पाच राज्यांमधील निवडणुकीच्या तारखा जाहीर; 11 डिसेंबरला निकाल

मध्य प्रदेश, मिझोरम, राजस्थान, तेलंगणा, छत्तीसगड विधानसभा निवडणुकीच्या तारखा जाहीर

केंद्रीय निवडणूक आयोगाने मध्य प्रदेश, मिझोराम, राजस्थान, छत्तीसगड आणि तेलंगणा या पाच राज्यांतील विधानसभा निवडणुका १५ डिसेंबरपूर्वी घेण्याची घोषणा आज केली. तसेच या निवडणुकांसाठी आचारसंहिता आजपासून लागू होत असल्याचेही निवडणूक आयोगाचे मुख्य आयुक्त ओ. पी. रावत यांनी सांगितले. छत्तीसगडमध्ये दोन टप्प्यात मतदान होणार आहे. पहिल्या टप्पा १२ नोव्हेंबर रोजी तर दुसऱ्या टप्प्यातील मतदान २० नोव्हेंबर रोजी होईल. मध्य प्रदेश आणि मिझोराममध्ये २८ नोव्हेंबर रोजी, राजस्थान आणि तेलंगणा विधानसभेसाठी ७ डिसेंबर रोजी मतदान प्रक्रिया होणार असल्याचे रावत यांनी जाहीर केले आहे.या पाच विधानसभा निवडणुकीची मतमोजणी ११ डिसेंबर रोजी होणार असल्याचे त्यांनी सांगितले.दरम्यान, पत्रकार परिषदेची वेळ दुपारी साडे बारा ऐवजी बदलून दुपारी 3 वाजता करण्यात आल्याबद्दल निवडणूक आयोगाने दिलगिरी व्यक्त केली आहे.
निवडणूक आयोगानं पाच राज्यांमधील निवडणुकीच्या तारखा जाहीर केल्या आहेत. 28 नोव्हेंबरला मध्य प्रदेश आणि मिझोरममध्ये विधानसभा निवडणूक होणार आहे. तर राजस्थान आणि तेलंगणामध्ये 7 डिसेंबरला निवडणूक होईल. छत्तीगसडमध्ये दोन टप्प्यांमध्ये मतदान होणार आहे. यातील पहिल्या टप्प्यातील मतदान 12 नोव्हेंबरला आणि दुसऱ्या टप्प्यातील मतदान 20 नोव्हेंबरला होईल. या पाचही राज्यांचे निकाल 11 डिसेंबरला जाहीर होणार आहेत. मध्यप्रदेश, छत्तीसगड आणि राजस्थानमध्ये भाजपची सत्ता आहे. तेलंगणामध्ये टीआरएसने नुकतीच विधानसभा विसर्जित केली होती. ठरलेल्या वेळेआधी निवडणुका व्हाव्या अशी त्यांची इच्छा होती. त्याठिकाणी पुढील वर्षी निवडणूक होणार होती. तर मिझोरममध्ये काँग्रेसची सत्ता आहे.

निवडणूक कार्यक्रम असा

छत्तीसगड पहिला टप्पा (यात नक्षलग्रस्त भागात मतदान होणार) 
अधिसूचना : 16 ऑक्टोबर
उमेदवारी अर्ज दाखल करण्याची शेवटची तारीख : 23 ऑक्टोबर
अर्जांची छाननी : 24 ऑक्टोबर
उमेदवारी मागे घेण्याची शेवटची तारीख : 26 ऑक्टोबर
मतदान : 12 नोव्हेंबर
एकूण जागा : 18

छत्तीसगड दुसरा टप्पा 
एकूण जागा : 72
अधिसूचना : 26 ऑक्टोबर
उमेदवारी अर्ज दाखल करण्याची शेवटची तारीख : 2 नोव्हेंबर
अर्जांची छाननी : 3 नोव्हेंबर
उमेदवारी मागे घेण्याची शेवटची तारीख : 5 नोव्हेंबर
मतदान : 20 नोव्हेंबर

मध्यप्रदेश आणि मिझोरम 
अधिसूचना : 2 नोव्हेंबर
उमेदवारी अर्ज दाखल करण्याची शेवटची तारीख : 9 नोव्हेंबर
अर्जांची छाननी : 12 नोव्हेंबर
उमेदवारी मागे घेण्याची शेवटची तारीख : 14 नोव्हेंबर
मतदान : 28 नोव्हेंबर

राजस्थान आणि तेलंगाना
अधिसूचना : 12 नोव्हेंबर
उमेदवारी अर्ज दाखल करण्याची शेवटची तारीख : 19 नोव्हेंबर
अर्जांची छाननी : 20 नोव्हेंबर
उमेदवारी मागे घेण्याची शेवटची तारीख : 22 नोव्हेंबर
मतदान : 7 डिसेंबर

सर्व राज्यांचे निकाल 11 डिसेंबरला जाहीर होतील. 

कोणत्या राज्यात कधी संपणार विधानसभांचा कार्यकाळ 
छत्तीसगड : 5 जानेवारी 2019
मध्यप्रदेश : 7 जानेवारी 2019
राजस्थान : 20 जानेवारी 2019 
मिझोरम : 15 डिसेंबर 2018

2013 ची स्थिती

पक्ष	मध्यप्रदेश	छत्तीसगड	राजस्थान
भाजप	165	49	163
काँग्रेस	58	39	21
बसपा	4	1	3
इतर	3	1	13
एकूण	230	90	200
सध्याचे सरकार	भाजप	भाजप	भाजप

लोकसभा निवडणूक 2014 ची स्थिती

पक्ष	मध्यप्रदेश	छत्तीसगड	राजस्थान
भाजप	27	10	25
काँग्रेस	2	1	0
बसपा	0	0	0
एकूण	29	11	25

सत्तेचे दावेदार

मध्यप्रदेश - शिवराज सिंह चौहान, कमलनाथ, ज्योतिरादित्य सिंधिया
छत्तीसगड - रमन सिंह, अजित जोगी, भूपेष बघेल, टीएस सिंहदेव
राजस्थान - वसुंधरा राजे सिंधिया, अशोक गेहलोत, सचिन पायलट

प्रत्येक ठिकाणी प्रचाराचे तीनच चेहरे : नरेंद्र मोदी, अमित शाह आणि राहुल गांधी

निवडणूक आयोगाच्या स्वायत्ततेवर काँग्रेसचे प्रश्नचिन्ह

निवडणूक आयोग आज पाच राज्यांच्या विधानसभा निवडणुकांच्या तारखांची घोषणा करणार आहे. यासाठीची पत्रकार परिषद पूर्वनियोजित वेळेनुसार दुपारी साडेबारा वाजता होणार होती. पण आयोगाने ती अचानक पुढे ढकलून ३ वाजता ठेवली. पंतप्रधान नरेंद्र मोदींची आज दुपारी १ वाजता अजमेर येथे रॅली आहे, त्या पार्श्वभूमीवर आयोगाने पत्रकार परिषद पुढे ढकलल्याचा आरोप काँग्रेस प्रवक्ता रणदीप सुरजेवाला यांनी केला आहे. 

POLITICAL RESEARCH & ANALYSIS BUREAU (PRAB) PUNE

पॉलिटिकल रिसर्च अॅण्ड अॅनालिसेस ब्युरो (प्राब) पुणे