‘धडपड भाग २’ हे पुस्तक युवकांना प्रेरणा देणारे ठरेल – उपमुख्यमंत्री अजित पवार
उद्योजक राजेश बाहेती यांच्यासह विविध क्षेत्रात यश संपादन करणाऱ्या मान्यवरांचा सत्कार
पुणे- ‘धडपड भाग २’ या पुस्तकात विविध क्षेत्रात उल्लेखनीय कार्य करीत असलेल्या व्यक्तींची यशोगाथा पत्रकार श्याम दौंडकर यांनी रेखाटली असून हे पुस्तक युवकांना प्रेरणा देणारे ठरेल, असे प्रतिपादन उपमुख्यमंत्री अजित पवार यांनी केले.
जिल्हा परिषदेच्या सभागृहात आयोजित धडपड भाग दोन या पुस्तक प्रकाशन सोहळ्यात ते बोलत होते. कार्यक्रमाच्या अध्यक्षस्थानी पांडुरंग खेसे होते.
याप्रसंगी आमदार अतुल बेनके, माजी आमदार शरद ढमाले, राष्ट्रवादीचे शहर कार्याध्यक्ष प्रदीप देशमुख, जिल्हा परिषदेचे मुख्य कार्यकारी अधिकारी संतोष पाटील, पुणे जिल्हा परिषदेचे अतिरिक्त मुख्य कार्यकारी अधिकारी चंद्रकांत वाघमारे, महावितरणचे मुख्य अभियंता राजेंद्र पवार, उद्योजक अजित इंगवले, उद्योजक वर्धमान शहा, लेखक व जेष्ठ पत्रकार श्याम दौंडकर, जिल्हा परिषदेचे माजी अध्यक्ष देवराम लांडे, माजी उपाध्यक्ष रणजीत शिवतरे, माजी सदस्य, बाबा जगदाळे, अर्जुन गरुड, जेष्ठ पत्रकार व प्रकाशक चंद्रकांत भुजबळ, वाघोलीच्या सरपंच जयश्री सातव, माजी उपसरपंच राजेंद्र सातव, आपटे मोटर्स स्कूलचे अमेय आपटे, उद्योजक लक्ष्मण बालवडकर, उद्योजक अरुण गायकवाड अरुण येवले, गणेश देशमुख, एडवोकेट पी जे थोरवे, उद्योजक अरुण गायकवाड, राजेश बाहेती, प्रीतम साठे, गणेश दरेकर जिल्हा दूध संघाचे अध्यक्ष भगवान पासलकर, माजी अध्यक्ष विष्णू हिंगे, एडवोकेट अनिल रजपूत, पांडुरंग थोरवे, जेष्ठ पत्रकार राजेंद्र वाघमारे, प्रकाश भोईटे आदी मान्यवर उपस्थित होते.
उपमुख्यमंत्री श्री. पवार म्हणाले, धडपड भाग २ या पुस्तकात शून्यातून विश्व निर्माण करणाऱ्या विविध क्षेत्रातील 140 व्यक्तींच्या कार्याचा समावेश आहे. हे पुस्तक वाचनीय असून त्यामध्ये चिकाटी, जिद्द व ध्येय उराशी बाळगून या व्यक्तींनी यश संपादन केल्याचे पाहायला मिळते.
गल्ली ते दिल्लीपर्यंतच्या व्यक्तींच्या संघर्ष कथा श्री. दौंडकर यांनी सोप्या भाषेत मांडल्या आहेत. पत्रकार म्हणून त्यांनी जिल्हा परिषद, ग्रामपंचायती येथील समस्यांचा अभ्यास करून त्या योग्य रीतीने मांडल्या आहेत. नागरिकांनी हे पुस्तक अवश्य वाचावे, असे आवाहनही त्यांनी यावेळी केले.
राज्याच्या विकासासाठी शासन प्रयत्नशील असल्याचे सांगून श्री.पवार म्हणाले, नुकत्याच पार पडलेल्या अर्थसंकल्पात शासनाने तरुण-तरुणी, शेतकरी, माता, भगिनी करिता विविध योजना आणण्याचा प्रयत्न केला आहे. त्याला प्रतिसादही चांगला मिळत आहे. येत्या रक्षाबंधनाच्या निमित्ताने मुख्यमंत्री माझी लाडकी बहिण या योजनेतील लाभार्थ्यांना जुलै आणि ऑगस्ट महिन्याचे प्रत्येकी ३ हजार रुपयांच्या लाभाचे वितरण केले जाईल.
महिलांना समृद्ध करणे, त्यांना आत्मबल देणे हे मुख्यमंत्री माझी लाडकी बहिण या योजनेचे मुख्य उद्दिष्ट आहे. कुटुंबाचे ८ लाखाच्या आत उत्पन्न असलेल्या मुलींना मोफत शिक्षण देण्यात येत आहे. गरीब व होतकरू लाभार्थ्यांना याचा लाभ होईल. योजना राबविताना त्यात सातत्य राहावे यासाठी भरीव तरतूद केली आहे. विविध लाभ घेण्यासाठी लाभार्थ्यांनी अर्ज करण्याचे आवाहन देखील त्यांनी यावेळी केले.
यावेळी उपमुख्यमंत्री अजित पवार यांच्या हस्ते विविध क्षेत्रात यश संपादन करणाऱ्या व्यक्तींचा सत्कारही करण्यात आला. यामध्ये उद्योजक राजेश बाहेती, भगवान पासलकर, रिद्धी लेंडे, लक्ष्मण बालवडकर, विष्णू हिंगे स्वाती डिंबळे, समीर भूमकर, आदिनाथ साळवी , वर्धमान शहा, अरुण गायकवाड, अजित इंगवले, आदींचा समावेश होता. याप्रसंगी लोकमित्र प्रकाशन व पॉलिटीकल रिसर्च अॅण्ड अॅनालिसेस ब्युरो (प्राब)चे "महाराष्ट्रातील रणसंग्राम" हे पुस्तक अ‍ॅड.संध्या भुजबळ यांनी वाढदिवसानिमित्त उपमुख्यमंत्री अजित पवार यांना देऊन त्यांना शुभेच्छा दिल्या.
यावेळी उपमुख्यमंत्री श्री.पवार यांनी जर‘चला जगाचा प्रवास करूया’ या सुनिता नेराळे यानी टुरिस्ट साठी तयार केलेल्या अत्यंत सुसज्ज अशा वाहनाची पाहणी केली. कार्यक्रमाचे सूत्रसंचालन पत्रकार शैलेश गुजर यांनी केले. तर आभार जेष्ठ पत्रकार व राजकीय विश्लेषक चंद्रकांत भुजबळ यांनी मानले.
अन्य समाजमाध्यमे व प्रसारमाध्यमांमध्ये प्रसिद्धी संबंधित लिंक-
धडपड भाग २’ हे पुस्तक युवकांना प्रेरणा देणारे ठरेल – उपमुख्यमंत्री अजित पवार
--------------------------------------------------
उपमुख्यमंत्री अजित पवार यांच्या हस्ते श्याम दौंडकर यांच्या धडपड भाग २ पुस्तकाचे प्रकाशन !
--------------------------------------------------
‘धडपड भाग २’ हे पुस्तक युवकांना प्रेरणा देणारे ठरेल -उपमुख्यमंत्री अजित पवार
--------------------------------------------------
राज्यपाल नियुक्त 12 जागांपैकी राष्ट्रवादीला किती जागा मिळणार?; अजितदादांनी आकडा सांगितला
--------------------------------------------------
उपमुख्यमंत्री अजित पवार यांच्या हस्ते श्याम दौंडकर यांच्या 'धडपड भाग २' पुस्तकाचे प्रकाशन
--------------------------------------------------
उपमुख्यमंत्री अजित पवार यांच्या हस्ते श्याम दौंडकर यांच्या 'धडपड भाग २' पुस्तकाचे प्रकाशन
--------------------------------------------------
श्याम दौंडकर यांच्या 'धडपड भाग २' पुस्तकाचे प्रकाशन
--------------------------------------------------
ज्येष्ठ पत्रकार श्याम दौंडकर यांच्या धडपड या पुस्तकाचा प्रकाशन सोहळा The Public Voice
--------------------------------------------------
ज्येष्ठ पत्रकार श्याम दौंडकर यांच्या धडपड या पुस्तकाचा प्रकाशन सोहळा
--------------------------------------------------
ज्येष्ठ पत्रकार श्याम दौंडकर यांच्या धडपड या पुस्तकाचा प्रकाशन सोहळा
--------------------------------------------------
Mr. Chandrakant Bhujbal
POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अॅण्ड अॅनालिसेस ब्युरो (प्राब)
=============================
New Book
"महाराष्ट्रातील रणसंग्राम" पुस्तक
============================="महाराष्ट्रातील राजकारण"
=============================
"महाराष्ट्रातील राजकारण"
=============================
निवडणूक पूर्वतयारी व आचारसंहिता Election Preparation and Code of Conduct E-Book
No comments:
Post a Comment
Note: only a member of this blog may post a comment.