Pune APMC Election 2023; Haveli Market Committee; हवेली कृषी उत्पन्न बाजार समिती निवडणूक मतांचा भाव फुटला!

अधिकृत पॅनेल पेक्षा बंडखोरीला वरिष्ठांचीच फूस! राष्ट्रवादीच्याच गटांमध्ये चुरस; भाजपच्या गोटात शांतता

पुणे- हवेली कृषी उत्पन्न बाजार समिती पंचवार्षिक निवडणूक तब्बल दोन तपानंतर होत आहे. त्यामुळे यानिवडणुकीत संचालक पदासाठी इच्छुकांमध्ये चुरस निर्माण झाल्याचे चित्र दिसून येत असून प्रारूप यादीनुसार संबंधित मतदारांच्या इच्छुकांच्या भेटीगाठींमुळे मतांचा भाव वधारला असून किमान 50 हजार इतका मतांचा भाव  फुटला आहे. 

      दरम्यान पुणे जिल्ह्यातील कृषी सोसायटी व ग्रामपंचायत मध्ये राष्ट्रवादी काँग्रेस पक्षाचे वर्चस्व असल्याने मोठ्याप्रमाणावर जुनी-जाणती जेष्ठ पदाधिकारी व युवा कार्यकर्ते संचालक पदासाठी तीव्र इच्छुक आहेत. पुणे जिल्हा बँक निवडणुकीत अधिक चुरस असलेल्या जागेवर मैत्रीपूर्ण लढतीच्या नावे अ वर्ग मतदारांची चांदी होऊन 'जो जिता वही सिकंदर' प्रमाणे 'निवडून येईल तो पक्षाचा उमेदवार' असा पवित्रा पक्षाच्या वरिष्ठांनी घेतला त्याच प्रमाणे हवेली कृषी उत्पन्न बाजार समिती पंचवार्षिक निवडणूकीत देखील घेतला जाणार आहे हे गृहीत धरूनच इच्छुकांकडून प्रचाराची धामधूम सूरु असल्याने मतांचा भाव देखील फुटला आहे. अधिकृत पॅनेल पेक्षा बंडखोरीला वरिष्ठांचीच फूस असल्याची इच्छुकांकडून मतदारांमध्ये बिंबवले जात आहे. राष्ट्रवादी काँग्रेस पक्षाचे वर्चस्व असल्याने राष्ट्रवादीच्याच गटांमध्ये निवडणूक होण्याची शक्यता व्यक्त होत आहे. असे असले तरी भाजपच्या गोटात मात्र शांतता दिसून येत आहे. भाजप या निवडणुकीत कोणती भूमिका घेणार, याकडे देखील अनेकांच्या नजरा लागल्या आहेत. 

      हवेली कृषी उत्पन्न बाजार समितीमध्ये कोट्यवधीची उलाढाल होत असल्याने आर्थिक लाभाचे प्रमाणही मोठ्याप्रमाणावर असल्याने या-ना-त्या कारणाने तब्बल 18 वर्ष निवडणूक टाळण्यात प्रशासकीय बाबू यशस्वी झाले होते. निवडणूक रखडण्यामागे या बाजार समितीचे तत्कालीन संचालक मंडळामध्ये एकमेकांवर झालेले आरोप-प्रत्यारोप, न्यायालयामध्ये वाद, राज्यांमध्ये झालेली सत्तांतरे, यातून हवेली बाजार समितीचे संचालक बोर्ड बरखास्त करण्यात आले. ही संस्था हवेली तालुक्यापुरतीच ठेवायची का? पुणे जिल्ह्यात पुरती मर्यादित ठेवायची? त्याला राज्यस्तरीय दर्जा द्यायचा का? राज्यस्तरावर निवडणूक घ्यायची तसेच अनेक विद्वान लोक यासंदर्भात हायकोर्ट सुप्रीम कोर्टामध्ये गेलेले होते अजूनही आहेत. शेवटी उच्च न्यायालयाच्या आदेशानुसार बाजार समितीची निवडणूक ही २९ एप्रिल २०२३ रोजी घेणे राज्य सरकारवर बंधनकारक आहे. त्यामुळे न्यायालयाच्या आदेशाप्रमाणे ही निवडणूक पार पडत आहे. 

     दोन तपानंतर होत असलेल्या हवेली कृषी उत्पन्न बाजार समितीवर निवडून जाण्यात अनेक राजकीय पदाधिकारी इच्छुक आहेत. राजकारणातील ज्येष्ठ आणि तरुण अशा दोन्ही पिढ्या बाजार समितीची निवडणुकीसाठी थांबलेले आहेत. त्यामुळेच या निवडणुकीकडे सर्व राजकीय पक्ष कार्यकर्ते पदाधिकाऱ्यांचे लक्ष लागून राहिले आहे. इच्छुकांकडून पक्षाच्या आदेशाची वाट न पाहता प्रचारात सक्रियता दर्शवली आहे. संपूर्ण जिल्ह्याची मोठी आर्थिक उलाढाल या ठिकाणीच होत असते. यामुळे सर्व पक्षाच्या पदाधिकारी कार्यकर्त्यांमध्ये या निवडणुकीच्या निमित्ताने उत्साहाचे वातावरण निर्माण झाले आहे. 

     आशिया खंडातील सर्वात मोठी आर्थिक उलाढाल असलेल्या या कृषी उत्पन्न बाजार समिती साठी १८ संचालक निवडून द्यायचे आहेत. यासाठी सोसायटी मधून ११ जागांसाठी एक हजार ६५५ मतदार, ग्रामपंचायतमधून चार जागांसाठी ७१३ मतदार, व्यापारीमधून दोन जागांसाठी १३ हजार १७० मतदार तर कामगार हमाल मापाडीमधून एका जागेसाठी एक हजार ७८० मतदार असणार आहेत.

      १५ मार्च रोजी अंतिम मतदार यादी प्रसिद्ध होणार आहे. स्थानिक स्वराज्य संस्थांच्या निवडणुका लांबणीवर पडल्याने या निवडणुकीकडे सर्वांचे लक्ष लागून राहिले आहे. प्रमुख राजकीय पक्षांच्या नेतेमंडळींच्या बैठका होत आहेत मात्र भाजपकडून सक्रीय हालचाली दिसून येत नाहीत. अनेक वर्षांनी होणाऱ्या सहकारातील प्रतिष्ठित असणारी ही निवडणूक हवेली तालुक्यातील दिग्गजांची प्रतिष्ठा पणाला लावणारी असल्याने ही निवडणूक अतिशय चुरशीची होणार आहे. बाजार समितीच्या निवडणुकीची प्रारूप मतदार यादी नुकतीच प्रसिद्ध झाली असून यात १८ जागांसाठी १७ हजार ४१९ जण मतदानाचा हक्क बजावणार आहेत.  

     महाराष्ट्र कृषी उत्पन्न पणन (विकास व विनियमन) अधिनियम १९६३ व त्याखालील नियम १९६७ मधील तरतूदीनुसार बाजार समितीचा कारभार निवडून आलेले संचालक मंडळ, त्यांच्यामधील सभापती, उपसभापती, सदस्य व बाजार समितीचे सचिव अशा संचालक मंडळाकडून केला जातो. बाजार समितीच्या सध्याच्या निवडणूक पद्धतीत कार्यक्षेत्रातील सेवा संस्था व बहुउद्देशीय सहकारी संस्था सदस्यांकडून ११ व ग्रामपंचायत सदस्यांकडून ४ असे १५ शेतकरी प्रतिनिधी निवडले जातात. शिवाय व्यापारी २ व हमाल, मापाडी १ असे एकूण १८ प्रतिनिधी निवडून दिले जातात. सोसायटी मतदारसंघातील ११ जागांमध्ये सर्वसाधारण ७, महिला राखीव २, इतर मागासवर्गीय १ तर भटक्या जातीजमाती १ अशी विभागणी असते.

    या निवडणुकीत विविध गटातील १८ उमेदवार आपले नशीब अजमावणार आहेत. १८ पैकी ११ उमेदवार हवेली तालुक्‍यातील विविध कार्यकारी सोसायटी सदस्यांच्या मतदानातून निवडले जाणार आहेत. यासाठी १३४ सोसायटीचे १ हजार ६५५ सदस्य मतदान करणार आहेत. ४ उमेदवार ग्रामपंचायत सदस्यांमधून निवडले जाणार आहेत. हवेली तालुक्‍यातील ७१ ग्रामपंचायतीचे ७१३ सदस्य मतदान करणार आहेत. २ व्यापारी प्रतिनिधी आणि १ हमाल, तोलणार प्रतिनिधी असणार आहे. व्यापार प्रतिनिधींसाठी १३ हजार १७३ जण मतदान करणार आहेत. हमाल, तोलणार प्रतिनिधीसाठी १ हजार ५४९ हमाल आणि ३२९ तोलणार मतदान करणार आहेत.

बाजार समिती निवडणूक कार्यक्रम

निवडणूक कार्यक्रम जाहीर-: २७ मार्च, 
उमेदवारी अर्ज भरण्याची मुदत-: २७ मार्च ते ३ एप्रिल, 
उमेदवारी अर्जांची छाननी-: ५ एप्रिल, 
वैध उमेदवारी अर्जांची यादी-: ६ एप्रिल, 
अर्ज माघारीची मुदत-: ६ ते २० एप्रिल, 
अंतिम यादी आणि चिन्हवाटप-: २१ एप्रिल, 
मतदान-: २९ एप्रिल
मतमोजणी व निकाल-: ३० एप्रिल.

Mr. Chandrakant Bhujbal

POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

==============================
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook
=============================

"महाराष्ट्रातील राजकारण" 

https://prabindia.blogspot.com/2021/12/blog-post_26.html

Pune APMC Election 2023 – Haveli Market Committee | हवेली कृषी उत्पन्न बाजार समिती निवडणूक मतांचा ‘भाव’ फुटला!

By namratasandbhor -March 13, 2023

https://policenama.com/pune-apmc-election-2023-haveli-market-committee-pune-apmc-election-2023-haveli-market-committee-election-vote/

kasba-by-election-hindu-mahasabha-president-anand-dave-आनंद दवे यांच्या कुटुंबियांच्या मतांची फाटाफूट! घरातील मते मिळवण्यातही अपयश

300 मतांचा टप्पा गाठण्यातही दमछाक; नाराज ब्राम्हण समाजाची संख्या नगण्य!

ब्राह्मण समाजाचे प्रतिनिधित्व का डावलले गेले असा प्रश्न उपस्थित करून ब्राम्हण महासंघ व हिंदू महासभेचे अपक्ष उमेदवार आनंद दवे यांनी कसबा पेठ विधासभा मतदारसंघातील पोट निवडणुकीसाठी अपक्ष म्हणून निवडणूक लढवून नाराज ब्राम्हण समाजाचे प्रतिनिधित्व करण्याचा प्रयत्न केला मात्र मतदानातून नाराज ब्राम्हण समाजाची संख्या नगण्य असल्याचे मतदानाच्या निकालावरून स्पष्ट झाले. केंद्र निहाय मतदानाचा तपशील पाहिला तर आनंद दवे यांच्या कुटुंबियांच्या मतांची फाटाफूट झाल्याचे समोर आले आहे तर घरातील मते मिळवण्यातही अपयश आल्याचे देखील स्पष्ट होत आहे. 297 म्हणजेच 300 मतांचा टप्पा गाठण्यातही दमछाक झाल्याचे पहावयास मिळाले. 

     ब्राह्मण समाजाच्या उमेदवाराला डावलून भाजपकडून दुसऱ्याला उमेदवारी देण्यात आली त्यामुळे हिंदू महासभेकडून विरोध व निषेध म्हणून आनंद दवे निवडणूक रिंगणात उतरले. रासने यांना उमेदवारी दिल्यानंतर कसबा मतदारसंघातील ब्राह्मण समाज नाराज झाला असल्याचे म्हणणे त्यांनी रेटून धरले. आर्थिक आरक्षणाचा मुद्दा, पुनेश्वर मुक्तीचा मुद्दा, तसेच कसब्याचा विकास या मुद्द्यावर ही पोटनिवडणूक लढवणार असल्याचे स्पष्ट केले मात्र प्रत्यक्षात आनंद दवे यांच्या पाठीशी अवघे 297 मतदार उभे राहिले. जनमताचा कौल काय आहे आणि आनंद दवे यांच्या भूमिकेला मतदार पाठीशी घालणार नाही हे भाजपने जाणले होते त्यामुळे त्यांना उमेदवारी मागे घेण्याबाबत कोणताही संदेश दिला गेला नाही. 

   दवे यांनी उमेदवारी अर्ज भरताना हिंदू महासभेकडून आमदार मुक्ता टिळक यांचे पोस्टर त्याचबरोबर स्वातंत्र्यवीर सावरकर तसेच जय पुण्येश्र्वरची पोस्टरबाजी करण्यात आली होती. कोणत्याही मुद्यावर विरोध-प्रतीविरोध करून कायम इलेक्ट्रॉनिक प्रसारमाध्यमांमध्ये त्यांना चर्चेत राहावयास आवडते. आगामी काळात राजकीय पक्ष देखील उभारण्याचा दवे यांचा संकल्प आहे. मात्र पहिल्याच निवडणुकीत पाचशे मतांचाही टप्पा न गाठणारे दवे आगामी काळात निवडणुकांमध्ये कितपत रस घेतील याबाबत शंका व्यक्त केली जात आहे. ब्राह्मण समाज नाराज असल्याचा आभास निर्माण करण्यात निवडणुकीच्या पहिल्या टप्प्यात त्यांना थोडेफार यश आले होते हे मात्र नाकारता येत नाही.  

    कसबा पेठ विधासभा मतदारसंघातील पोट निवडणुकीत 300 मतांचा टप्पा गाठताना आनंद दवे यांना मतदारांनी मतदान करताना एकाच मतदानकेंद्रावर केंद्र क्र. 100 - सदाशिव पेठ येथे सर्वाधिक म्हणजे 13 मतदारांनी मतदान केले आहे तर केंद्र क्र. 260 - गुरुवार पेठ येथील केंद्रावर 11 मतदारांनी मतदान केले मात्र आनंद दवे यांच्या कुटुंबियांची नावे असलेल्या केंद्र क्र. 258 - गुरुवार पेठ सेंट हिल्डास स्कूल या मतदान केंद्रात अवघे 6 मतदारांनी मतदान केले असून त्यांच्या कुटुंबियांमध्ये घरातील 12 जणांचे मतदान आहे. त्यामुळे घरातीलच सदस्यांनी त्यांना मतदान केले नसल्याचे स्पष्ट होत आहे. 

      कसबा पेठ विधानसभा मतदारसंघात दवे आडनावाचे 624 मतदार असून त्यांच्या घरात 12 मतदार आहेत. दवे परिवाराचीही मते त्यांना मिळाली नाहीत.कसबा पेठ विधासभा मतदारसंघातील एकूण 270 मतदानकेंद्रापैकी 135 मतदान केंद्रावर त्यांना जास्तीत जास्त 13 तर कमीतकमी 1 मत प्राप्त झाले आहे. या मतदारसंघातील बुधवार पेठ व दांडेकरपूल या भागात त्यांना एकही मत मिळाले नाही.

     कसबा पेठ विधासभा मतदारसंघातील प्रमुख 17 भागाप्रमाणे आनंद दवे यांना मिळालेले मतदान पाहता सर्वाधिक 81 मते सदाशिव पेठ भागातील मतदान केंद्रावर मिळाली असून त्यांच्या राहत्या भागातील गुरुवार पेठ भागात केवळ 28 मतदारांनी मत दिले आहे. अन्य भागाप्रमाणे आनंद दवे यांना मतदान असे शुक्रवार पेठ-45, शनिवार पेठ-37, गुरुवार पेठ-28, नारायण पेठ-20, कसबा पेठ-14, महात्मा फुले पेठ-12, रविवार पेठ-9, सेनादत्त पेठ-8, गणेश पेठ-5, भवानी पेठ-4, घोरपडे पेठ-4, रास्ता पेठ-4, दत्तवाडी-3, नवी पेठ-2 असे मतदान झाले आहे. तसेच त्यांना पोस्टल केवळ 1 मत मिळाले आहे. एकूण 297 मतांचा हिशोब आपण अशाप्रकारे केंद्र निहाय निकालपत्रात पाहू शकतो.

अपक्ष उमेदवार आनंद दवे यांच्या मतांचा शोध
मतदान केंद्र क्र.	मतदान केंद्राचा तपशील	मते
100 - सदाशिव पेठ	झाशीची राणी, मनपा शाळा क्र.4 तळमजला, तात्पुरता अतिक्रमण कार्यालय पी एम सी हॉल, सदाशिव पेठ, पुणे-30	13
260 - गुरुवार पेठ	इपीफणी, इंग्लिंश मिडिअम स्कुल, सेंट हिल्डास स्कूल आवार , पश्चिमेकडील इमारत खोली क्र.3, गुरुवार पेठ, पुणे-42	11
38 - सदाशिव पेठ	महाराष्ट्र राज्य शैक्षणिक संशोधन व प्रशिक्षण परिषद, महात्मा फुले सभागृहाची डावी बाजूकडील स्पेस हॉल. जोंधळे चौक,कुमठेकर रोड, 708, सदाशिव पेठ, पुणे-30	8
74 - बुधवार पेठ	नुतन मराठी विदयालय प्रशाला,  तळमजला, खोली क्र. 2, 212, बुधवार पेठ, पुणे-2	8
137 - शुक्रवार पेठ	आदर्श विदयालय, मुलींचे हायस्कूल, अध्यापक कक्ष (स्टाफ रुम) , शुक्रवार पेठ, पुणे-2	6
138 - शुक्रवार पेठ	आदर्श विदयालय, मुलींचे हायस्कूल, अभ्यास कक्ष (स्टडी रुम) , शुक्रवार पेठ, पुणे-2	6
189 - महात्मा फुले पेठ	मनपा शाळा नं.95  दगडी शाळा  तळमजला, खोली नं.1, महात्मा फुले पेठ, पुणे-42	6
258 - गुरुवार पेठ	इपीफणी, इंग्लिंश मिडिअम स्कुल, सेंट हिल्डास स्कूल आवार , पश्चिमेकडील इमारत खोली क्र.1, गुरुवार पेठ, पुणे-42	6
12 - कसबा पेठ	आर सी एम गुजराथी हायस्कुल,  पश्चिम मुखी, तळमजला, जिमन्यास्टीक हॉल लगत, टेनिस  हॉल, विभागणी करूनं कसबा पेठ, पुणे-11	5
99 - सदाशिव पेठ	झाशीची राणी, मनपा शाळा क्र.4 शांताबाई लिमये हॉल, सदाशिव पेठ, पुणे-30	5
140 - शुक्रवार पेठ	पुणे इंग्लिश स्कूल, सरस्वती मंदीर, तळमजला, खोली क्र.2, शुक्रवार पेठ, पुणे-2	5
75 - बुधवार पेठ	नुतन मराठी विदयालय प्रशाला, तळमजला, खोली क्र. 3, 212 बुधवार पेठ, पुणे-2	5
89 - सदाशिव पेठ	रेणुका स्वरुप मुलींचे हायस्कूल, तळमजला, खोली क्र. 3, सदाशिव पेठ, पुणे-30	5
142 - शुक्रवार पेठ	पुणे इंग्लिश स्कूल, सरस्वती मंदीर,  तळमजला, खोली क्र.4, शुक्रवार पेठ, पुणे-2	5
96 - सदाशिव पेठ	पुणे विदयार्थीगृह शिशू निकेतन, तळमजला, खोली क्र.3, सदाशिव पेठ, पुणे-30	4
24 - शनिवार पेठ	डेक्कन एज्युकेशन सोसायटीचे नवीन मराठी प्राथमिक स्कूल, उत्तरेकडील इमारत, तळमजला, खोली क्र.2, शनिवार पेठ,पुणे-30	4
28 - शनिवार पेठ	न्यू इंग्लिश स्कूल रमणबाग,  पश्चिमेकडील इमारत, तळमजला,  खोली क्र. 8, 345 शनिवार पेठ, पुणे-30	4
41 - नारायण पेठ	एस एन डी टी कन्या शाळा, दक्षिणेकडील इमारत, तळमजला, खोली क्र.2, 591, नारायण पेठ, पुणे-30	4
255 - गुरुवार पेठ	सेंट हिल्डास स्कूल तळमजला, खोली क्र.1, 775,  गुरुवार पेठ, पुणे-42	4
132 - शुक्रवार पेठ	शिवाजी आयटीआय स्कूल, तळमजला, खोली क्र.1, 626 शुक्रवार पेठ, पुणे-2	3
143 - सदाशिव पेठ	स.प. महाविदयालय, तळमजला खोली क्र,एम11, सदाशिव पेठ, पुणे-30	3
178 - शुक्रवार पेठ	शिवाजी मराठा हायस्कूल,  तळमजला, खोली नं.8, शुक्रवार पेठ, पुणे-2	3
21 - शनिवार पेठ	अहिल्यादेवी मुलींचे हायस्कूल,  तळमजला खोली नं.2, 393 शनिवार पेठ,पुणे-30	3
22 - शनिवार पेठ	अहिल्यादेवी मुलींचे हायस्कूल,  तळमजला खोली नं.3, 393 शनिवार पेठ,पुणे-30.	3
23 - शनिवार पेठ	डेक्कन एज्युकेशन सोसायटीचे नवीन मराठी प्राथमिक स्कूल, उत्तरेकडील इमारत, तळमजला, खोली क्र.1, शनिवार पेठ	3
27 - शनिवार पेठ	न्यू इंग्लिश स्कूल रमणबाग, दक्षिणेकडील इमारत, तळमजला, खोली क्र. 6, 345 शनिवार पेठ,पुणे-30-	3
31 - नारायण पेठ	मनपा शाळा क्र.7, कै.वा.ब.गोगटे विदया निकेतन, दक्षिणेकडील इमारत, तळमजला, खोली क्र.1, नारायण पेठ, पुणे -30	3
40 - नारायण पेठ	एस एन डी टी कन्या शाळा, उत्तरेकडील इमारत, तळमजला, खोली क्र.1,  591, नारायण पेठ, पुणे-30	3
43 - नारायण पेठ	एस एन डी टी कन्या शाळा, दक्षिणेकडील इमारत, तळमजला, खोली क्र.4, 591, नारायण पेठ, पुणे-30	3
45 - शनिवार पेठ	एन एम व्ही शिशू शाळा, शनिवार पेठ, तळमजला, खोली क्र 3, शनिवार पेठ, पुणे-30	3
82 - सदाशिव पेठ	एमईएस मुलांचे भावे हायस्कूल तळमजला, पश्चिम खोली क्र 3, पेरुगेट, सदाशिव पेठ, पुणे-30	3
93 - सदाशिव पेठ	गोपाळ हायस्कूल, तळमजला, खोली क्रमांक 3, 1347, सदाशिव पेठ, पुणे-30	3
94 - सदाशिव पेठ	पुणे विदयार्थीगृह शिशू निकेतन, तळमजला, खोली क्र.1., सदाशिव पेठ, पुणे-30	3
97 - सदाशिव पेठ	मनपा शाळा क्र.4 विश्रामबाग वाडा वार्ड ऑफीस, कचरा वाहतूक विभाग,  विश्रामबागवाडा, अतिक्रमण विभाग शनिपार, तळमजला,खोली क्र.1, शनिपार, सदाशिव पेठ, पुणे-30	3
98 - सदाशिव पेठ	मनपा शाळा क्र.4 विश्रामबाग वाडा वार्ड ऑफीस, अतिक्रमण विभाग, विश्रामबागवाडा, अतिक्रमण विभाग शनिपार,  तळमजला, खोली क्र.2, शनिपार, सदाशिव पेठ, पुणे-30	3
164 - सदाशिव पेठ	बालविकास मंदीर लोकमान्य नगर, वसाहत, विदयामंदीर, तळमजला, खोली नं.2, सदाशिव पेठ, पुणे-30	3
32 केंद्रावर प्रत्येकी 2 मते		64
67 मतदानकेंद्रावर प्रत्येकी 1 प्रमाणे मते		67
पोस्टल मत		1
एकूण प्राप्त मते		297

Mr. Chandrakant Bhujbal

POLITICAL RESEARCH & ANALYSIS BUREAU (PRAB) PUNE
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

"महाराष्ट्रातील राजकारण" 

https://prabindia.blogspot.com/2021/12/blog-post_26.html