर्वा अजित दादांच्या निधनामुळे पोरके झालेला पक्ष अजूनही धक्क्यातून सावरताना दिसून येत नाही. नेतृत्वावरुन पक्षांतर्गत संघर्ष धुपसत असून जेष्ठ व नवख्या पदाधिकाऱ्यांमध्ये विचारांची दरी निर्माण करण्यास काही प्रमाणात यश मिळताना दिसून येत आहे. दादांच्या अपघात दुर्घटना चौकशीची मागणी करुन त्रुटी दर्शवून घातपाताचा संशय निर्माण करणाऱ्या आमदार रोहित पवार यांची भूमिका देखील कारणीभूत असल्याची चर्चा आहे. दोन्ही राष्ट्रवादी एकत्र येणार असे देखील राजकीय वातावरण निर्माण केले जात आहे. विधानपरिषद निवडणुकांच्या पार्श्वभूमीवर या परिस्थितीचा लाभ विरोधकांना नव्हे तर मित्र पक्षांना लाभ मिळणार आहे.  

महाराष्ट्रातील उर्वरित स्थानिक स्वराज्य संस्थांच्या निवडणुका प्रलंबित असून त्या भागात झालेल्या पालिका, नगरपरिषद निवडणुकांमध्ये सत्तेतील भाजप प्रमुख पक्ष असून त्यांच्या सर्वाधिक सदस्य आहेत त्यामुळे काही जिल्ह्यामध्ये मित्र पक्षांच्या मतदार संख्या प्रभावी आहे मात्र राजकीय नेतृत्वहीन कुशलते अभावी विधानपरिषद निवडणुकांच्या जागांना  मुकावे लागणार आहे याचा राजकीय लाभ मित्र पक्षांना होणार आहे हे मात्र निश्चित आहे. 

राष्ट्रीय अध्यक्षांच्या सहीचे दोनदा वेगवेगळे बदल करून निवडणूक आयोगाला देण्यात आलेले पत्र ग्राह्य धरायचे की राष्ट्रीय कार्यकारिणीतील प्रक्रिया ग्राह्य धरायची याबाबत आता राजकीय वर्तुळात चर्चा सुरू झाली आहे. यामुळे पत्रांचा घोळ पदांचा गोंधळ सुरू आहे. शिवाय राष्ट्रवादी काँग्रेस पक्षाच्या राष्ट्रीय अध्यक्षा सुनेत्रा पवार यांच्या दोन महिन्यात बदललेल्या भूमिकेवरून देखील पक्षात उलटसुलट चर्चा सुरू झाली आहे. राष्ट्रवादी काँग्रेस पक्षातील सध्याचा निवडणूक आयोगासोबत सुरू असलेला पत्र प्रपंच पार्थ पवार करत आहे. म्हणजेच सुनेत्रा वहिनींची सही पार्थ पवारांची शाई हे करताना सुनेत्रा पवार त्यांना रोखू शकत नसल्यामुळे आणि प्रफुल पटेल सुनील तटकरे पक्षासोबत नसतील तर आगामी काळातील पक्षाचे एकंदरीत भविष्यच अडचणीचे असल्याचे आमदारामधे चर्चा आहे. सध्या भाजपने त्यांच्या पक्षात कोणत्याही प्रकारे राष्ट्रवादीतून इनकमिंग केले जाणार नाही, असे स्पष्ट केले आहे. त्यामुळे आता पक्षातील बिघडणारी घडी सावरायची असेल तर राष्ट्रवादी काँग्रेस शरदचंद्र पवार पक्षाचे प्रमुख शरद पवार यांनीच पुढाकार घ्यावा अशी काहींची धारणा आहे. 

पुणे जिल्हा स्थानिक स्वराज्य संस्था विधानपरिषद निवडणूक; राष्ट्रवादीकडे सर्वाधिक ३३८ मते 

महायुतीत राष्ट्रवादीला जागा दिल्यास बंडखोरी अटळ; भाजप सेनेकडे ३६७ मते

पुणे जिल्हा स्थानिक स्वराज्य संस्था विधानपरिषद मतदारसंघ निवडणुकीत महायुतीतील राष्ट्रवादी काँग्रेस आणि भाजप या दोन घटक पक्षांमध्येच सध्या तरी मोठी चुरस पहावयास मिळत आहे. मात्र पुण्याची ही जागा राष्ट्रवादी काँग्रेसला मिळणार की भाजपला, यावर या निवडणुकीच्या विजयाची गणिते अवलंबून राहणार आहेत. हा मतदारसंघ पुर्वीपासून राष्ट्रवादी काँग्रेसचा बालेकिल्ला असल्याने पुण्याची ही जागा राष्ट्रवादी काँग्रेसला मिळेल अशी चर्चा जिल्ह्यात रंगली आहे. मात्र याबाबतचा अंतिम निर्णय हा मुख्यमंत्री देवेंद्र फडणवीस आणि उपमुख्यमंत्री सुनेत्रा पवार हे दोन नेते घेणार आहेत. या निवडणुकीत विजयासाठी ४०० मते आवश्यक असून एकहाती मते ही दोन्ही पक्षांकडे नसल्याचे दिसून येत आहे. परंतू, भाजपच्या तुलनेत राष्ट्रवादी काँग्रेसकडे अधिक मते आहेत तर भाजप शिंदे सेनेकडे ३६७ मते वरचड आहेत. राष्ट्रवादीमध्ये एकगठ्ठा पक्षीय मतदान होण्याची शक्यता धूसर असून बदलत्या राजकीय समिकरणामुळे राष्ट्रवादीत दोन गट विभागले गेले असून त्याचा फटका बसेल अशी देखील शक्यता वर्तविली जात आहे. महायुतीत राष्ट्रवादीला जागा दिल्यास बंडखोरी अटळ असल्याचे देखील राजकीय वर्तुळात चर्चा आहे. 

तब्बल चार वर्षांच्या कालखंडानंतर यंदा पुणे जिल्हा स्थानिक स्वराज्य संस्था विधानपरिषद मतदारसंघाची निवडणूक होत आहे. या निवडणुकीत पुणे व पिंपरी चिंचवड या दोन्ही महापालिकांचे सर्व नगरसेवक (स्विकृत वगळून), पुणे जिल्हा परिषदेचे सर्व सदस्य, जिल्ह्यातील पंचायत समित्यांचे सभापती, नगरपालिका व नगरपंचायतींचे नगराध्यक्ष आणि सर्व नगरसेवक हे या निवडणुकीचे मतदार आहेत.  दरम्यान, राष्ट्रवादी काँग्रेसकडे सर्वाधिक ३३८ मते असून त्यापाठोपाठ भाजपकडे २९७ मते आहेत. याशिवाय शिवसेना (एकनाथ शिंदे गट) ७०, भारतीय राष्ट्रीय काँग्रेस १९, राष्ट्रवादी काँग्रेस शरदचंद्र पवार पक्ष १२, शिवसेना उद्धव बाळासाहेब ठाकरे पक्ष १० आणि अपक्ष व अन्य २७ मते आहेत. या निवडणुकीत शिवसेना आणि अपक्ष यांची मते निर्णायक ठरणार आहेत.  या निवडणुकीसाठी एकूण ७९९ मते आहेत. या निवडणुकीत १०० टक्के मतदान झाल्यास, निवडून येण्यासाठी किमान ४०० मते लागणार आहेत. राष्ट्रवादी काँग्रेस आणि भाजप या दोन्ही पक्षांच्या उमेदवारांमध्ये मैत्रीपूर्ण लढत झाल्यास, शिवसेना (एकनाथ शिंदे गट) आणि अपक्षांची मते निर्णायक ठरणार आहेत.

कोण आहेत मतदार? 

- पुणे व पिंपरी चिंचवड महापालिकेचे सर्व नगरसेवक. 

- पुणे जिल्हा परिषदेचे सर्व सदस्य ( पदसिद्ध सदस्यांसह) 

- जिल्ह्यातील सर्व नगरपालिका व नगर पंचायतींचे नगराध्यक्ष व नगरसेवक.

स्थानिक स्वराज्य संस्थानिहाय एकूण मतदार 

- पुणे जिल्हा परिषद --- ७३. 

- जिल्ह्यातील पंचायत समित्यांचे सभापती (पद्सिद्ध झेडपी सदस्य) --- १३. 

- पुणे महापालिका नगरसेवक --- १६५. 

- पिंपरी चिंचवड महापालिका नगरसेवक --- १२८. 

- नगरपालिका व नगर पंचायतींचे नगराध्यक्ष --- १८. 

- नगरपालिका व नगर पंचायतींचे नगरसेवक --- ४०२. 

- एकूण --- ७९९.

पक्षीय बलाबल 

- राष्ट्रवादी काँग्रेस (अजित पवार गट) --- ३३८

- भाजप --- २९७

- शिवसेना (एकनाथ शिंदे गट) --- ७०

- राष्ट्रवादी काँग्रेस शरदचंद्र पवार पक्ष --- १२

- शिवसेना उद्धव बाळासाहेब ठाकरे पक्ष --- १०

- भारतीय राष्ट्रीय काँग्रेस --- १९

- नागरिक हित संरक्षण मंडळ विकास आघाडी --- १६ 

- कृष्णा -भीमा आघाडी --- ०६

- जनमत विकास आघाडी --- ०२

- राष्ट्रीय समाज पक्ष --- ०१

- बहूजन समाज पार्टी --- ०१

- अपक्ष व अन्य --- २७. 

- एकूण --- ७९९.

Mr. Chandrakant Bhujbal

POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

     New Book

"महाराष्ट्रातील रणसंग्राम" पुस्तक

https://bhujbalchandrakant.myinstamojo.com/product/4518367/-f7b50

================================================

"महाराष्ट्रातील राजकारण" 

https://prabindia.blogspot.com/2021/12/blog-post_26.html

================================================

महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook

==================================================

निवडणूक पूर्वतयारी व आचारसंहिता Election Preparation and Code of Conduct E-Book

फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://bhujbalchandrakant.myinstamojo.com/product/election-preparation-and-code-of-conduct-e-b

Assembly Election Results 2026: पाच राज्यांच्या निवडणुकीचा अंतिम निकाल जाहीर; भाजपला घवघवीत यश, ममता बॅनर्जींच्या तृणमूलच बंगालमध्ये पानिपत

ममता बॅनर्जींच्या तृणमूलच बंगालमध्ये पानिपत; तामिळनाडूत द्रमुकला सर्वात मोठा धक्का, मुख्यमंत्री एम.के. स्टॅलिन पराभूत

पाच राज्यांच्या विधानसभा निवडणुकीचा निकाल सोमवारी जाहीर झाला. पश्चिम बंगाल, आसाम, पुद्दुचेरी, तामिळनाडू आणि केरळ या पाचही राज्यांमध्ये सोमवारी सकाळी आठ वाजता मतमोजणीला सुरुवात झाली. यामध्ये पश्चिम बंगालमध्ये भाजपला (BJP) घवघवीत यश मिळाले. तर आसामध्येही भाजपने पुन्हा एकदा सत्ता राखण्यात यश मिळवले. तर केरळमध्ये डाव्यांचा शेवटचा गड पडला असून याठिकाणी काँग्रेसची सत्ता येण्याची शक्यता आहे. तर तामिळनाडूमध्ये विजय थलपति याच्या टीव्हीके पक्षाने मुसंडी मारत द्रमुक आणि अण्णाद्रमुकला मागे टाकले. तर पुद्दुचेरीमध्येही भाजपने यश मिळवले आहे.

तामिळनाडू विधानसभा निवडणुकीतील सर्वाधिक धक्कादायक निकाल लागला आहे. द्रमुक नेते आणि तामिळनाडूचे मुख्यमंत्री एम.के. स्टॅलिन यांचा पराभव झाला आहे. अभिनेता विजयच्या टीव्हीके पक्षाच्या त्सुनामीमध्ये द्रमुकचा मोठा पराभव झाला आहे.  तामिळनाडूच्या विधानसभेची सदस्यसंख्या 234 इतकी आहे. या नुसार बहुमताची आकडेवारी 118 इतकी होते. जो पक्ष 118 जागा जिंकेल तामिळनाडूत सत्ता स्थापन करता येऊ शकते. अभिनेता विजय याच्या टीव्हीके पक्ष सर्वात मोठा पक्ष ठरला असला तरी ते बहुमताच्या मॅजिक फिगरपासून दूर आहेत. मात्र, सर्वात मोठा पक्ष म्हणून टीव्हीके पक्षाला तामिळनाडूत सत्ता स्थापन करता येऊ शकते. दरम्यान, अभिनेता विजय याचा टीव्हीके सर्वात मोठा पक्ष ठरल्याचं समोर येताच मोठ्या घडामोडी सुरु झाल्या आहेत. अभिनेता विजयचे वडील एस.ए. चंद्रशेखर यांनी काँग्रेसनं टीव्हीकेसोबत आघाडी करावी, यासाठी ऑफर दिली आहे. मात्र, राष्ट्रीय राजकारणातील द्रमुक सोबतची आघाडी टिकवण्यासाठी काँग्रेस काय निर्णय घेणार याकडे सर्वांचं लक्ष लागलं आहे. 

West Bengal Election Result 2026: पश्चिम बंगाल विधानसभा निवडणुकीचा निकाल
भाजप-207
तृणमूल काँग्रेस- 80
काँग्रेस -02
डावे पक्ष- 02
इतर-02
एकूण जागा-293
Tamilnadu Election Result 2026: तामिळनाडू विधानसभा निवडणुकीचा निकाल
द्रमुक- 74
अण्णाद्रमुक-53
टीव्हीके-107
इतर-00
एकूण जागा-234
Kerla Election Result 2026: केरळ विधानसभा निवडणुकीचा निकाल
काँग्रेस यूडीएफ आघाडी-102
डावी आघाडी -35
इतर-03
एकूण जागा-140
Assam Election Result 2026: आसाम विधानसभा निवडणुकीचा निकाल
भाजप-102
काँग्रेस- 19
इतर-05
एकूण जागा-126
Puducherry Election Result 2026: पुद्दुचेरी  विधानसभा निवडणुकीचा निकाल
भाजप- 18
काँग्रेस-06
इतर-06
एकूण जागा-30

Rahuri Bypoll Election 2026: राहुरीत अक्षय कर्डिलेंचा मोठा विजय

112587 मतांनी अक्षय कर्डीले विजयी. येथे शरद पवारांच्या राष्ट्रवादीचे उमेदवार गोविंद मोकाटे यांना 27,506 मते मिळाली असून वंचित बहुजन आघाडीच्या संतोष चोळकेंना 5690 मतं पडली आहेत. याशिवाय, अपक्ष उमेदवार रावसाहेब खेवरे यांना 7299 मतं मिळाली असून लाखांच्या फरकाने अक्षय कर्डिले आमदार बनले आहेत.

Baramati byelection Result 2026: सुनेत्रा पवारांना देशात सर्वाधिक मताधिक्य, पोटनिवडणुकीत इतिहास रचला

बारामती पोटनिवडणुकीच्या २४ व्या फेरीअखेर मिळालेल्या आकडेवारीनुसार, सुनेत्रा पवार यांचा विक्रमी विजय झाला आहे. सुनेत्रा पवार २ लाख १८ हजार ९३० इतक्या विक्रमी मताधिक्याने विजयी झाल्या आहेत. देशात सगळ्यात जास्त मताने निवडून येण्याचा विक्रम सुनेत्रा पवारांच्या नावाने आज झाला आहे. 

Mr. Chandrakant Bhujbal

POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

     New Book

"महाराष्ट्रातील रणसंग्राम" पुस्तक

https://bhujbalchandrakant.myinstamojo.com/product/4518367/-f7b50

================================================

"महाराष्ट्रातील राजकारण" 

https://prabindia.blogspot.com/2021/12/blog-post_26.html

================================================

महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook

==================================================

निवडणूक पूर्वतयारी व आचारसंहिता Election Preparation and Code of Conduct E-Book

फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://bhujbalchandrakant.myinstamojo.com/product/election-preparation-and-code-of-conduct-e-b

Baramati Assembly By Election 2026; बारामती पोटनिवडणुक बिनविरोध होण्याच्या शक्यतेने लोभापोटी अपक्षांकडून उमेदवारी अर्ज दाखल करण्यास झुंबड; उमेदवारांचे अर्धशतक

पराभवाच्या विक्रमासाठी काँग्रेसकडून उमेदवारी!

अजित पवारांच्या निधनानंतर बारामती विधानसभेसाठी पोटनिवडणूक पार पडत आहे. ही निवडणूक बिनविरोध व्हावी यासाठी महायुतीकडून प्रयत्न केले जात होते. मात्र मविआमधून काँग्रेसने बारामतीची पोटनिवडणूक लढण्याचा निर्णय घेतला. सुनेत्रा पवारांविरोधात काँग्रेसने आकाश मोरे यांना उमेदवारी जाहीर केली आहे. अजित पवारांना न्याय देण्याचा आमचा अट्टाहास आहे, असे आकाश मोरेंनी सांगितले.आता काँग्रेस थांबणार नाही, हा संदेश या माध्यमातून द्यायचा असल्याचेही मोरेंनी म्हटले आहे. मात्र प्रत्यक्षात प्रदेशाध्यक्ष सपकाळ गैरहजर राहून माघारीचे जणू संकेतच दिले आहेत. पराभवाच्या विक्रमासाठी काँग्रेसकडून उमेदवारी दिल्याची चर्चा राजकीय वर्तुळात झडत आहे. बारामती पोटनिवडणुक बिनविरोध होण्याच्या शक्यतेने लोभापोटी अपक्षांकडून उमेदवारी अर्ज दाखल करण्यास झुंबड उडाल्याचे अखेरच्या दिवशी दिसून आले. 50 हून अधिक उमेदवारांनी अर्ज दाखल केलेले आहेत. घाईघाईने दाखल केलेल्या उमेदवारी अर्ज केवल बारामती नव्हे तर राज्याच्या विविध भागातून उमेदवार बारामतीत दाखल झालेले पाहावयास मिळाले. प्रत्येकी माघार घेण्यास लाखों रुपये मिळणार असल्याची अफवा पसरली असून त्या लोभापोटी अर्ज दाखल झाल्याची चर्चा पाहावयास मिळाली. अर्थात छाननी मध्ये किती अर्ज वैध ठरतात त्यावरूनच बिनविरोध निवडणूक होते का ते निष्पन्न होणार आहे. 

५ उमेदवारांचे अर्ज बाद 

बारामती पोट निवडणुकीसाठी एकूण ५६ जणांनी ६८ नामनिर्देशनपत्र दाखल केलेली होती त्यामधील ५१ उमेदवारांचे अर्ज वैध झाले आहेत. ५ उमेदवारांचे अर्ज बाद झाले यामध्ये कॉँग्रेसच्या डमी उमेदवारांचे अर्ज एबी फॉर्म शिवाय असल्याने अवैध ठरविण्यात आले तर  राष्ट्रीय समाज पक्ष उमेदवाराचा देखील बाद ठरविण्यात आला अन्य २ अपक्ष उमेदवारांचा अर्ज बाद झाल्यांमध्ये समावेश आहे. अर्ज अवैध ठरले त्यांची नावे पुढील प्रमाणे- सचिन शंकर आगवणे, स्वप्नील गजेंद्र ढेरे, सुवर्णा सुधाकर गायकवाड, विजयकुमार रामचंद्र भिसे, गोपाळ यहवंतराव तंतरपाळे अशी आहेत. ५१ उमेदवारांमध्ये अर्ज माघार घेण्याच्या दिवशीच निवडणूक रिंगणतील उमेदवार संख्या स्पष्ट होणार आहे.   

बारामती पोटनिवडणुकीच्या पार्श्वभूमीवर भाजपचे प्रदेशाध्यक्ष चंद्रशेखर बावनकुळे यांनी काँग्रेसवर जोरदार निशाणा साधत आक्रमक भूमिका मांडली. “बारामतीत काँग्रेसने निवडणूक लढवू नये. जर लढलीच तर त्यांचा असा पराभव करू की त्यांना तोंड दाखवायला जागा राहणार नाही, असा थेट इशारा त्यांनी काँग्रेसला दिला आहे. बावनकुळे यांनी अजित पवार यांच्या राजकीय प्रवासाचा संदर्भ देत काँग्रेसला भावनिक साद घातली. “अजित दादांचा बहुतांश राजकीय काळ काँग्रेससोबत गेला आहे. त्यांचे संबंध, सहवास आणि कामाचा इतिहास काँग्रेसशी जोडलेला आहे. त्यामुळे काँग्रेसने काही राजकीय संस्कार जपायचे असतील, तर त्यांनी बारामतीत निवडणूक लढवू नये आणि सुनेत्रा पवार यांच्या पाठीशी उभं राहावं असे ते म्हणाले.

'माझ दुःख तळघरात कोंढलं', सुनेत्रा पवारांचा कंठ दाठला, शरद पवारांचे नाव घेत मोठं आवाहन

उपमुख्यमंत्री सुनेत्रा पवार यांनी आज बारामती विधानसभा पोटनिवडणुकीसाठी उमेदवारी अर्ज दाखल केला. उमेजवारी अर्ज दाखल करण्याआधी बारामतीमध्ये राष्ट्रवादीचा मेळावा पार पडला. या मेळाव्यामध्ये बोलताना बारामतीसह राज्यातील जनतेचीही काळजी घेण्याची शक्ती मला मिळावी, असं आवाहन सुनेत्रा पवार यांनी केले.

बारामती विधानसभा मतदारसंघाच्या पोटनिवडणुकीसाठी उमेदवारी अर्ज दाखल करण्यापूर्वी आयोजित करण्यात आलेल्या मेळाव्यात त्या बोलत होत्या. यावेळी व्यासपीठावर उपमुख्यमंत्री एकनाथ शिंदे, मंत्री राधाकृष्ण विखे पाटील, राष्ट्रवादीचे प्रदेशाध्यक्ष सुनील तटकरे, ज्येष्ठ नेते छगन भुजबळ, दिलीप वळसे-पाटील यांसह महायुतीचे अनेक दिग्गज नेते, आमदार आणि पदाधिकारी उपस्थित होते.

 

"दोन महिन्यांपूर्वी आपण आपल्या लाडक्या नेत्याला गमावलं. आज  त्या पार्श्वभूमीवर मी बारामती पोटनिवडणुकीसाठी अर्ज दाखल करत आहे. मला स्वप्नातही वाटलं नव्हतं, बारामतीची पोटनिवडणूक होईल. अजूनही दादा आपल्यात नाहीत यावर विश्वास बसत नाही. मला हे मान्यही नाही. पण नियतीने हा काळ माझ्यावर आणि तुमच्यावर आणला आहे. दादांच्या जाण्याने फक्त माझ्या कुटुंबाचे नव्हेतर बारामती तालुक्याचे, संपूर्ण देशाचे नुकसान झाले असे म्हटले तर वावगे ठरणार नाही," असं उपमुख्यमंत्री सुनेत्रा पवार म्हणाल्या. तसेच "दादांसाठी बारामती म्हणजे आईसारखी होती. बारामतीमधील प्रत्येक नागरिक दादांसाठी खरा पांडुरंग होता. बारामतीकरांची सेवा म्हणजे पांडुरंगांची सेवा हाच दादांचा विश्वास होता. म्हणूनच त्यांचा अखेरचा श्वासही बारामतीच्या मातीतच विसावला. बारामतीच्या  प्रत्येक झाडात, फुलात. पानात रस्त्यात इमारतीत दादांचा  स्पर्श आहे असे बोलून सुनेत्रा पवार भावुक झाल्या. 

उमेदवार देण्याचा काँग्रेसचा अधिकार; अशा प्रकारचे वक्तव्य करण्यासाठी परिपक्वता लागते- पवार

अजित पवारांच्या अकाली निधनामुळे आम्हाला दुःख आहे, त्यामुळे पवार कुटुंबप्रमुख म्हणून बारामतीची निवडणूक न लढवण्याचा निर्णय घेतला असं वक्तव्य ज्येष्ठ नेते शरद पवार यांनी केले. काँग्रेसने बारामतीमध्ये उमेदवार देण्याचा निर्णय घेतला, तो त्यांचा अधिकार आहे असंही शरद पवार म्हणाले. तसेच काँग्रेस पक्षावर वक्तव्य करण्याइतपत परिपक्वता पार्थ पवार यांच्याकडे आहे की नाही याची माहिती नाही असेही शरद पवार म्हणाले. 

बारामतीमध्ये उमेदवार देणं हा काँग्रेसचा अधिकार आहे, परिस्थिती पाहून काँग्रेसने निर्णय घेतला असेल असं शरद पवार म्हणाले. महाविकास आघाडी म्हणून एकत्र असताना एखाद्या मतदारसंघात अशा काही अडचणी येतात, तो काही राष्ट्रीय विषय नाही. राष्ट्रवादीचे खासदार पार्थ पवार यांनी काँग्रेसवर टीका केली होती. त्यावर प्रतिक्रिया देताना शरद पवार म्हणाले की, राजकारणामध्ये अशा प्रकारचं वक्तव्य करण्यासाठी परिपक्वता लागते. राजकारणातील परिपक्वता पार्थ पवार यांच्याकडे आहे की नाही याची माहिती नाही.

सुनेत्रा पवारांचा निरोप, लक्ष्मण हाकेंची माघार, काँग्रेसच्या निर्णयाकडे लक्ष

ओबीसी समाजाचे नेते लक्ष्मण हाके यांनीही निवडणूक लढवण्याची भूमिका घेतलेली. दुसरीकडे ही निवडणूक बिनविरोध करण्यासाठी राष्ट्रवादीकडून प्रयत्न केले जात आहे. कृषीमंत्री दत्तात्रय भरणे यांच्या चर्चेनंतर लक्ष्मण हाकेंनी माघार घेण्याचा निर्णय घेतला. सुनेत्रा पवारांचा निरोप घेऊन भरणेंनी बारामतीत लक्ष्मण हाके यांची भेट घेतली.

दरम्यान निवडणूक आयोगाकडून जाहीर करण्यात आलेल्या कार्यक्रमानुसार मतदान 23 एप्रिल 2026 रोजी होणार असून मतमोजणी 4 मे 2026 रोजी केली जाणार आहे. मतदानासाठी सर्व मतदान केंद्रांवर इलेक्ट्रॉनिक व्होटिंग मशीन (EVM) आणि व्हीव्हीपॅट (VVPAT) यांचा वापर करण्यात येणार आहे. मतदारांची ओळख पटवण्यासाठी मतदार फोटो ओळखपत्र (EPIC) हा मुख्य पुरावा असेल. याशिवाय आधार कार्ड, पॅन कार्ड, ड्रायव्हिंग लायसन्स, पासपोर्ट, बँक किंवा पोस्ट ऑफिस पासबुक, मनरेगा जॉब कार्ड, आरोग्य विमा स्मार्ट कार्ड आदी कागदपत्रेही ग्राह्य धरली जाणार आहेत. 

बारामती पोटनिवडणुकीसाठी उमेदवारी अर्ज दाखल करणारांची नावे, पक्ष, यादी तपशील पहा- 

क्र	उमेदवार नाव	ठिकाण	पक्ष	तपशील
1	सुनेत्रा अजित पवार	बारामती	राष्ट्रवादी	उमेदवारी कायम
2	राघु येताळा घुटूकडे	सोलापूर	न्यू राष्ट्रीय समाज पार्टी	उमेदवारी कायम
3	सतीश कृष्णा कदम	सांगली	हिन्दुस्तान जनता पार्टी	उमेदवारी कायम
4	अभिजीत आवाडे-बिचुकले	सातारा	अपक्ष	उमेदवारी कायम
5	अविनाश वामनराव गायकवाड	बारामती	अपक्ष	उमेदवारी कायम
6	करुणा धनंजय मुंडे	बीड	स्वराज्य शक्ति सेना	उमेदवारी कायम
7	गजानन उत्तम गवळी	बुलढाणा	अपक्ष	उमेदवारी कायम
8	चंद्रकांत रामभाजी मोटे	अंबरनाथ	अपक्ष	उमेदवारी कायम
9	चंद्रकांत सुर्यकांत वाघमोडे	बारामती	अपक्ष	उमेदवारी कायम
10	दत्तात्रय रावसाहेब बेदरे	सोलापूर	अपक्ष	उमेदवारी कायम
11	बाळासो मारुती धपते	इंदापूर	अपक्ष	उमेदवारी कायम
12	रोहित राजू भोसले	बारामती	अपक्ष	उमेदवारी कायम
13	मिथुन सोपानराव आटोळे	बारामती	अपक्ष	उमेदवारी कायम
14	मंगलदास निकाळजे	बारामती	अपक्ष	उमेदवारी कायम
15	योगेश मोहनदास रतेश्वर	उल्हासनगर	अपक्ष	उमेदवारी कायम
16	विजयकुमार रामचंद्र भिसे	बारामती	अपक्ष	उमेदवारी कायम
17	विराज महादेव शिंदे	बारामती	अपक्ष	उमेदवारी कायम
18	शिवाजी जयसिंग कोकरे	बारामती	अपक्ष	उमेदवारी कायम
19	सतीश नाना सोनवणे	चेंबुर	अपक्ष	उमेदवारी कायम
20	सागर शरद भिसे	सातारा	अपक्ष	उमेदवारी कायम
21	सजन भगवान अडसूळ	बारामती	अपक्ष	उमेदवारी कायम
22	सीताराम विठ्ठल रणदिवे	सोलापूर	अपक्ष	उमेदवारी कायम
23	सोनाली सूर्यकांत राणे	कल्याण	अपक्ष	उमेदवारी कायम
24	सचिन शंकर आगवणे	बारामती	राष्ट्रीय समाज पक्ष	अवैध
25	सुवर्णा सुधाकर गायकवाड	सांगली	इंडियन नेशनल काँग्रेस	अवैध
26	गोपाळ यहवंतराव तंतरपाळे	देहूरोड पुणे	अपक्ष	अवैध
27	स्वप्नील गजेंद्र ढेरे	सोलापूर	अपक्ष	अवैध
28	आकाश विजयराव मोरे	बारामती	इंडियन नेशनल काँग्रेस	माघार
29	प्रतीक्षा प्रशांत चव्हाण	संभाजीनगर	आंबेडकरिस्ट रिप. पार्टी	माघार
30	दिनकर धारोजी गायकवाड	नाशिक	भारतीय जन सम्राट पार्टी	माघार
31	दशरथ नाना राऊत	बारामती	भारतीय प्रजा सुराज्य पक्ष	माघार
32	अरुण भाऊराव निटुरे	धाराशिव	राष्ट्रीय किसान बहुजन पार्टी	माघार
33	अनिल दशरथ तुपे	अहिल्यानगर	अपक्ष	माघार
34	दिलीप प्रभाकर अळोणी	ठाणे	अपक्ष	माघार
35	कांबळे त्रिशला मिलिंद	ठाणे	अपक्ष	माघार
36	उमेश महादेव म्हेत्रे	दौंड पुणे	अपक्ष	माघार
37	विलास बाबुराव होळकर	बारामती	अपक्ष	माघार
38	विक्रम भरत कोकरे	बारामती	अपक्ष	माघार
39	संतोष पोपटराव कांबळे	बारामती	अपक्ष	माघार
40	अभिजीत महादेव कांबळे	बारामती	अपक्ष	माघार
41	दादा एकनाथ थोरात	बारामती	अपक्ष	माघार
42	गावडे संकेत बाळासाहेब	बारामती	अपक्ष	माघार
43	माऊली जमादार कांबळे	बारामती	अपक्ष	माघार
44	अशोक रामचंद्र खामगळ	बारामती	अपक्ष	माघार
45	बाळासो चंदर थोरात	बारामती	अपक्ष	माघार
46	विशाल दिलीप घोरपडे	बारामती	अपक्ष	माघार
47	राहुल बाळासो थोरात	बारामती	अपक्ष	माघार
48	अमोल यशवंत कोकरे	बारामती	अपक्ष	माघार
49	महेंद्र अशोक ताटे	बीड	अपक्ष	माघार
50	त्रिभुवन मधुकर पद्मकर	संभाजीनगर	अपक्ष	माघार
51	उन्मेश गणपतराव देशमुख	सांगली	अपक्ष	माघार
52	संदिप जनार्दन खरात	सातारा	अपक्ष	माघार
53	रझाक जाफर मुलाणी	सोलापूर	अपक्ष	माघार
54	सिद्धराम सोमन्ना काकनकी	सोलापूर	अपक्ष	माघार
55	मोहन विष्णू राऊत	सोलापूर	अपक्ष	माघार
56	खिजर पिरजादे	सोलापूर	अपक्ष	माघार

बारामती विधानसभा पोटनिवडणूक २०२६

केंद्रीय निवडणूक आयोगाने जाहीर केल्यानुसार, बारामती विधानसभा मतदारसंघाच्या पोटनिवडणुकीची प्रक्रिया खालीलप्रमाणे पार पडेल

निवडणूक अधिसूचना प्रसिद्ध होणे: २७ मार्च २०२६
उमेदवारी अर्ज भरण्याची शेवटची तारीख: ६ एप्रिल २०२६
उमेदवारी अर्जांची छाननी: ७ एप्रिल २०२६
अर्ज मागे घेण्याची अंतिम मुदत: ९ एप्रिल २०२६
मतदान कधी: २३ एप्रिल २०२६
मतमोजणी आणि निकाल: ०४ मे २०२६
निवडणूक प्रक्रिया पूर्ण होण्याची तारीख: ०६ मे २०२६

Mr. Chandrakant Bhujbal

POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

     New Book

"महाराष्ट्रातील रणसंग्राम" पुस्तक

https://bhujbalchandrakant.myinstamojo.com/product/4518367/-f7b50

================================================

"महाराष्ट्रातील राजकारण" 

https://prabindia.blogspot.com/2021/12/blog-post_26.html

================================================

महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook

==================================================

निवडणूक पूर्वतयारी व आचारसंहिता Election Preparation and Code of Conduct E-Book

फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://bhujbalchandrakant.myinstamojo.com/product/election-preparation-and-code-of-conduct-e-b