पुणे लोकसभा मतदारसंघासाठी पहिली उमेदवारी जाहीर

पुणे लोकसभा मतदारसंघासाठी पहिली उमेदवारी जाहीर

जेष्ट जनसंपर्क व माध्यम सल्लागार अॅड. महेश गजेंद्रगडकर यांना आगामी लोकसभा निवडणुकीची पहिली उमेदवारी जाहीर करण्यात आली आहे. नवनिर्वाचित राजकीय पक्ष स्वर्ण भारत पार्टीने अॅड.महेश गजेंद्रगडकर यांना पुणे लोकसभा मतदारसंघासाठी उमेदवारी जाहीर केली आहे. तर पक्षाने आदेश दिल्यास पुण्यातून लोकसभा निवडणूक लढवणार असल्याचे शिवसेनेच्या नेत्या नीलमताई गो-हे यांनी शर्यतीत असल्याचेच संकेत दिले आहेत. भाजपचे सहयोगी खासदार संजय काकडे यांनी देखील पुण्यातून लोकसभा निवडणूक लढवणार असल्याचे यापूर्वीच जाहीर करून तयारी सुरु केली आहे. भाजपने डावलले तरी इतर पक्षांचा पर्याय त्यांच्याकडे आहे. कॉंग्रेसमधून माजी आमदार व शहराध्यक्ष मोहन जोशी यांनी देखील तयारी सुरु केली आहे. राष्ट्रवादीमध्ये इच्छुक उमेदवारांची संख्या नगण्य आहे. तर मनसे यावेळी नव्या चेहरा असलेल्यांना प्राधान्य देणार आहे. 

पक्षाने आदेश दिल्यास पुण्यातून लोकसभा निवडणूक लढवणार – नीलमताई गो-हे 

देशात 2019 साली होणाऱ्या लोकसभा निवडणूकीचे वारे वाहण्यास सुरवात झाली आहे. विरोधी पक्षांनी भाजप विरोधी मोट बांधण्यास सुरवात केली आहे. तर राज्यात सत्तेत एकत्र असणाऱ्या भाजप शिवसेनेने स्वबळाचा नारा दिला आहे. युती न झाल्यास लोकसभेसाठी भाजपचा पारंपरिक असलेल्या पुणे मतदार संघात शिवसेनेकडून उमेदवार देण्यात येणार आहे. परंतु शिवसेनेचा उमेदवार कोण याबाबत वेगवेगळ्या नावांचे अंदाज बांधले जात होते. मात्र पक्षाने आदेश दिल्यास आपण पुण्यातून लोकसभा निवडणूक लढवण्यास तयार असल्याचं स्पष्ट करून आमदार नीलमताई गो-हे यांनी मी देखील या शर्यतीत असल्याचेच संकेत दिले आहेत.

स्वर्ण भारत पार्टीने अॅड.महेश गजेंद्रगडकर यांना पुणे लोकसभा मतदारसंघासाठी उमेदवारी जाहीर

जेष्ट जनसंपर्क व माध्यम सल्लागार अॅड. महेश गजेंद्रगडकर यांना आगामी लोकसभा निवडणुकीची पहिली उमेदवारी जाहीर करण्यात आली आहे.  नवनिर्वाचित राजकीय पक्ष स्वर्ण भारत पार्टीने अॅड.महेश गजेंद्रगडकर यांना पुणे लोकसभा मतदारसंघासाठी उमेदवारी जाहीर केली आहे. गेल्या 20 वर्षांपासून जनसंपर्क क्षेत्रात सल्लागार म्हणून कार्यरत असलेले अॅड.महेश गजेंद्रगडकर यांनी काही वर्षांत त्यांनी वकील म्हणून आपल्या करिअरकडे लक्ष केंद्रीत केले आहे. उद्योजक क्लब, व्यवसाय अंतर्दृष्टी क्लब आणि स्टेशनरी कटलरी मर्चंट्स असोसिएशनच्या माध्यमातून नवोदित उद्योजक आणि संस्थापक उद्योजकांमध्ये उदारमतवादी विचारांचा प्रचार व व्यवसाय वृद्धिंगत करण्याबाबत मार्गदर्शन कार्य त्यांनी केले असून गेल्या 14 वर्षांपासून महाराष्ट्र जाहिरात एजन्सीजसाठी राज्यस्तरीय स्पर्धांचे यशस्वीपणे आयोजन करीत आहेत. जनसंपर्क व माध्यम सल्लागार पीआर व्यावसायिक म्हणून त्यांनी पुणे व इतर लोकसभा/विधानसभा मतदारसंघातील निवडणुकांसाठी देखील काम केले. पुणे लोकसभा मतदारसंघातील विविध सामाजिक व राजकीय स्थिती व समस्यांची त्यांना उत्तम जाण आहे. अॅड. महेश गजेंद्रगडकर सोलापूर जिल्ह्यातील एक मध्यमवर्गीय कुटुंबातील आहेत आणि त्यांनी पुणे जिल्ह्यातील वालचंदनगर येथे शिक्षण घेतले होते. त्यांनी सोलापूर येथून वाणिज्य पदवी मिळवली आणि पुणे विद्यापीठातून पदव्युत्तर पदवी प्राप्त केली. पीएआर एजन्सी सुरु करण्यापूर्वी त्यांनी विविध कंपन्यांमध्ये काम केले आणि प्रशासकीय, कर्मचा-यांचा, संपर्क आणि विपणन सेवा यासारख्या विविध प्रकारचे मार्गदर्शन कार्य केलेले आहे. राजकारणात सहभाग न दर्शवलेल्याकडून राजकीय लोकप्रतिनिधीवर केवळ टीका टिप्पणी करून काहीही साध्य होणार नाही सक्षम लोकशाही व कार्यक्षम सांसद होण्यासाठी चांगल्या व निस्वार्थी नागरीकांनी राजकारणामध्ये सक्रीय होणे ही काळाची गरज आहे. या उद्देशाने मी राजकीयदृष्ट्या लोकसभा निवडणुकीला सामोरे जाणार आहे. असे अॅड.महेश गजेंद्रगडकर यांनी आपली भूमिका स्पष्ट केली आहे.
स्वर्ण भारत पार्टी- पक्षाच्या ध्येय/धोरणे आदी. अधिक माहितीसाठी संकेतस्थळ- https://swarnabharat.in

लोकसभा निवडणूक २०१९ करिता
पुणे लोकसभा मतदारसंघातील इच्छुक उमेदवार खालीलप्रमाणे- 

स्वर्ण भारत पार्टी- अॅड.महेश गजेंद्रगडकर (अधिकृतरीत्या उमेदवारी जाहीर)
भाजप- अनिल शिरोळे/गिरीश बापट/संजय काकडे/योगेश गोगावले
काँग्रेस- मोहन जोशी/अभय छाजेड/बाळासाहेब शिवरकर/रमेश बागवे/विनायक निम्हण(पक्ष प्रवेश केला तर)
शिवसेना- नीलमताई गो-हे/योगेश मोकाटे/आदी.इतर.
मनसे- रुपालीताई पाटील/रणजीत शिरोळे/दिपक पायगुडे/आदी.इतर.

POLITICAL RESEARCH & ANALYSIS BUREAU (PRAB) pune

पॉलिटिकल रिसर्च अॅण्ड अॅनालिसेस ब्युरो (प्राब) पुणे

POLITICAL RESEARCH & ANALYSIS BUREAU (PRAB) PUNE

पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

पुस्तक घर पोहोच मिळावा!

 मतदारसंघ निहाय सद्यस्थिती जाणून घ्या फक्त 1500/-रु.मध्ये

 CLICK HERE - 

https://imojo.in/1gdby2
================================================

महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook
================================================
फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/prabindiaEBook
================================================

नवनिर्वाचित शिरोळ नगरपरिषदेचा निवडणुक कार्यक्रम जाहीर;२१ ऑक्टोबरला मतदान

नवनिर्वाचित शिरोळ नगरपरिषदेसाठी २१ ऑक्टोबरला मतदान

कोल्हापूर जिल्ह्यातील नवनिर्मित शिरोळ नगरपरिषदेच्या पहिल्या सार्वत्रिक निवडणुकीसाठी 21 ऑक्टोबर 2018 रोजी मतदान; तर 22 ऑक्टोबर 2018 रोजी मतमोजणी होणार आहे. त्यासाठी आजपासून आचारसंहिता लागू झाली असल्याची माहिती राज्य निवडणूक आयुक्त ज. स. सहारिया यांनी दिली. शिरोळ नगरपरिषदेच्या अध्यक्ष व 17 सदस्यपदांसाठी ही निवडणूक होत आहे. नामनिर्देनपत्रे 24 ते 29 सप्टेंबर 2018 या कालावधीत दाखल करता येतील. नामनिर्देनपत्रांची छाननी 1 ऑक्टोबर 2018 रोजी होईल. नामनिर्देनपत्रे मागे घेण्याची प्रक्रिया पूर्ण झाल्यानंतर निवडणूक चिन्हांचे वाटप होईल. मतदान 21 ऑक्टोबर 2018 रोजी सकाळी 7.30 ते सायंकाळी 5.30 या वेळेत होईल. मतमोजणी 22 ऑक्टोबर 2018 रोजी सकाळी दहा वाजता सुरू होईल.

कोल्हापूर जिल्ह्यातील नवनिर्वाचित शिरोळ नगरपरिषदेचा निवडणुक कार्यक्रम जाहीर करण्यात आला असून २१ ऑक्टोबरला मतदान घेण्यात येणार आहे. नामनिर्देशनपत्र २४ सप्टेंबर २०१८ ते २९ सप्टेंबर २०१८ दाखल करता येणार आहे. तर  नामनिर्देशनपत्र छाननी १ ऑक्टोबर २०१८ रोजी करण्यात येईल. ६ ऑक्टोबर २०१८ पर्यंत नामनिर्देशनपत्र मागे घेण्याची अंतिम मुदत आहे. २१ ऑक्टोबरला मतदान घेण्यात येईल तर मतमोजणी २१ ऑक्टोबरला करण्यात येणार आहे. राज्य निवडणूक आयोगाने नवनिर्वाचित शिरोळ नगरपरिषदेचा निवडणुक कार्यक्रम काल जाहीर करण्यात आला.
अनेक वर्षांच्या संघर्षानंतर शिरोळला नगरपालिका मंजूर झाली. जनतेतून नगराध्यक्ष आणि प्रभागातून सदस्य निवडी होणार आहेत. यापूर्वी ग्रामपंचायतीत १७ सदस्य होते. नगरपालिकेनंतर ८ प्रभाग असून, ७ प्रभागांत प्रत्येकी दोन, तर आठव्या प्रभागात ३ सदस्य निवडले जाणार आहेत. नगराध्यक्ष व २ स्वीकृत असे वीस सदस्य नगपरिषदेत असतील. २०११ च्या जनगणनेनुसार २७ हजार ६४९ इतकी लोकसंख्या आहे. ५० टक्के महिला सदस्यांना स्थान पालिकेत असेल. प्रभाग रचनेचा कार्यक्रम राज्य निवडणूक आयोगाने जाहीर करून ३ एप्रिलला प्रारुप प्रभाग रचना त्यानंतर १३ एप्रिलला पालिकेकडील सदस्य पदांच्या आरक्षणाची सोडत काढण्यात आली आहे.ग्रामपंचायतीत यादव आघाडीची सत्ता होती, तर मागील निवडणुकीत यादव पॅनेल विरुद्ध राजर्षी शाहू आघाडी असा सामना झाला होता. यादव पॅनेलचे नेते अनिल यादव हे भाजपमध्ये गेले आहेत. त्यामुळे भाजप विरुद्ध महाआघाडी अशी लढत होण्याची शक्यता नाकारता येत नाही. शिरोळ तालुक्यात पक्षापेक्षा गटा-तटाच्या राजकारणाला अधिक महत्त्व आहे. शिरोळमध्येही गटा-तटाचे राजकारण असले तरी काही प्रभागांत भाऊबंदकीच्या मतदारांवर निवडणूक होते. प्रथमच पालिकेच्या निमित्ताने थेट नगराध्यक्ष आणि नगरसेवक पदासाठी निवडणूक होत असल्याने इच्छुकांची संख्येत वाढ होणार आहे. शिरोळ पालिका निवडणुकीसाठी नगराध्यक्षपदाचे आरक्षण, प्रभाग रचना व आरक्षण निश्‍चित करण्यात आले आहे. निवडणुकीसाठी २१ हजार ७३१ मतदारांची नोंद झाली आहे. निवडणूक निर्णय अधिकारी म्हणून प्रांताधिकारी समीर शिंगटे यांची नियुक्ती केली आहे. निवडणुकीच्या पार्श्‍वभूमीवर नुकतीच अंतिम मतदार यादी प्रसिद्ध करण्यात आली. एकूण आठ प्रभाग असून, प्रभाग आठमध्ये सर्वाधिक ४७९४, तर प्रभाग पाचमध्ये सर्वांत कमी १५०० मतदार आहेत. एकूण २१ हजार ७३१ मतदारांपैकी ११२६८ पुरुष तर १०४६१ महिला मतदार आहेत. प्रभाग एकमध्ये २०२४, प्रभाग दोनमध्ये २२८९, प्रभाग तीनमध्ये २५३३, प्रभाग चारमध्ये २७०५, प्रभाग सहामध्ये २९४०, प्रभाग सातमध्ये २९४६ मतदार आहेत.निवडणुकीसाठी अद्याप पक्ष तसेच गटा-तटांच्या आघाड्या निश्‍चित झाल्या नसल्या तरी प्रभाग रचना, प्रभागांचे आरक्षण यापूर्वीच निश्‍चित झाल्याने इच्छुक उमेदवार प्रचाराला लागले आहेत. त्यांनी मतदारांच्या थेट गाठीभेटीवर भर दिला आहे. निवडणुकीच्या तारखेकडे इच्छुकांचे लक्ष लागले होते. काल निवडणूक आयोगाने कार्यक्रम जाहीर केला आहे. शिरोळ नगरपरिषदेचे नगराध्यक्षपद सर्वसाधारण खुल्या प्रवर्गासाठी राखीव कोल्हापूर जिल्ह्यातील शिरोळ शिरोळ नगरपरिषदेचे नगराध्यक्षपद सर्वसाधारण खुल्या प्रवर्गासाठी आहे. यापूर्वीच राज्यातील नवनिर्मित 2 नगरपरिषद व 3 नगरपंचायतीच्या नगराध्यक्षपदांच्या आरक्षणाची सोडत नगरविकास राज्यमंत्री डॉ. रणजीत पाटील यांच्या हस्ते काढण्यात आली होती.

POLITICAL RESEARCH & ANALYSIS BUREAU (PRAB) 

पॉलिटिकल रिसर्च अॅण्ड अॅनालिसेस ब्युरो (प्राब) पुणे

POLITICAL RESEARCH & ANALYSIS BUREAU (PRAB) Pune

पॉलिटिकल रिसर्च अॅण्ड अॅनालिसेस ब्युरो (प्राब) पुणे

२९ राज्यांतील ३४ टक्के मंत्र्यांविरुद्ध गुन्हेगारी खटले

२९ राज्यांतील ३४ टक्के मंत्र्यांविरुद्ध गुन्हेगारी खटले

राज्य विधिमंडळात जबाबदार मंत्री म्हणून कारभार हाकणा-या विविध २९ राज्यांतील ३४ टक्के मंत्र्यांविरोधात गुन्हेगारी कारवायांसदर्भात खटले दाखल आहेत. विशेष म्हणजे ७६ टक्के मंत्री हे करोडपतींच्या यादीत असून त्यांची मालमत्ता जवळपास ८.५९ कोटींच्या घरात असल्याचे एका नव्या अभ्यास अहवालातून उघड झाले आहे.देशभरातील विविध २९ राज्य व दोन केंद्रशासित प्रदेशातील ६२० पैकी ६०९ मंत्र्यांचे नुकतेच सर्वेक्षण करण्यात आले. त्यानुसार ही माहिती उजेडात आली आहे. राज्य विधानमंडळातील ६०९ मंत्र्यांच्या सर्वेक्षणात ४६२ म्हणजेच (७६ टक्के) मंत्री हे कोटय़ाधीक्ष असल्याचे समोर आले आहे.दिल्लीस्थित असोसिएशन फॉर डेमोक्रेटिक रिफॉर्म (एडीआर) या संस्थेने शुक्रवारीच आपला हा अहवाल प्रसिद्धीस दिला आहे. त्यानुसार सर्वाधिक मालमत्ताधारक मंत्र्यांच्या यादीत तेलगु देसम पक्षाचे पोनागुरू नारायणा हे एकूण ४९६ कोटी रुपये मालमत्तेचे धनी आहेत. त्यांच्यापाठोपाठ काँग्रेसचे मंत्री डी. के. शिवकुमार हे २५१ कोटी रुपये मालमत्तेचे धनी असल्याचे ‘असोसिएशन फॉर डेमोक्रेटिक रिफॉर्म’चे म्हणणे आहे. राज्य विधिमंडळातील ६०९ मंत्र्यांच्या सर्वेक्षणात २१० म्हणजेच (३४ टक्के) मंत्र्यांविरोधात गुन्हेगारी खटले दाखल असल्याचे या अभ्यास समोर आले आहे. तर केंद्रातील ७८ मंत्र्यांच्या सर्वेक्षणात २४ म्हणजे ३१ टक्के मंत्र्यांविरोधात गुन्हेगारी स्वरूपाचे खटले दाखल आहेत. राज्य विधिमंडळातील ११३ मंत्र्यांविरोधात गंभीर स्वरूपाचे गुन्हे जाहीर झाले आहेत. यात खून, खूनाचा प्रयत्न, अपहरण व महिलाविरोधी गुन्ह्याचा समावेश आहे. लोकसभा व राज्यसभेतील ७८ हून अधिक मंत्र्यांच्या सर्वेक्षणात १४ जणांविरोधात गंभीर स्वरूपाच्या गुन्ह्यांची नोंद असल्याचे या अभ्यासात म्हटले आहे. विविध नऊ राज्यांतील मंत्र्यांविरोधात गंभीर स्वरूपाचे गुन्हे दाखल करण्यात आलेल्यांमध्ये झारखंडमध्ये सर्वाधिक ९, दिल्ली ४, तेलंगणा ९, महाराष्ट्र १८, बिहार ११ आणि उत्तराखंडमधील दोन मंत्र्यांचा समावेश आहे. राज्य विधिमंडळातील मंत्र्यांच्या ८.५९ कोटी रुपये मालमत्तेच्या तुलनेत केंद्रातील मंत्र्यांची मालमत्ता सुमारे १२.९४ कोटी रुपये असल्याचे ‘एडीआर’ने म्हटले आहे.

POLITICAL RESEARCH & ANALYSIS BUREAU (PRAB) 

पॉलिटिकल रिसर्च अॅण्ड अॅनालिसेस ब्युरो (प्राब) पुणे

राज्यसभा, विधानपरिषद निवडणुकांमध्ये ‘नोटा’ नाही, निवडणूक आयोगाचा आदेश

राज्यसभा, विधानपरिषद निवडणुकांमध्ये ‘नोटा’ नाही-निवडणूक आयोग

सर्वोच्च न्यायालयाच्या निर्देशानंतर निवडणूक आयोगाने राज्यसभा आणि विधानपरिषद निवडणुकांमधून 'नोटा' (यापैकी कोणीही नाही/None of the Above) हा पर्याय मागे घेतला आहे.
निवडणूक आयोगाने सर्व राज्य आणि केंद्रशासित प्रदेशांना पत्र लिहून राज्यसभा आणि विधानपरिषद निवडणुकांमधून ‘नोटा’ हा पर्याय हटवण्यासस सांगितलं आहे. सर्वोच्च न्यायालयाच्या निर्णयानंतर निवडणूक आयोगाने हा आदेश दिला आहे. 21 ऑगस्ट रोजी सर्वोच्च न्यायालयाने राज्यसभा निवडणुकीसाठी ‘नोटा’चा पर्याय काढून टाकला पाहिजे, असं म्हटलं होतं. राज्यसभेची मतदान प्रक्रिया गुंतागुंतीची असते, त्यामध्ये ‘नोटा’चा वापर केल्यास क्लिष्टतेत वाढच होईल, असं मत सर्वोच्च न्यायालयाने व्यक्त केलं होतं. राज्यसभा आणि विधानपरिषद या निवडणुकांच्या मतपत्रिकेत ‘नोटा’चा पर्याय छापला जाणार नाही, असे निवडणूक आयोगाने आपल्या आदेशात म्हटलं आहे. मात्र लोकसभा आणि राज्यातील विधानसभा निवडणुकांमध्ये ‘नोटा’चा पर्याय कायम राहणार आहे. सर्वसामान्य नागरिक मतदान प्रक्रियेत सहभागी होतात, तेव्हाच ‘नोटा’चा वापर केला जाऊ शकतो, असं मत सर्वोच्च न्यायालयाने 21 ऑगस्ट रोजी मांडले होते.

POLITICAL RESEARCH & ANALYSIS BUREAU (PRAB) 

पॉलिटिकल रिसर्च अॅण्ड अॅनालिसेस ब्युरो (प्राब) पुणे

विधानपरिषदेच्या एका जागेसाठी 3 ऑक्टोबरला पोटनिवडणूक

विधानपरिषदेची पोटनिवडणूक जाहीर

राज्याचे कृषीमंत्री पांडुरंग फुंडकर यांच्या निधनामुळे रिक्त झालेल्या विधानपरिषदेच्या एका जागेसाठी येत्या 3 ऑक्टोबर रोजी पोटनिवडणूक होणार आहे. केंद्रिय निवडणूक आयोगाने सोमवारी विधानपरिषदेच्या एका जागेसाठी पोटनिवडणूकीचा कार्यक्रम जाहीर केला आहे. राज्याचे कृषीमंत्री पांडुरंग फुंडकर यांच्या निधनामुळे रिक्त झालेल्या विधानपरिषदेच्या एका जागेसाठी येत्या 3 ऑक्टोबर रोजी 9 ते दुपारी 4 या वेळेत मतदान होणार आहे. केंद्रिय निवडणूक आयोगाने जाहीर केलेल्या कार्यक्रमानुसार येत्या 14 सप्टेंबरला या निवडणुकीची अधिसूचना जारी करण्यात येईल. 22 सप्टेंबर ही उमेदवारी अर्ज दाखल करण्याचा शेवटचा दिवस असून,24 सप्टेंबर रोजी अर्जांची छाननी करण्यात येईल. तर 26 सप्टेंबर ही उमेदवारी अर्ज मागे घेण्याची अंतिम मुदत असून,बुधवार दिनांक 3 ऑक्टोबर रोजी 9 ते दुपारी 4 या वेळेत मतदान घेण्यात येवून, त्याच दिवशी 5 वाजता मतमोजणी करण्यात येईल.फुंडकर यांच्या विधानपरिषद सदस्यत्वाचा कार्यकाळ 2020 पर्यंत होता. विधानसभेत भाजपचे सदस्य सर्वात जास्त असल्यामुळे इतर कोणताही पक्ष या पोटनिवडणुकीसाठी आपला उमेदवार देण्याची शक्यता नाही. त्यामुळे ही पोटनिवडणूक बिनविरोध होण्याचीच शक्यता जास्त आहे. पर्यायाने भाजपमध्ये आता तिकीट मिळविण्यासाठी चढाओढ सुरू झाली आहे. फुंडकर ग्रामीण भागाचे प्रतिनिधीत्व करत होते. त्यामुळे विदर्भातील ग्रामीण भागातूनच उमेदवार द्यावा, असा एक मतप्रवाह भाजपमध्ये आहे. तर आगामी निवडणुकीच्या पार्श्वभूमीवर शहरी भागातील कार्यकर्त्याला संधी द्यावी, असाही विचार पुढे येत आहे.

POLITICAL RESEARCH & ANALYSIS BUREAU (PRAB) 

पॉलिटिकल रिसर्च अॅण्ड अॅनालिसेस ब्युरो (प्राब) पुणे

एमथ्री-इव्हीएम व व्हीव्हीपॅट यंत्रणेचे प्रात्यक्षित

जिल्हाधिकारी व उपजिल्हा निवडणूक अधिकाऱ्यांच्या उपस्थितीत नव्याने प्राप्त एमथ्री-इव्हीएम व व्हीव्हीपॅट यंत्रणेचे प्रात्यक्षित

मुख्य निवडणूक अधिकारी, महाराष्ट्र राज्य यांच्यावतीने यशदा येथे निवडणूक विषयक इव्हीएम व व्हीव्हीपॅट याबाबत आज राज्यस्तरीय कार्यशाळेचे आयोजन करण्यात आले होते. या कार्यशाळेत सर्व जिल्हाधिकारी व उपजिल्हा निवडणूक अधिकारी सहभागी झाले होते. श्री.अश्विन कुमार, मुख्य निवडणूक अधिकारी, महाराष्ट्र राज्य यांच्या उपस्थितीत यावेळी सर्व अधिकाऱ्यांना प्रशिक्षण देण्यात आले. यावेळी उपस्थित जिल्हाधिकारी व उपजिल्हा निवडणूक अधिकारी यांना नव्याने प्राप्त झालेल्या एमथ्री-इव्हीएम व व्हीव्हीपॅट मशीन संदर्भात “फर्स्ट लेव्हल चेकिंग” (एफएलसी) ची तांत्रिक माहिती देण्यात आली. भारत निवडणूक आयोगाकडील तज्ञ अधिकारी तसेच बीईएल, बेंगळूरु येथील तज्ञांनी जिल्हाधिकारी व उपजिल्हा निवडणूक निर्णय अधिकारी यांना, ही यंत्रणा नेमकी कशी कार्य करते यांची माहिती दिली. तसेच तज्ञ अभियंत्यांमार्फत प्रात्याक्षिक दाखविण्यात आले आणि सखोल माहिती देण्यात आली. 4 व 5 सप्टेंबर रोजी राज्यातील सर्व उपजिल्हा निवडणूक अधिकारी व निवडक मतदार नोंदणी अधिकारी यांना निवडणूक आयोगातर्फे यशदा येथे आयोजित कार्यशाळेत प्रशिक्षण देण्यात आले. नवतरुण मतदारांमध्ये निवडणूक विषयक जागरुकता निर्माण होण्यासाठी भारत निवडणूक आयोगाने तयार केलेली माहिती पुस्तिका देऊन, इयत्ता नववी ते बारावीपर्यतच्या तरुण मतदारांना निवडणूक विषयक माहिती सहज व सोप्या पध्दतीने उपलब्ध व्हावी यासाठी विविध प्रकारच्या खेळांच्या माध्यमातून माहिती कशी देता येईल तसेच मतदार साक्षरता क्लब याबद्दल प्रशिक्षण देण्यात आले. अपंग कल्याण आयुक्त यांच्या सहकार्याने दिव्यांग व्यक्तींना निवडणूक प्रक्रियेमध्ये सामावून घेण्यासाठी निवडणक अधिकाऱ्यांना सविस्तर प्रशिक्षण यावेळी देण्यात आले असे, उपजिल्हा निवडणूक अधिकारी मोनिका सिंह यांनी कळविले आहे.

POLITICAL RESEARCH & ANALYSIS BUREAU (PRAB) 

पॉलिटिकल रिसर्च अॅण्ड अॅनालिसेस ब्युरो (प्राब) पुणे

महामंडळे, मंडळे व प्राधिकरणाच्या रिक्त पदांवर नियुक्त्या जाहीर

महामंडळे, मंडळे व प्राधिकरणाच्या रिक्त पदांवर नियुक्त्या जाहीर

राज्य शासनाने विविध विकास महामंडळे, मंडळे व प्राधिकरणाच्या रिक्त असलेल्या अध्यक्ष, उपाध्यक्ष, सभापती पदांवरच्या एकूण 21 नियुक्त्या जाहीर केल्या आहेत.जाहीर केलेल्या नियुक्त्यांमध्ये 10 महामंडळे, 6 मंडळे, 2 प्राधिकरण व एका आयोगातील पदाचा समावेश आहे. नव्याने घोषित केलेल्या नियुक्त्या पुढीलप्रमाणे

शासकीय महामंडळे, मंडळे, प्राधिकरणे आणि समित्यांवरील अध्यक्ष, उपाध्यक्ष, सभापती यांच्या नियुक्त्या

अ.क्र.	नाव	पद	महामंडळ / समिती
1)	हाजी अरफात शेख	अध्यक्ष	महाराष्ट्र राज्य अल्पसंख्याक आयोग
2)	जगन्नाथ मोतीराम अभ्यंकर	उपाध्यक्ष	महाराष्ट्र राज्य अल्पसंख्याक आयोग
3)	बाळासाहेब ज्ञानदेव पाटील	सभापती	कोकण गृहनिर्माण व क्षेत्र विकास मंडळ
4)	हाजी एस. हैदर आझम	अध्यक्ष	मौलाना आझाद अल्पसंख्याक आर्थिक विकास महामंडळ
5)	सदाशिव दादासाहेब खाडे	अध्यक्ष	पिंपरी चिंचवड नवनगर विकास प्राधिकरण
6)	नरेंद्र अण्णासाहेब पाटील	अध्यक्ष	अण्णासाहेब पाटील आर्थिक विकास महामंडळ
7)	संजय उर्फ संजोय मारुतीराव पवार	उपाध्यक्ष	अण्णासाहेब पाटील आर्थिक विकास महामंडळ
8)	आशिष जयस्वाल	अध्यक्ष	महाराष्ट्र राज्य खनिकर्म महामंडळ
9)	प्रकाश नकुल पाटील	अध्यक्ष	महाराष्ट्र राज्य हातमाग महामंडळ
10)	नितिन संपतराव बानगुडे-पाटील	उपाध्यक्ष	महाराष्ट्र कृष्णा खोरे विकास महामंडळ
11)	जगदिश भगवान धोडी	उपाध्यक्ष	कोकण पाटबंधारे विकास महामंडळ
12)	उदय सामंत	अध्यक्ष	महाराष्ट्र गृहनिर्माण व क्षेत्र विकास प्राधिकरण
13)	श्रीमती ज्योती दिपक ठाकरे	अध्यक्ष	महिला आर्थिक विकास महामंडळ
14)	विनोद घोसाळकर	सभापती	मुंबई इमारत दुरुस्ती आणि पुनर्रचना मंडळ
15)	विजय नाहटा	सभापती	मुंबई झोपडपट्टी सुधार मंडळ
16)	रघुनाथ बबनराव कुचिक	अध्यक्ष	महाराष्ट्र राज्य किमान वेतन सल्लागार मंडळ
17)	मधु चव्हाण	अध्यक्ष	मुंबई गृहनिर्माण व क्षेत्रविकास मंडळ
18)	संदिप जोशी	अध्यक्ष	महाराष्ट्र राज्य लघु उद्योग विकास महामंडळ
19)	प्रशांत ठाकूर	अध्यक्ष	शहर व औद्योगिक विकास महामंडळ
20)	मो. तारिक कुरैशी	अध्यक्ष	नागपूर गृहनिर्माण व क्षेत्रविकास मंडळ
21)	राजा उर्फ सुधाकर तुकाराम सरवदे	अध्यक्ष	महात्मा फुले मागासवर्गीय आर्थिक विकास महामंडळ

POLITICAL RESEARCH & ANALYSIS BUREAU (PRAB) 

पॉलिटिकल रिसर्च अॅण्ड अॅनालिसेस ब्युरो (प्राब) पुणे