दिल्ली विधानसभा निवडणुकीत आम आदमी पक्षाला स्पष्ट बहुमत; ६२ जागांवर विजय

दिल्ली विधानसभा निवडणुकीत आम आदमी पक्षाला स्पष्ट बहुमत

दिल्लीकरांनी विधानसभेच्या ७० पैकी ६२ जागांवर आम आदमी पक्षालाच विजयी केले. दुहेरी आकडा न गाठता येणाऱ्या भाजपला दुहेरी आठ ठिकाणी विजय मिळाला, तर काँग्रेसला यंदाही भोपळाही फोडता आला नाही. मुख्यमंत्री अरविंद केजरीवाल तिसऱ्यांदा नवी दिल्ली मतदारसंघातून १९ हजारांच्या मताधिक्याने निवडून आले. तेच तिस-यांदा दिल्लीचे मुख्यमंत्री होतील. मतमोजणीस सुरुवात झाल्यानंतर तासाभरताच दिल्लीत आपची सत्ता येण्यावर शिक्कामोर्तब झाले. गेल्या २२ वर्षांपासून दिल्लीत सत्तेपासून दूर राहिलेल्या भाजप नेत्यांच्या महत्त्वाकांक्षेला यंदाही सुरूंग लागला आहे. गेल्या महिनाभराच्या विखारी प्रचारामुळे दिल्लीच्या निकालाकडे देशाचे लक्ष लागले होते. या प्रचाराला केजरीवाल यांनी अत्यंत संयत उत्तर दिल्याने मतदारांचा विश्वास जिंकण्यात अखेर आपचे उमेदवार यशस्वी ठरले.दिल्लीत ८ फेब्रुवारीला मतदान संपल्यानंतर लगेचच एक्झिट पोलमधून ‘आप’ला बहुमत मिळेल, असेच भाकित वर्तविण्यात आले होते. तसाच कौल जनतेने दिला. दिल्ली विधानसभेच्या ७० जागांपैकी ‘आप’ने ६२ जागांवर विजय मिळवला. गेल्या वेळेपेक्षा ही संख्या फक्त पाचने कमी असून पाच वर्षांनंतर पुन्हा ‘आप’ने साठीपार झेंडा फडकावल्यामुळे दिल्लीचे मुख्यमंत्री अरिवद केजरीवाल यांच्यासाठी हा विजय ऐतिहासिक मानला जातो. निवडणुकीत ५५ जागा मिळण्याचा विश्वास व्यक्त करणाऱ्या भाजपला केवळ आठच जागा जिंकता आल्या. स्पर्धा सुरू होण्यापूर्वीच पराभूत मन:स्थितीत वावरणाऱ्या काँग्रेसला पुन्हा खातेही उघडता आले नाही. दरम्यान दिल्ली भाजपचे अध्यक्ष मनोज तिवारी यांनी ५५ जागा मिळतील असे भाकीत केले होते. मात्र, भाजपला गेल्या वेळेपेक्षा फक्त पाच जागा जास्त मिळाल्या. भाजपचे प्राधान्य विकासालाच असून द्वेषाचे राजकारण भाजप करत नाही, असा दावा तिवारी यांनी केला आहे. दिल्लीतील भाजपचे खासदार रमेश भिडुरी यांनी मात्र ‘निवडणूक प्रचार’ कायम ठेवत, देशद्रोहींना गोळी मारा असे म्हटले तर काय चुकीचे आहे, असा प्रतिप्रश्न केला. कपिल मिश्रा, तेजिंदर सिंह बग्गा यांच्यासारखे भाजपचे वाचाळ उमेदवारही पराभूत झाले. या निवडणुकीत काँग्रेसला मोठा फटका बसला असून, या पक्षाला पाच टक्क्यांपेक्षा कमी मते मिळाली आहेत. सलग दुसऱ्यांदा काँग्रेसला निवडणुकीत खाते उघडण्यात अपयश आले. विशेष म्हणजे काँग्रेसच्या ६३ उमेदवारांची अनामत रक्कम जप्त झाली आहे. भारतीय जनता पक्षाला झारखंडमध्ये स्थानिक नेते हेमंत सोरेन यांच्या शक्तीचा अंदाज लावता आला नाही. तर, दुसरीकडे दिल्लीमध्ये आम आदमी पक्षाचे प्रमुख आणि दिल्लीचे मुख्यमंत्री अरविंद केजरीवाल यांच्या विरोधात भाजपने आखलेली रणनीती काही काम करू शकली नाही. तथापि, दिल्लीत भाजपच्या मतांमध्ये वाढ झाली ही जमेची बाजू मानली जाते. सन २०१५ मध्ये भाजपला दिल्लीत ३२.३ टक्के मते मिळाली. तर यात वाढ होऊन या वेळी ती ३८.४३ टक्क्यांवर पोहोचली. मात्र, लोकसभा निवडणुकीत दिल्लीत मिळालेल्या ५६.५८ टक्के मतांच्या तुलनेत हा आकडा फारच कमी आहे. आता पुढील दोन विधानसभांसाठी भारतीय जनता पक्षाला आपली रणनीती बदलावी लागेल याचेच हे संकेत आहेत. बिहारमध्ये नोव्हेंबर, तर पश्चिम बंगालमध्ये पुढील वर्षी विधानसभेच्या निवडणुका होत आहेत. आम आदमी पक्षाने आपला निवडणूक प्रचार करत असताना पंतप्रधान नरेंद्र मोदी यांच्यावर टीका न करता स्थानिक मुद्द्यांवर भर दिला. याचा फायदा आपला मिळाला. भाजपने देखील या निवडणुकीला मोदी विरुद्ध केजरीवाल असे स्वरुप दिले नाही. पंतप्रधान नरेंद्र मोदी यांनी दिल्लीत केवळ दोनच सभा घेतल्या. मात्र, भाजपच्या इतर नेत्यांनी जोरदार प्रचार केला होता. केंद्रीय गृहमंत्री अमित शहा आणि भाजप अध्यक्ष जे. पी. नड्डा यांनी अनेक सभा घेतल्या होत्या. पक्षाच्या फक्त तीनच उमेदवारांना अनामत रक्कम वाचवता आली. दिल्ली विधानसभा निवडणुकीत (Delhi Assembly Elections 2020 ) मिळालेल्या दमदार विजयानंतर अरविंद केजरीवाल यांच्या शपथविधीचीही तयारी पक्षाने केली आहे. रविवार १६ फेब्रुवारी रोजी केजरीवाल यांचा नव्या मंत्रिमंडळासह शपथविधीचा कार्यक्रम होणार आहे. दरम्यान दिल्ली विधानसभा निवडणुकीमध्ये ४३,१०८ नागरिकांनी नोटा (कोणालाही नाही) चा पर्याय निवडला असल्याचे स्पष्ट झाले आहे. एकूण मतदानाच्या तुलनेत हे प्रमाण ०.५ टक्के आहे. गेल्या म्हणजे २०१५मध्ये झालेल्या निवडणुकीत ०.४ टक्के मतदारांनी 'नोटा'चा पर्याय निवडला होता.
दोन वर्षात सहा राज्यांमध्ये मोठे पराभव- दिल्लीकर मतदारांनी भाजपचा ध्रुवीकरणाचा प्रयत्न फोल ठरवत आम आदमी पक्षाच्या (आप) विकासाच्या धोरणाला एकतर्फी कौल दिला. लोकसभा निवडणुकीत भाजपला भरघोस मते देणाऱ्या दिल्लीने विधानसभेत मात्र सलग तिसऱ्यांदा ‘आप’ला निवडून दिले. ‘आप’च्या या लाटेत भाजपचा धुव्वा उडाला तर काँग्रेसच्या हाती पुन्हा एकदा भोपळा आला आहे. या पराभवामुळे मागील दोन वर्षांमध्ये भाजपाचा पराभव झालेल्या राज्यांच्या यादीत दिल्लीचाही समावेश झाला आहे. दोन वर्षात एक दोन नाही तर तब्बल सहा राज्यांमध्ये भाजपाचा पराभव झाला आहे. त्यामुळे भाजपाचे चाणक्य म्हणून ओळखले जाणारे अमित शाह यांचा निवडणूक विजयाचा करिष्मा ओसरला असल्याची चर्चा राजकीय वर्तुळात सुरु झाली आहे. दिल्लीमध्ये भाजपाला २०१५ मध्ये अवघ्या तीन जागांवर विजय मिळाला होता. त्यामुळे यंदा भाजपाला दिल्लीमध्ये चांगले यश मिळेल अशी अपेक्षा पक्षाच्या नेत्यांना होती. दिल्लीचे भाजपाचे प्रमुख मनोज तिवारी यांनी तर भाजपाला ४८ जागांवर विजय मिळेल असं भाकित वर्तवलं होतं. मात्र मतदारांनी सलग तिसऱ्यांदा दिल्लीच्या सत्तेच्या चाव्या केजरीवाल यांच्या हाती दिल्या. या पराभवामध्ये आता भाजपाविरोधी पक्षांचे सरकार असणाऱ्या राज्यांची संख्या १२ झाली आहे. देशात १६ राज्यांमध्ये भाजपा आणि मित्र पक्षांचे सरकार सत्तेत आहेत. देशातील ४२ टक्के लोकसंख्या असणाऱ्या राज्यांमध्ये भाजपाची सत्ता आहे. सात राज्यांमध्ये काँग्रेस-सध्या देशामध्ये राजस्थान, मध्य प्रदेश, छत्तीसगड, पंजाब, पॉण्डेचेरी आणि महाराष्ट्रामध्ये काँग्रेसची एकहाती किंवा मित्रपक्षांबरोबर युतीमध्ये सत्ता आहे. डिसेंबर महिन्यामध्ये काँग्रेसने मित्रपक्षाच्या मदतीने झारखंडमध्येही सत्ता स्थापन केली आहे. झारखंडमधील सत्ता स्थापनेनंतर देशातील काँग्रेसशासित राज्यांची संख्या सात झाली आहे.

दिल्ली विधानसभा सार्वत्रिक निवडणुकीत विजयी झालेले नवनिर्वाचित आमदार खालीलप्रमाणे-

संघ क्र.	मतदारसंघ	नवनिर्वाचित आमदार	पक्ष	मताधिक्य
1	NARELA	SHARAD KUMAR	AAP	17429
2	BURARI	SANJEEV JHA	AAP	88158
3	TIMARPUR	DILIP PANDEY	AAP	24144
4	ADARSH NAGAR	PAWAN SHARMA	AAP	1589
5	BADLI	AJESH YADAV	AAP	29123
6	RITHALA	MOHINDER GOYAL	AAP	13873
7	BAWANA(SC)	JAI BHAGWAN	AAP	11526
8	MUNDKA	DHARAMPAL LAKRA	AAP	19158
9	KIRARI	RITURAJ GOVIND	AAP	5654
10	SULTANPUR MAJRA(SC)	Mukesh Kumar Ahlawat	AAP	48052
11	NANGLOI JAT	RAGHUVINDER SHOKEEN	AAP	11624
12	MANGOL PURI(SC)	RAKHI BIRLA	AAP	30116
13	ROHINI	VIJENDER KUMAR	BJP	12648
14	SHALIMAR BAGH	BANDANA KUMARI	AAP	3440
15	SHAKUR BASTI	SATYENDAR JAIN	AAP	7592
16	TRI NAGAR	PREETI TOMAR	AAP	10710
17	WAZIRPUR	RAJESH GUPTA	AAP	11690
18	MODEL TOWN	AKHILESH PATI TRIPATHI	AAP	11133
19	SADAR BAZAR	SOM DUTT	AAP	25644
20	CHANDNI CHOWK	PARLAD SINGH SAWHNEY	AAP	29584
21	MATIA MAHAL	SHOAIB IQBAL	AAP	50241
22	BALLIMARAN	IMRAN HUSSAIN	AAP	36172
23	KAROL BAGH(SC)	VISHESH RAVI	AAP	31760
24	PATEL NAGAR(SC)	RAAJ KUMAR ANAND	AAP	30935
25	MOTI NAGAR	SHIV CHARAN GOEL	AAP	14072
26	MADIPUR(SC)	Girish Soni	AAP	22719
27	RAJOURI GARDEN	A DHANWATI CHANDELA A	AAP	22972
28	HARI NAGAR	RAJ KUMARI DHILLON	AAP	20131
29	TILAK NAGAR	JARNAIL SINGH	AAP	28029
30	JANAKPURI	RAJESH RISHI	AAP	14917
31	VIKASPURI	MAHINDER YADAV	AAP	42058
32	UTTAM NAGAR	NARESH BALYAN	AAP	19759
33	DWARKA	VINAY MISHRA	AAP	14387
34	MATIALA	GULAB SINGH	AAP	28075
35	NAJAFGARH	KAILASH GAHLOT	AAP	6231
36	BIJWASAN	BHUPINDER SINGH JOON	AAP	753
37	PALAM	BHAVNA GAUR	AAP	32765
38	DELHI CANTT	Virender Singh Kadian	AAP	10590
39	RAJINDER NAGAR	RAGHAV CHADHA	AAP	20058
40	NEW DELHI	ARVIND KEJRIWAL	AAP	21697
41	JANGPURA	PRAVEEN KUMAR	AAP	16063
42	KASTURBA NAGAR	MADAN LAL	AAP	3165
43	MALVIYA NAGAR	SOMNATH BHARTI	AAP	18144
44	R K PURAM	PRAMILA TOKAS	AAP	10369
45	MEHRAULI	NARESH YADAV	AAP	18161
46	CHHATARPUR	KARTAR SINGH TANWAR	AAP	3720
47	DEOLI(SC)	PRAKASH @ PRAKASH JARWAL	AAP	40173
48	AMBEDKAR NAGAR(SC)	AJAY DUTT	AAP	28327
49	SANGAM VIHAR	DINESH MOHANIYA	AAP	42522
50	GREATER KAILASH	SAURABH BHARADWAJ	AAP	16809
51	KALKAJI	ATISHI	AAP	11393
52	TUGHLAKABAD	SAHIRAM	AAP	13758
53	BADARPUR	RAMVIR SINGH BIDHURI	BJP	3719
54	OKHLA	AMANATULLAH KHAN	AAP	71827
55	TRILOKPURI(SC)	ROHIT KUMAR	AAP	12486
56	KONDLI(SC)	KULDEEP KUMAR	AAP	17907
57	PATPARGANJ	Manish Sisodia	AAP	3207
58	LAXMI NAGAR	ABHAY VERMA	BJP	880
59	VISHWAS NAGAR	OM PRAKASH SHARMA	BJP	16457
60	KRISHNA NAGAR	S. K. Bagga (Advocate)	AAP	3995
61	GANDHI NAGAR	ANIL KUMAR BAJPAI	BJP	6079
62	SHAHDARA	RAM NIWAS GOEL	AAP	5294
63	SEEMA PURI(SC)	RAJENDRA PAL GAUTAM	AAP	56108
64	ROHTAS NAGAR	Jitender Mahajan	BJP	13241
65	SEELAMPUR	ABDUL REHMAN	AAP	36920
66	GHONDA	AJAY MAHAWAR	BJP	28370
67	BABARPUR	GOPAL RAI	AAP	33062
68	GOKALPUR(SC)	SURENDRA KUMAR	AAP	19488
69	MUSTAFABAD	HAJI YUNUS	AAP	20704
70	KARAWAL NAGAR	MOHAN SINGH BISHT	BJP	8223

POLITICAL RESEARCH & ANALYSIS BUREAU (PRAB) PUNE

पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

==========================================================================================================

पुस्तक घर पोहोच मिळावा!

 मतदारसंघ निहाय सद्यस्थिती जाणून घ्या फक्त 1000/-रु.मध्ये

 CLICK HERE - 

https://imojo.in/1gdby2
==============================
महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook
=============================
फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/prabindiaEBook
====================================