विधानसभा निवडणूक 2019- भाजप-सेनेचे 230 प्लस मिशन लोकसभा निवडणूक निकालाच्या आधारावरच

आगामी विधानसभा निवडणूकीत महायुतीत 32 जागांवर बंडखोरीची शक्यता

37 मतदारसंघात काँग्रेस व राष्ट्रवादीच्या असंतुष्टांवर भाजपकडून जाळे 

लोकसभा निवडणूक निकालाच्या आधारावरच भाजप-सेनेचे 230 प्लस मिशन असल्याचे स्पष्ट झाले आहे. कारण केवळ 56 विधानसभा मतदारसंघात महाआघाडीला मताधिक्य लोकसभा निवडणुकीत मिळालेले आहे. तर 232 विधानसभा मतदारसंघात महायुतीला मताधिक्य लोकसभा निवडणुकीत मिळाले आहे. मुख्यमंत्री देवेंद्र फडणवीस यांच्यासह वैद्यकीय शिक्षण व जलसंपदा मंत्री गिरीश महाजन यांनी आगामी विधानसभा निवडणूकीत भाजप-सेनेचे 230 प्लस जागा मिळतील. 230 पेक्षा जास्त जागा जिंकण्याचे उदिष्ट असल्याचे त्यांच्याकडून वारंवार सांगितले जाते. वास्तविकपणे भाजपने सर्वेक्षण केलेल्या संस्थांचे वेगळेच अंदाज आहेत. या सर्वेक्षणानुसार आगामी विधानसभा निवडणूकीत महायुतीत 32 जागांवर बंडखोरीची शक्यता आहे. कारण गेल्या विधानसभा निवडणुकीत भाजप विरूद्ध सेना अशी सेनेच्या बहुतांश मतदारसंघात एकमेकाविरुद्ध लढती झालेला होत्या हे पारंपारिक मतदारसंघच जागावाटपाचे कळीचे मुद्दे आहेत. तर या अहवालाच्या पार्श्वभूमीवर 37 मतदारसंघात काँग्रेस व राष्ट्रवादीच्या असंतुष्टांवर भाजपकडून जाळे टाकले आहे. महाआघाडीतील बंडखोरांना चुचकारण्याचा प्रयत्न करण्यात येणार आहे. मनसेचा सहभाग देखील भाजपने गृहीत धरलेला आहे. मनसेसह वंचितला महाआघाडीत सामावून घेतले तरीही काँग्रेस व राष्ट्रवादी महाआघाडी बहुमत दूरच राहणार असल्याची शक्यता अहवालात वर्तवली आहे. लोकसभा निवडणुकीत महायुतीला 232 विधानसभा मतदारसंघात जरी मताधिक्य मिळाले असले तरी उर्वरित 56 विधानसभा मतदारसंघात काही भाजप व सेनेच्या काही विद्यमान आमदार व मंत्र्यांचे देखील मतदारसंघ धोक्यात असल्याचे यांच्या मिशन 230 प्लस वरून दिसून येत आहे. यामध्ये दस्तुरखुद्द राज्याचे अर्थमंत्री सुधीर मुनगंटीवार यांच्या मतदारसंघाचा देखील  समावेश आहे. चंद्रपूर जिल्ह्यातील 72-बल्लारपूर विधानसभा मतदारसंघातून लोकसभा निवडणुकीत कॉंग्रेसला 30 हजाराहून जास्त मताधिक्य मिळाले आहे. ज्या लोकसभा क्षेत्रात नगर पंचायत, नगर परिषदा, जिल्हा परिषद, मनपा, 5 आमदार, राज्याचे अर्थमंत्री, आणि माजी केंद्रीय गृहराज्यमंत्री भाजपचे होते तिथे काँग्रेसने जातीय समीकरण आणि सत्ताधाऱ्यांची गाफील यंत्रणा या जोरावर आश्चर्यकारक विजय मिळविला. 6 विधानसभाक्षेत्रात विद्यमान काँग्रेसचे एकमेव खासदार बाळू धानोरकर यांना मिळालेल्या मतांच्या आघाडीचा विचार केला तर वणी आणि आर्णी या विधानसभा क्षेत्रात भाजपला जास्त मताधिक्य आहे. मात्र वरोरा, चंद्रपूर, बल्लारपूर आणि राजुरा या विधानसभात धानोरकरांना प्रचंड मताधिक्य मिळालेले आहे. विधानसभा निवडणुकीचा साधारण विचार केला तर भाजपसाठी चंद्रपूर लोकसभेचा निकाल धोक्याची महाघंटा आहे या परीस्थितीकडे मात्र राज्याचे अर्थमंत्री सुधीर मुनगंटीवार यांच्याकडून डोळेझाक केली जात आहे. दरम्यान २०१९ च्या लोकसभा सार्वत्रिक निवडणुकीत 232 विधानसभा मतदारसंघात महायुतीला मताधिक्य लोकसभा निवडणुकीत मिळाले आहे. तर 56 विधानसभा मतदारसंघात महाआघाडीला मताधिक्य  मिळालेले आहे. बहुजन वंचित आघाडीच्या उमेदवारांमुळे मतविभाजन होऊन त्याचा लाभ थेट महायुतीला झालेला आहे. लोकसभा निवडणूक निकालाच्या आधारावर जर बहुजन वंचित आघाडीला महाआघाडीत सामावून घेतले तर 45 विधानसभा मतदारसंघात अधिक प्रमाणात यश व मतांचा फरक लाभात होऊ शकेल. निकालाच्या तुलनात्मकदृष्ट्या विचार केल्यास मनसेसह बहुजन वंचित आघाडीला महाआघाडीत सामावून घेतले तर 101 विधानसभा मतदारसंघात महाआघाडीला यश मिळेल. तर 187 विधानसभा मतदारसंघात महायुतीला यश मिळू शकणार आहे. लोकसभा निवडणूक निकालाच्या आधारावर अशी परिस्थिती असून महाआघाडीसह भाजप व शिवसेनेत जागा वाटप देखील कळीचा मुद्दा ठरणार आहे. भाजप व सेनेत आगामी विधानसभा निवडणूकीत महायुतीत 32 जागांवर बंडखोरीची शक्यता असून गेल्या विधानसभा निवडणुकीतील मते व नुकत्याच झालेल्या लोकसभा निवडणुकीतील निकालावरून अशी स्थिती निर्माण होऊ शकते. विरोधकांकडे रणनीतीचा अभाव आहे. पराभवाने प्रमुख पदाधिकारी यांचे खच्चीकरण झालेले असून सत्तांतर होईल असा आशावाद राहिलेला नसल्याचे वातावरण आहे. विरोधक आत्मविश्वासाने निवडणुकीस सामोरे गेले नाही तर भाजप-सेनेचे 230 प्लस मिशनचे उद्धिष्ट साध्य होऊ शकेल. नुकत्याच झालेल्या लोकसभा निवडणुकीतील मतदानात राज्यात महायुतीला 2 कोटी 75 लाख 01 हजार 203 मते मिळाली आहेत. तर महाआघाडीला 1 कोटी 90 लाख 16 हजार 523 मते प्राप्त झालेली आहेत. बहुजन वंचित आघाडीला 41 लाख 32 हजार 602 तर इतर पक्ष व अपक्षांना एकूण 33 लाख 04 हजार 193 मते मिळाली आहेत. 48 लाख 8 हजार 766 मतदारांनी नकारात्मक मतदान करून कोणताही उमेदवार लायक नसल्याचे मतदानातून अधोरेखित केले आहे. लोकसभा निवडणुकीत महाराष्ट्रात एकूण 5 कोटी 44 लाख 43 हजार 287 मतदारांनी मतदानात सहभाग घेतला होता. लोकसभा निवडणुकीत मतांचे प्रमाण पाहिल्यास महायुतीचे मतांचे प्रमाण 50.51 टक्के आहे. तर महाआघाडीचे मतांचे प्रमाण 34.93 टक्के आहे. आणि वंचितचे मतांचे प्रमाण 7.59 टक्के आहे. तर नोटाचे मतांचे प्रमाण 0.9 टक्के आहे. तसेच इतरांचे मतांचे प्रमाण 6.07 टक्के आहे.  
लोकसभा निवडणुकीत दारूण पराभवाला सामोरे जावे लागल्यानंतर काँग्रेसने राज्यात पक्षीय संघटनेत बदल केले असून नवनिर्वाचित काँग्रेस प्रदेशाध्यक्ष बाळासाहेब थोरात यांच्या बरोबर जातीय समीकरण लक्षात घेऊन 5 कार्यकारी अध्यक्ष नियुक्त केले आहेत. महाआघाडीमध्ये राष्ट्रवादीसह इतर पक्षांना कसे सामावून घेतले जाते, जागावाटप कशाप्रकारे होईल यावरच आगामी विधानसभा निवडणुकीतील यशाचे प्रमाण अवलंबून राहणार आहे. राष्ट्रवादीची जागावाटपातील भूमिका आक्रमक राहण्याची शक्यता आहे. राष्ट्रवादीने नव्या पिढीला न्याय देण्याचे ठरविले असल्याने जुन्या जाणत्यांना घराचा रस्ता दाखविला जाणार असल्याने त्यांची भूमिकाही महत्वाची ठरणार आहे. राष्ट्रवादीचे अध्यक्ष शरद पवार यांच्या राजकीय वारसदारांच्या दुसरया पिढीतील संघर्ष आता तिसऱ्या पिढीपर्यंत पोहोचलेला आहे. अट्टाहासाने मावळ लोकसभा मतदारसंघातून युवा नेते पार्थ पवार यांना उमेदवारी देण्यात आली परिणाम सर्वासमोर आहेत. पार्थ पवार यांनी निवडणुकीपूर्वी खर तर विधानसभा कामकाज अभ्यास व विधिमंडळ अधिवेशन पाहणी दौरा केला होता मात्र निवडणूक लोकसभेची लढवली. राष्ट्रवादीने नव्या पिढीला न्याय देण्याचे ठरविले असल्याने बारामती विधानसभा मतदारसंघातून पार्थ पवार यांना संधी देण्याची शक्यता वर्तवली जात आहे. याबाबत विधानसभा निवडणूक लढवण्याचा निर्णय ते स्वतः घेतील, राष्ट्रवादीमध्ये कोणावर जबरदस्तीने सांगितले जात नसल्याचे सूचक विधान पार्थ पवार यांच्या निवडणूक लढविण्याच्या प्रश्नावर त्यांनी दिले आहे. राष्ट्रवादीचे नेते अजितदादा पवार इतरत्र अथवा विधानपरिषदेचा मार्ग स्वीकारतील असाही अंदाज कार्यकर्त्यांकडून व्यक्त  केला जात आहे. कारण दुसरे नातू रोहित पवार हे देखील या वेळी विधानसभा निवडणूक लढविण्यावर ते ठाम आहेत. कर्जत-जामखेड, हडपसर, खडकवासला शिरूर मतदारसंघात त्यांनी चाचपणी केली असून पक्षांतर्गत विरोध टाळण्यासाठी ऐनवेळी मतदारसंघाची निवड जाहीर करण्यात येणार असल्याचे सांगण्यात येत आहे. सोशल मीडियातील आभासी नेतृत्व म्हणून यांच्याकडे पाहिले जाते. पवार कुटुंबातील सत्ता संघर्षामुळे इतर राजकीयदृष्ट्या निर्णयावर त्याचा विपरीत परिणाम निश्चित होण्याची शक्यता वर्तवली जात आहे. लोकसभा निवडणुकीनंतर निकालापूर्वीच राष्ट्रवादीचे अध्यक्ष शरद पवार यांनी महाराष्ट्राचा दुष्काळी दौरा करून सर्व स्थिती जाणून घेतली आहे. त्यांच्या बरोबर एकाच नातूला बरोबर घेतले होते. याबाबत दुजाभाव असल्याच्या शक्यतेची चर्चा सोशल मिडीयावर होती. दुष्काळी पाहणी बरोबरच राजकीय घडामोडींची सूक्ष्मपणे पाहणी केली असल्याने आगामी विधानसभा निवडणुकीत कोणत्या जागांवर दावा करावयाचा आहे हे त्यांनी निश्चित केले असल्याचा कयास व्यक्त केला जात आहे. महाआघाडीत कोणत्या घटकपक्षांना किती व कोणत्या जागा द्याव्यात. मनसेला सोबत घेताना महायुतीच्या प्रबळ जागांवरून किती मते घेऊन मतविभाजनाचा लाभ होऊ शकतो याचा सर्व अभ्यास केला असल्याचे वृत्त असले तरी जागावाटपासह उमेदवारी देण्याच्या निर्णयामुळे असंतुष्टांची कशी समजूत काढतात यावर सर्व राजकीय गणिते अवलंबून आहेत. दरम्यान २००९ च्या लोकसभा निवडणूकीत राज्यातील ४८ मतदारसंघांचे काँगेस २६ आणि राष्ट्रवादी २२ असे मागील लोकसभा निवडणुकीतील जागांचे वाटप झाले होते. त्यावेळी जिल्हा परिषदा, नगरपालिका या स्थानिक स्वराज्य संस्थांच्या निवडणूक निकालावर आधारित अधिक जागांची मागणी करून राष्ट्रवादी काँग्रेसने दोन जास्त जागा पदरात पाडून घेतल्या होत्या. 2014 साली झालेल्या लोकसभा निवडणुकीसाठी काँग्रेस व राष्ट्रवादी काँग्रेस हे दोन्ही पक्ष शेवटी एकत्रीतपणे लढले होते. या वेळी १६ ठिकाणी राष्ट्रवादीला क्रमांक २ च्या मतांवर समाधान मानावे लागले तर कॉंग्रेसला २४ ठिकाणी राष्ट्रवादीला क्रमांक २ च्या मतांवर समाधान मानावे लागले होते. यानंतर मात्र विधानसभा आणि अलीकडेच झालेल्या नगरपालिका निवडणुकीत दोन्ही पक्षांनी स्वतंत्र लढण्याचा निर्णय घेतला होता. अर्थात यामुळे दोन्ही पक्षांची मोठ्या प्रमाणात हानी झाली होती. या पार्श्‍वभूमीवर आगामी निवडणुकांमध्ये आघाडी करण्याचे निश्चित केले आहे. गेल्या २०१४ विधानसभा निवडणूकीमध्ये काँग्रेस-राष्ट्रवादीने स्वतंत्रपणे दोन्ही पक्षांनी निवडणूक लढवली होती यामध्ये काँग्रेसने 42 जागांवर तर राष्ट्रवादीने 41 जागांवर यश संपादन केले होते. इतर जागांवर क्रमांक दोन ची मते प्राप्त केलेला निकष मानून संभाव्य जागा वाटप निश्चित करण्यात आले आहे. क्रमांक दोन ची मते प्राप्त केलेल्या जांगामध्ये ८ मतदारसंघात एकमेकाविरुद्ध चुरशीची लढत झाली होती यामध्ये केवळ 1 इंदापूर येथील विद्यमान आमदार असलेली जागा सोडण्याची प्राथमिकदृष्ट्या तयारी राष्ट्रवादीची आहे. इतर जांगावर क्रमांक 1 व क्रमांक २ ची मते प्राप्त करणार्यांना प्राध्यान्य देण्यावर सहमती दर्शवली आहे. या प्रमाणे 169 जागांवर दोन्ही पक्षांची सहमती झाली असून ऊर्वरित 119 जागांवर इतर मित्र पक्ष व नंतर वाटाघाटी करण्यात येणार असल्याचे वृत्त आहे. 89 कॉंग्रेस संभाव्य जागा निश्चित आहेत तर 80 राष्ट्रवादी संभाव्य जागा निश्चित केलेल्या आहेत यामध्ये 169 दोन्ही पक्षांची सहमती असून 119 जागांबाबत इतर मित्रपक्षांमते जाणून घेतल्यानंतर वाटाघाटी करण्यात येणार आहेत. राष्ट्रवादीने आगामी निवडणुकीत दोन्ही पक्षांनी 50-50 चा फॉर्म्युला वापर करत समसमान जागा लढवाव्यात, असा प्रस्ताव दिला आहे. जागावाटपासंबंधी राष्ट्रवादीकडून नवा फॉर्म्युला मांडण्यात आला असून, काँग्रेसला हा फॉर्म्युला मान्य नसल्याचे वृत्त आहे. 2014 च्या निवडणुकीत जिंकलेल्या जागांसह ज्या जागांवर दोन क्रमांकावर ज्या पक्षाचा उमेदवार असेल त्या जागा त्या पक्षाला मिळाव्यात, अशी भूमिका काँग्रेसने घेतली आहे. तसेच मागील निवडणुकीत जिंकलेल्या जागा त्या-त्या पक्षाकडे राहतील, असा काँग्रेसचा प्रस्ताव आहे. काँग्रेसच्या या फॉर्म्युल्यानुसार काँग्रेसच्या वाट्याला 106 आणि राष्ट्रवादीकडे 95 जागा जातील. तर उरलेल्या 87 जागांच्या वाटपावर मित्रपक्षांसह चर्चा होऊ शकते. काँग्रेस आणि राष्ट्रवादीसाठी 2009 मधील विधानसभा निवडणूक आव्हानात्मक असल्याची चर्चा सुरू झाली होती. या पार्श्वभूमीवर झालेल्या निवडणुकीत काँग्रेसने 174 तर राष्ट्रवादीने 114 जागा लढवल्या होत्या. मात्र, 2014 मध्ये हे दोन्ही पक्ष वेगळे लढले होते आणि त्यांना सत्ता गमवावी लागली होती. काँग्रेस आणि राष्ट्रवादी काँग्रेसमध्ये 1999 पासून आघाडी आहे. परंतु, 2014 ची विधानसभा निवडणूक दोन्ही पक्षांनी वेग-वेगळी लढवली होती. 2004 च्या विधानसभा निवडणुकीत राष्ट्रवादीला काँग्रेसपेक्षा अधिक जागा मिळाल्या होत्या. त्यावेळी राष्ट्रवादीने मुख्यमंत्री पदाची मागणी केली होती. नुकतेच पार पडलेल्या लोकसभा निवडणुकीत महाराष्ट्रातून काँग्रेसने 25, राष्ट्रवादीने 20 आणि इतर सहकारी पक्षांनी 3 जागांवरून निवडणूक लढवली होती. राष्ट्रवादीने त्यापैकी 4 आणि काँग्रेसने केवळ एका जागेवरून विजय मिळवला. तत्पूर्वी 2014 च्या लोकसभेत काँग्रेसला केवळ दोन आणि राष्ट्रवादीला 4 जागा मिळाल्या होत्या. एकूणच राष्ट्रवादीचा निकाल काँग्रेसपेक्षा सरस राहिलेला आहे. शिवसेना-भाजपचा मुकाबला करण्यासाठी कॉंग्रेस आणि राष्ट्रवादी कॉंग्रेसने विधानसभेची निवडणूक समविचारी पक्षांना एकत्र सामावून लढवण्याचा निर्णय घेतला आहे. त्यानुसार वंचित बहुजन आघाडीसह, बहुजन विकास आघाडी, स्वाभिमानी पक्ष, शेतकरी कामगार पक्ष, समाजवादी पक्ष, जनता दल, रिपब्लिकन पक्षाचे विविध गट यांना स्थानिक पातळीवरील प्रभावाप्रमाणे जागा सोडण्यात येणार आहे. चर्चेपुर्वीच वंचित बहुजन आघाडीने वेगळाच सूर लावलेला आहे. त्यामुळे कॉंग्रेस आणि राष्ट्रवादी बरोबर आघाडी करण्याचा वंचित बहुजन आघाडीच्या नेत्यांचा मनोदय दिसून येत नाही.

लोकसभा निवडणुकीत 56 विधानसभा मतदारसंघात महाआघाडीला मताधिक्य मिळालेल्या मतदारसंघाची यादी खालीलप्रमाणे-

महाआघाडी मताधिक्य मिळालेले मतदारसंघ
अ.क्र.	विधानसभा मतदारसंघ
1	1 – अक्कलकुवा विधानसभा मतदारसंघ
2	4 – नवापूर विधानसभा मतदारसंघ
3	5 – साक्री विधानसभा मतदारसंघ
4	38 – अमरावती विधानसभा मतदारसंघ
5	39 – तिवसा विधानसभा मतदारसंघ
6	40 – दर्यापूर विधानसभा मतदारसंघ
7	41 – मेळघाट विधानसभा मतदारसंघ
8	57 – नागपूर उत्तर विधानसभा मतदारसंघ
9	69 – अहेरी विधानसभा मतदारसंघ
10	70 – राजुरा विधानसभा मतदारसंघ
11	71 – चंद्रपूर विधानसभा मतदारसंघ
12	72 – बल्लारपूर विधानसभा मतदारसंघ
13	75 – वरोरा विधानसभा मतदारसंघ
14	85 – भोकर विधानसभा मतदारसंघ
15	86 – नांदेड उत्तर विधानसभा मतदारसंघ
16	87 – नांदेड दक्षिण विधानसभा मतदारसंघ
17	96 – परभणी विधानसभा मतदारसंघ
18	98 – पाथरी विधानसभा मतदारसंघ
19	114 – मालेगाव मध्य विधानसभा मतदारसंघ
20	122 – दिंडोरी विधानसभा मतदारसंघ
21	128 – डहाणू विधानसभा मतदारसंघ
22	129 – विक्रमगड विधानसभा मतदारसंघ
23	133 – वसई विधानसभा मतदारसंघ
24	136 – भिवंडी पश्चिम विधानसभा मतदारसंघ
25	137 – भिवंडी पूर्व विधानसभा मतदारसंघ
26	149 – मुंब्रा विधानसभा मतदारसंघ
27	171 – मानखुर्द शिवाजीनगर वि मतदारसंघ
28	176 – वांद्रे पूर्व विधानसभा मतदारसंघ
29	178 – धारावी विधानसभा मतदारसंघ
30	184 – भायखळा विधानसभा मतदारसंघ
31	186 – मुंबादेवी विधानसभा मतदारसंघ
32	189 – कर्जत विधानसभा मतदारसंघ
33	192 – अलिबाग विधानसभा मतदारसंघ
34	193 – श्रीवर्धन विधानसभा मतदारसंघ
35	195 – जुन्नर विधानसभा मतदारसंघ
36	196 – आंबेगाव विधानसभा मतदारसंघ
37	197 – खेड आळंदी विधानसभा मतदारसंघ
38	198 – शिरुर विधानसभा मतदारसंघ
39	200 – इंदापूर विधानसभा मतदारसंघ
40	201 – बारामती विधानसभा मतदारसंघ
41	202 – पुरंदर विधानसभा मतदारसंघ
42	203 – भोर विधानसभा मतदारसंघ
43	216 – अकोले विधानसभा मतदारसंघ
44	244 – करमाळा विधानसभा मतदारसंघ
45	245 – माढा विधानसभा मतदारसंघ
46	247 – मोहोळ विधानसभा मतदारसंघ
47	252 – पंढरपूर विधानसभा मतदारसंघ
48	253 – सांगोला विधानसभा मतदारसंघ
49	256 – वाई विधानसभा मतदारसंघ
50	257 – कोरेगाव विधानसभा मतदारसंघ
51	259 – कराड विधानसभा मतदारसंघ
52	262 – सातारा विधानसभा मतदारसंघ
53	280 – शिरोळ विधानसभा मतदारसंघ
54	283 – इस्लामपूर विधानसभा मतदारसंघ
55	284 – शिराळा विधानसभा मतदारसंघ
56	285 – पळूस कडेगाव विधानसभा मतदारसंघ

लोकसभा निवडणुकीत 132 विधानसभा मतदारसंघात महायुतीला मताधिक्य मिळालेल्या मतदारसंघाची यादी खालीलप्रमाणे-

महायुतीला मताधिक्य मिळालेले मतदारसंघ
अ.क्र.	विधानसभा मतदारसंघ
1	2 – शहादा विधानसभा मतदारसंघ
2	3 – नंदुरबार विधानसभा मतदारसंघ
3	6 – धुळे ग्रामीण विधानसभा मतदारसंघ
4	7 – धुळे शहर विधानसभा मतदारसंघ
5	8 – सिंदखेडा विधानसभा मतदारसंघ
6	9 – शिरूर विधानसभा मतदारसंघ
7	10 – चोपडा  विधानसभा मतदारसंघ
8	11 – रावेर विधानसभा मतदारसंघ
9	12 – भुसावळ विधानसभा मतदारसंघ
10	13 – जळगाव शहर विधानसभा मतदारसंघ
11	14 – जळगाव ग्रामीण विधानसभा मतदारसंघ
12	15 – अमळनेर विधानसभा मतदारसंघ
13	16 – एरंडोल विधानसभा मतदारसंघ
14	17 – चाळीसगाव विधानसभा मतदारसंघ
15	18 – पाचोरा विधानसभा मतदारसंघ
16	19 – जामनेर विधानसभा मतदारसंघ
17	20 – मुक्ताईनगर विधानसभा मतदारसंघ
18	21 – मलकापूर विधानसभा मतदारसंघ
19	22 – बुलढाणा विधानसभा मतदारसंघ
20	23 – चिखली विधानसभा मतदारसंघ
21	24 – सिंदखेडराजा विधानसभा मतदारसंघ
22	25 – मेहकर विधानसभा मतदारसंघ
23	26 – खामगाव विधानसभा मतदारसंघ
24	27 – जळगाव(जामोद) विधानसभा मतदारसंघ
25	28 – अकोट विधानसभा मतदारसंघ
26	29 – बाळापूर विधानसभा मतदारसंघ
27	30 – अकोला पश्चिम विधानसभा मतदारसंघ
28	31 – अकोला पूर्व विधानसभा मतदारसंघ
29	32 – मुर्तिजापूर विधानसभा मतदारसंघ
30	33 – रिसोड विधानसभा मतदारसंघ
31	34 – वाशिम विधानसभा मतदारसंघ
32	35 – कारंजा विधानसभा मतदारसंघ
33	36 – धामणगाव रेल्वे विधानसभा मतदारसंघ
34	37 – बडनेरा विधानसभा मतदारसंघ
35	42 – अचलपूर विधानसभा मतदारसंघ
36	43 – मोर्शी विधानसभा मतदारसंघ
37	44 – आर्वी विधानसभा मतदारसंघ
38	45 – देवळी विधानसभा मतदारसंघ
39	46 – हिंगणघाट विधानसभा मतदारसंघ
40	47 – वर्धा विधानसभा मतदारसंघ
41	48 – काटोल विधानसभा मतदारसंघ
42	49 – सावनेर विधानसभा मतदारसंघ
43	50 – हिंगणा विधानसभा मतदारसंघ
44	51 – उमरेड विधानसभा मतदारसंघ
45	52 – नागपूर दक्षिण-पश्चिम विधानसभा मतदारसंघ
46	53 – नागपूर दक्षिण विधानसभा मतदारसंघ
47	54 – नागपूर पूर्व विधानसभा मतदारसंघ
48	55 – नागपूर मध्य विधानसभा मतदारसंघ
49	56 – नागपूर पश्चिम विधानसभा मतदारसंघ
50	58 – कामठी विधानसभा मतदारसंघ
51	59 – रामटेक विधानसभा मतदारसंघ
52	60 – तुमसर विधानसभा मतदारसंघ
53	61 – भंडारा विधानसभा मतदारसंघ
54	62 – साकोली विधानसभा मतदारसंघ
55	63 – अर्जुनी मोरगाव विधानसभा मतदारसंघ
56	64 – तिरोरा विधानसभा मतदारसंघ
57	65 – गोंदिया विधानसभा मतदारसंघ
58	66 – आमगाव विधानसभा मतदारसंघ
59	67 – आरमोरी विधानसभा मतदारसंघ
60	68 – गडचिरोली विधानसभा मतदारसंघ
61	73 – ब्रम्हपुरी विधानसभा मतदारसंघ
62	74 – चिमुर विधानसभा मतदारसंघ
63	76 – वणी विधानसभा मतदारसंघ
64	77 – राळेगांव विधानसभा मतदारसंघ
65	78 – यवतमाळ विधानसभा मतदारसंघ
66	79 – दिग्रस विधानसभा मतदारसंघ
67	80 – आर्णी विधानसभा मतदारसंघ
68	81 – पुसद विधानसभा मतदारसंघ
69	82 – उमरखेड विधानसभा मतदारसंघ
70	83 – किनवट विधानसभा मतदारसंघ
71	84 – हदगाव विधानसभा मतदारसंघ
72	88 – लोह विधानसभा मतदारसंघ
73	89 – नायगाव विधानसभा मतदारसंघ
74	90 – देगलूर विधानसभा मतदारसंघ
75	91 – मुखेड विधानसभा मतदारसंघ
76	92 – बसमत विधानसभा मतदारसंघ
77	93 – कळमनुरी विधानसभा मतदारसंघ
78	94 – हिंगोली विधानसभा मतदारसंघ
79	95 – जिंतूर विधानसभा मतदारसंघ
80	97 – गंगाखेड विधानसभा मतदारसंघ
81	99 – परतूर विधानसभा मतदारसंघ
82	100 – घनसावंगी विधानसभा मतदारसंघ
83	101 – जालना विधानसभा मतदारसंघ
84	102 – बदनापूर विधानसभा मतदारसंघ
85	103 – भोकरदन विधानसभा मतदारसंघ
86	104 – सिलोड विधानसभा मतदारसंघ
87	105 – कणाद विधानसभा मतदारसंघ
88	106 – फुलंब्री विधानसभा मतदारसंघ
89	107 – औरंगाबाद मध्य विधानसभा मतदारसंघ
90	108 – औरंगाबाद पश्चिम विधानसभा मतदारसंघ
91	109 – औरंगाबाद पूर्व विधानसभा मतदारसंघ
92	110 – पैठण विधानसभा मतदारसंघ
93	111 – गंगापूर विधानसभा मतदारसंघ
94	112 – विजापूर विधानसभा मतदारसंघ
95	113 – नांदगाव विधानसभा मतदारसंघ
96	115 – मालेगाव बाह्य विधानसभा मतदारसंघ
97	116 – बागलाण विधानसभा मतदारसंघ
98	117 – कळवण विधानसभा मतदारसंघ
99	118 – चांदवड विधानसभा मतदारसंघ
100	119 – येवला विधानसभा मतदारसंघ
101	120 – सिन्नर  विधानसभा मतदारसंघ
102	121 – निफाड विधानसभा मतदारसंघ
103	123 – नाशिक पूर्व विधानसभा मतदारसंघ
104	124 – नाशिक मध्य विधानसभा मतदारसंघ
105	125 – नाशिक पश्चिम विधानसभा मतदारसंघ
106	126 – देवळाली विधानसभा मतदारसंघ
107	127 – इगतपूरी विधानसभा मतदारसंघ
108	130 – पालघर विधानसभा मतदारसंघ
109	131 – बोईसर विधानसभा मतदारसंघ
110	132 – नालासोपारा विधानसभा मतदारसंघ
111	134 – भिवंडी ग्रामीण विधानसभा मतदारसंघ
112	135 – शहापूर विधानसभा मतदारसंघ
113	138 – कल्याण पश्चिम विधानसभा मतदारसंघ
114	139 – मुरबाड विधानसभा मतदारसंघ
115	140 – अंबरनाथ विधानसभा मतदारसंघ
116	141 – उल्हासनगर विधानसभा मतदारसंघ
117	142 – कल्याण पूर्व विधानसभा मतदारसंघ
118	143 – डोंबिवली  विधानसभा मतदारसंघ
119	144 – कल्याण ग्रामीण विधानसभा मतदारसंघ
120	145 – मीरा-भाईंदर विधानसभा मतदारसंघ
121	146 – ओवळा-माजीवडा विधानसभा मतदारसंघ
122	147 – कोपरी-पाचपाखाडी विधानसभा मतदारसंघ
123	148 – ठाणे विधानसभा मतदारसंघ
124	150 – ऐरोली विधानसभा मतदारसंघ
125	151 – बेलापूर विधानसभा मतदारसंघ
126	152 – बोरीवली  विधानसभा मतदारसंघ
127	153 – दहिसर  विधानसभा मतदारसंघ
128	154 – मागाठणे विधानसभा मतदारसंघ
129	155 – मुलुंड विधानसभा मतदारसंघ
130	156 – विक्रोळी विधानसभा मतदारसंघ
131	157 – भांडुप विधानसभा मतदारसंघ
132	158 – जोगेश्वरी पूर्व विधानसभा मतदारसंघ
133	159 – दिंडोशी विधानसभा मतदारसंघ
134	160 – कांदिवली पूर्व विधानसभा मतदारसंघ
135	161 – चारकोप विधानसभा मतदारसंघ
136	162 – मालाड पश्चिम विधानसभा मतदारसंघ
137	163 – गोरेगाव विधानसभा मतदारसंघ
138	164 – वर्सोवा विधानसभा मतदारसंघ
139	165 – अंधेरी पश्चिम विधानसभा मतदारसंघ
140	166 – अंधेरी पूर्व विधानसभा मतदारसंघ
141	167 – विलेपार्ले विधानसभा मतदारसंघ
142	168 – चांदिवली विधानसभा मतदारसंघ
143	169 – घाटकोपर पश्चिम विधानसभा मतदारसंघ
144	170 – घाटकोपर पूर्व विधानसभा मतदारसंघ
145	172 – अनुशक्ती नगर विधानसभा मतदारसंघ
146	173 – चेंबुर विधानसभा मतदारसंघ
147	174 – कुर्ला विधानसभा मतदारसंघ
148	175 – कलिना विधानसभा मतदारसंघ
149	177 – वांद्रे पश्चिम विधानसभा मतदारसंघ
150	179 – सायन कोळीवाडा विधानसभा मतदारसंघ
151	180 – वडाळा विधानसभा मतदारसंघ
152	181 – माहिम विधानसभा मतदारसंघ
153	182 – वरळी  विधानसभा मतदारसंघ
154	183 – शिवडी विधानसभा मतदारसंघ
155	185 – मलबार हिल विधानसभा मतदारसंघ
156	187 – कुलाबा विधानसभा मतदारसंघ
157	188 – पनवेल विधानसभा मतदारसंघ
158	190 – उरण विधानसभा मतदारसंघ
159	191 – पेण विधानसभा मतदारसंघ
160	194 – महाड विधानसभा मतदारसंघ
161	199 – दौंड विधानसभा मतदारसंघ
162	204 – मावळ विधानसभा मतदारसंघ
163	205 – चिंचवड विधानसभा मतदारसंघ
164	206 – पिपरी विधानसभा मतदारसंघ
165	207 – भोसरी विधानसभा मतदारसंघ
166	208 – वडगाव शेरी विधानसभा मतदारसंघ
167	209 – शिवाजीनगर विधानसभा मतदारसंघ
168	210 – कोथरुड विधानसभा मतदारसंघ
169	211 – खडकवासला विधानसभा मतदारसंघ
170	212 – पर्वती विधानसभा मतदारसंघ
171	213 – हडपसर विधानसभा मतदारसंघ
172	214 – पुणे कॅन्टोन्मेंट विधानसभा मतदारसंघ
173	215 – कसबा पेठ विधानसभा मतदारसंघ
174	217 – संगमनेर विधानसभा मतदारसंघ
175	218 – शिर्डी विधानसभा मतदारसंघ
176	219 – कोपरगाव विधानसभा मतदारसंघ
177	220 – श्रीरामपूर विधानसभा मतदारसंघ
178	221 – नेवासा विधानसभा मतदारसंघ
179	222 – शेवगाव पाथर्डी विधानसभा मतदारसंघ
180	223 – राहौरी विधानसभा मतदारसंघ
181	224 – पारनेर विधानसभा मतदारसंघ
182	225 – अहमदनगर शहर विधानसभा मतदारसंघ
183	226 – श्रीगोंदा विधानसभा मतदारसंघ
184	227 – कर्जत जामखेड  विधानसभा मतदारसंघ
185	228 – गेवराई विधानसभा मतदारसंघ
186	229 – माजलगाव विधानसभा मतदारसंघ
187	230 – बीड विधानसभा मतदारसंघ
188	231 – आष्टी विधानसभा मतदारसंघ
189	232 – केज विधानसभा मतदारसंघ
190	233 – परळी विधानसभा मतदारसंघ
191	234 – लातूर ग्रामीण विधानसभा मतदारसंघ
192	235 – लातूर शहर विधानसभा मतदारसंघ
193	236 – अहमदपूर विधानसभा मतदारसंघ
194	237 – उदगीर विधानसभा मतदारसंघ
195	238 – निलंगा विधानसभा मतदारसंघ
196	239 – औसा विधानसभा मतदारसंघ
197	240 – उमरगा विधानसभा मतदारसंघ
198	241 – तुळजापूर विधानसभा मतदारसंघ
199	242 – उस्मानाबाद विधानसभा मतदारसंघ
200	243 – परांडा विधानसभा मतदारसंघ
201	246 – बार्शी विधानसभा मतदारसंघ
202	248 – सोलापूर शहर उत्तर विधानसभा मतदारसंघ
203	249 – सोलापूर शहर मध्य विधानसभा मतदारसंघ
204	250 – अक्कलकोट विधानसभा मतदारसंघ
205	251 – सोलापूर दक्षिण विधानसभा मतदारसंघ
206	254 – माळशिरस विधानसभा मतदारसंघ
207	255 – फलटण विधानसभा मतदारसंघ
208	258 – माण विधानसभा मतदारसंघ
209	260 – कराड दक्षिण विधानसभा मतदारसंघ
210	261 – पाटण विधानसभा मतदारसंघ
211	263 – दापोली विधानसभा मतदारसंघ
212	264 – गुहागर विधानसभा मतदारसंघ
213	265 – चिपळूण विधानसभा मतदारसंघ
214	266 – रत्नागिरी विधानसभा मतदारसंघ
215	267 – राजापूर विधानसभा मतदारसंघ
216	268 – कणकवली विधानसभा मतदारसंघ
217	269 – कुडाळ विधानसभा मतदारसंघ
218	270 – सावंतवाडी विधानसभा मतदारसंघ
219	271 – चंदगड विधानसभा मतदारसंघ
220	272 – राधानगरी विधानसभा मतदारसंघ
221	273 – कागल विधानसभा मतदारसंघ
222	274 – कोल्हापूर दक्षिण विधानसभा मतदारसंघ
223	275 – करवीर विधानसभा मतदारसंघ
224	276 – कोल्हापूर उत्तर विधानसभा मतदारसंघ
225	277 – शाहुवाडी विधानसभा मतदारसंघ
226	278 – हातकणंगले विधानसभा मतदारसंघ
227	279 – इचलकरंजी विधानसभा मतदारसंघ
228	281 – मिरज विधानसभा मतदारसंघ
229	282 – सांगली विधानसभा मतदारसंघ
230	286 – खानापूर विधानसभा मतदारसंघ
231	287 – तासगाव-कवठेमहाकाळ विधानसभा मतदारसंघ
232	288 – जत विधानसभा मतदारसंघ

वंचित आघाडीला महाआघाडीत सामावून घेतले तर  45 विधानसभा मतदारसंघात महायुतीपेक्षा जास्त मताधिक्य होते अशा मतदारसंघाची यादी खालीलप्रमाणे-

वंचित व महाआघाडीची एकत्रित मते गृहीत धरल्यास महायुतीपेक्षा जास्त मताधिक्य होते असे मतदारसंघ
अ.क्र.	विधानसभा मतदारसंघ
1	2 – शहादा विधानसभा मतदारसंघ
2	24 – सिंदखेडराजा विधानसभा मतदारसंघ
3	25 – मेहकर विधानसभा मतदारसंघ
4	26 – खामगाव विधानसभा मतदारसंघ
5	29 – बाळापूर विधानसभा मतदारसंघ
6	30 – अकोला पश्चिम विधानसभा मतदारसंघ
7	34 – वाशिम विधानसभा मतदारसंघ
8	35 – कारंजा विधानसभा मतदारसंघ
9	37 – बडनेरा विधानसभा मतदारसंघ
10	42 – अचलपूर विधानसभा मतदारसंघ
11	73 – ब्रम्हपुरी विधानसभा मतदारसंघ
12	74 – चिमुर विधानसभा मतदारसंघ
13	76 – वणी विधानसभा मतदारसंघ
14	81 – पुसद विधानसभा मतदारसंघ
15	89 – नायगाव विधानसभा मतदारसंघ
16	90 – देगलूर विधानसभा मतदारसंघ
17	95 – जिंतूर विधानसभा मतदारसंघ
18	97 – गंगाखेड विधानसभा मतदारसंघ
19	99 – परतूर विधानसभा मतदारसंघ
20	107 – औरंगाबाद मध्य विधानसभा मतदारसंघ
21	108 – औरंगाबाद पश्चिम विधानसभा मतदारसंघ
22	109 – औरंगाबाद पूर्व विधानसभा मतदारसंघ
23	111 – गंगापूर विधानसभा मतदारसंघ
24	127 – इगतपूरी विधानसभा मतदारसंघ
25	172 – अनुशक्ती नगर विधानसभा मतदारसंघ
26	174 – कुर्ला विधानसभा मतदारसंघ
27	190 – उरण विधानसभा मतदारसंघ
28	191 – पेण विधानसभा मतदारसंघ
29	199 – दौंड विधानसभा मतदारसंघ
30	213 – हडपसर विधानसभा मतदारसंघ
31	214 – पुणे कॅन्टोन्मेंट विधानसभा मतदारसंघ
32	229 – माजलगाव विधानसभा मतदारसंघ
33	230 – बीड विधानसभा मतदारसंघ
34	233 – परळी विधानसभा मतदारसंघ
35	235 – लातूर शहर विधानसभा मतदारसंघ
36	242 – उस्मानाबाद विधानसभा मतदारसंघ
37	246 – बार्शी विधानसभा मतदारसंघ
38	255 – फलटण विधानसभा मतदारसंघ
39	260 – कराड दक्षिण विधानसभा मतदारसंघ
40	264 – गुहागर विधानसभा मतदारसंघ
41	281 – मिरज विधानसभा मतदारसंघ
42	282 – सांगली विधानसभा मतदारसंघ
43	286 – खानापूर विधानसभा मतदारसंघ
44	287 – तासगाव-कवठेमहाकाळ विधानसभा मतदारसंघ
45	288 – जत विधानसभा मतदारसंघ

महाराष्ट्रातील 288 विधानसभा मतदारसंघातील- 

 मागील निवडणूक 20192014/2009 निवडणूक कार्यक्रम/निकाल/मतदानकेंद्र निहाय निकाल
 सामाजिक स्थिती/जातीय प्रमाण व निवडणुकीवर होणारा परिणाम/विश्लेषण
 राजकीय सद्यस्थिती/आगामी निवडणुकीतील निवडणूकपूर्व जनमत चाचणी कल / सर्वेक्षण

अधिक माहितीसाठी संपर्क-
पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)
prabindia.blogspot.com

POLITICAL RESEARCH & ANALYSIS BUREAU (PRAB) PUNE

पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

पुस्तक घर पोहोच मिळावा!

 मतदारसंघ निहाय सद्यस्थिती जाणून घ्या फक्त 1500/-रु.मध्ये

 CLICK HERE - 

https://imojo.in/1gdby2
==============================
महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook
=============================
फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/prabindiaEBook
================================================