मुक्त चिन्हांमध्ये प्रथमच हेल्मेट, सीसीटीव्ही कॅमेरा, पेनड्राईव्ह, रोबोट चा समावेश

निवडणूक आयोगाकडून 198 निवडणूक चिन्हे ‘मुक्त चिन्हे’ घोषित

जात्यापासून भाजीपाला, फळांचा देखील समावेश

लोकसभा निवडणुका लढविणाऱ्या राष्ट्रीय व राज्यस्तरीय पक्षातील उमेदवार वगळता अमान्यताप्राप्त नोंदणीकृत पक्ष आणि अपक्ष उमेदवारांसाठी वाटप करण्यात येणाऱ्या चिन्हांमध्ये यंदा दुपटीहून अधिक वाढ करण्यात आली आहे. निवडणूक आयोगाकडून 198 निवडणूक चिन्हे ‘मुक्त चिन्हे’ घोषित करण्यात आलेली आहेत. मुक्त चिन्हांमध्ये प्रथमच हेल्मेट, सीसीटीव्ही कॅमेरा, पेनड्राईव्ह, रोबोट चा समावेश असून यामध्ये जात्यापासून भाजीपाला, फळांचा देखील समावेश आहे. 2014 च्या निवडणुकांमध्ये 87 मुक्त चिन्हे होती. त्यापैकी काही  चिन्हे वगळून आणि नव्याने समावेश करुन तुलनेत यावर्षी त्यामध्ये १११ चिन्हांची भर घालण्यात आलेली आहे. लोकसभा निवडणुका लढविणाऱ्या राष्ट्रीय व राज्यस्तरीय पक्षातील उमेदवार वगळता अमान्यताप्राप्त नोंदणीकृत पक्ष आणि अपक्ष उमेदवारांसाठी वाटप करण्यात येणाऱ्या चिन्हांमध्ये यंदा दुपटीहून अधिक वाढ करण्यात आली आहे. 198 निवडणूक चिन्हे ‘मुक्त चिन्हे’ घोषित करण्यात आली असून त्यावर डिजिटल साधनांचा प्रभाव दिसून येतो. राष्ट्रीय व राज्यस्तरीय पक्षांची चिन्हे राखीव आहेत. 2014 च्या निवडणुकांमध्ये 87 मुक्त चिन्हे होती. त्यापैकी काही  चिन्हे वगळून आणि नव्याने समावेश करुन यावर्षी 198 मुक्त चिन्हे निवडण्याची संधी उमेदवारांना उपलब्ध करुन दिली आहेत. यामधून उमेदवारांना चिन्हाची मागणी करता येणार आहे. निवडणूक चिन्ह (आरक्षण आणि वाटप) आदेश, 1968 नुसार लोकसभा आणि विधानसभा निवडणूक लढविणाऱ्या उमेदवारांना विहीत पद्धतीने चिन्हांचे वाटप केले जाते. दैनंदिन वापरातील वस्तू, व्यक्तिगत साधने, दळणवळणाची साधने, फळे, भाज्या, स्वयंपाकघरातील वस्तू, खेळ, कृषी क्षेत्र, बांधकाम क्षेत्र, अत्याधुनिक संगणक युगातील साधने आदी विविध क्षेत्रातील साधनांचा मुक्त चिन्हांमध्ये समावेश करुन आयोगाने सर्वसमावेशकता निर्माण करण्याचा प्रयत्न केला आहे. जुन्या काळातील वाळूचे घड्याळ, दळणाचे जाते, उखळ, नरसाळे, धान्य पाखडण्याचे सूप, ग्रामोफोन, टाईपरायटर, डिझेल पंप ते आधुनिक काळातील लॅपटॉप, कॉम्प्युटरचा माऊस, सीसीटीव्ही कॅमेरा, पेनड्राईव्ह, रोबोट, हेडफोन अशा नव्या-जुन्याचा संगम या मुक्त चिन्हांमध्ये करण्यात आला आहे. आपल्याला सकाळी उठल्यापर्यंत लागणाऱ्या टूथब्रश, टूथपेस्ट पासून ते  रेझर, साबणदानी, चप्पल, बूट, मोजे, उशी आदी व्यक्तिगत वापराच्या वस्तूंनाही चिन्हांमध्ये स्थान मिळाले आहे. मुक्त चिन्हांमध्ये हेल्मेटचा समावेश करुन आयोगाने एक प्रकारे दुचाकी चालकाच्या जिवीताच्या रक्षणासाठी संदेशच दिला जाणार आहे. या चिन्हांमध्ये ऊस शेतकरी, नारळाची बाग, डिजेल पंप, ट्रॅक्टर चालविणारा शेतकरी, शेतीच्या मशागतीसाठीचे टीलर, विहीर अशा चिन्हांचा समावेश करुन असून एकप्रकारे शेतीचे महत्त्व लक्षात घेतले आहे. गॅस सिलेंडर, गॅस शेगडी, रेफ्रीजरेटर, मिक्सर,  प्रेशर कुकर, हंडी, कढई, तळण्याची कढई , काचेचा ग्लास, ट्रे, कपबशी, चहाची गाळणी, उखळ आणि खलबत्ता, शिमला मिर्ची, फूलकोबी, हिरवी मिरची, भेंडी, आले, मटार, फळांची टोपली, सफरचंद, द्राक्षे, फणस, अननस, अक्रोड, बिस्कीट, ब्रेड, केक आदींच्या रुपात मुक्त चिन्हे ठरविताना आयोगाने स्वयंपाकघराला सर्वाधिक मान दिलेला आहे. यासोबरोबरच रिक्षा, ट्रक, हेलिकॉप्टर, जहाज अशी रस्ते तसेच जलवाहतुकीची साधने, विटा, थापी, करवत, कडी, कुलपाची चावी असे बांधकाम साहित्य, बॅट, बुद्धीबळ पट, कॅरम बोर्ड, फूटबॉल, ल्युडो, स्टम्प, हॉकी स्टीक आणि बॉल, टेनिस रॅकेट आणि बॉल, क्रिकेट फलंदाज, फूटबॉल खेळाडू आदी खेळांची साधने आणि खेळाडू, मोत्यांचा हार, हिरा, अंगठी आदी मौल्यवान दागिने, हार्मोनियम, सितार, व्हायोलीन आदी संगीताची साधने यांच्यासोबतच अनेक विविध क्षेत्रातील चिन्हेही मुक्त चिन्हांमध्ये समाविष्ट आहेत.

राजकीय पक्ष लोकशाहीमध्ये प्रत्येक राजकारणी पक्ष आपल्या निवडणूक चिन्हांवर निवडणुका लढतात.

भारताच्या प्रमुख राजकीय पक्षांच्या निवडणूक चिन्हांबद्दल जाणून घ्या.

1. भारतीय जनता पक्ष (भाजप): कमळाचे फुल - डॉ. श्यामप्रसाद मुखर्जी यांनी 1951 मध्ये स्थापित केलेले भारतीय जनसंघ हेच वर्तमानाचे भाजप आहे. त्या वेळी भारतीय जनसंघाचे निवडणूक चिन्ह 'दिवा' होतं. 1977 मध्ये भारतीय जनसंघाला जनता पक्ष असे म्हटले गेले आणि त्यांचे निवडणूक चिन्ह 'हलधर शेतकरी' झाले. 1980 मध्ये पक्षाचा स्वरूप भाजप बनला, आणि याचे निवडणूक चिन्ह कमळ हे निश्चित केले गेले.
2. भारतीय राष्ट्रीय काँग्रेस (भाराकां): पंजा - 1885 मध्ये काँग्रेसचे चिन्ह दोन बैल होते, त्यानंतर निवडणूक चिन्ह गाय-वासरू बनलं. सध्या काँग्रेसचे निवडणूक चिन्ह 'पंजा' असून हे सर्वात प्रथम इंदिरा गांधींनी वापरला होता. इंदिरा यांनी पक्षाला नवीन शक्ती दिली आणि नवीन काँग्रेसची स्थापना केली. त्यांचा विश्वास होता की हाताचा पंजा शक्ती, ऊर्जा आणि एकतेचा प्रतीक आहे.
3. बहुजन समाज पक्ष (बसप): हत्ती - निवडणूक आयोगाने स्वीकारलेले, डाव्या बाजूला पाहणारा हत्ती बसपाचा प्रतीक आहे. पक्ष, आसाम आणि सिक्कीम व्यतिरिक्त संपूर्ण देशात या निवडणूक चिन्हाने निवडणूक लढते. तरी सध्या या दोन राज्यांमध्ये बसपाचा कोणताही हस्तक्षेप नाही. त्यामुळे आसाम आणि सिक्कीमसाठी पक्षाचे निवडणूक चिन्ह आतापर्यंत निश्चित केले गेले नाही. बसपाचे निवडणूक चिन्ह 'हत्ती' शारीरिक शक्ती आणि इच्छाशक्ती दोन्ही दर्शवतं. हा एक विशाल प्राणी आहे आणि सहसा तो शांत राहतो. या निवडणुक चिन्हाविषयी असा विश्वास आहे की 'बहुजन समाज' किंवा समाजातील दलित वर्गांची विशाल लोकसंख्या. हे केवळ समाजाचा एक मोठा भागच नव्हे तर ते हे देखील सूचित करतं की निम्न जाती आणि अल्पसंख्यक वर्ग शारीरिक आणि मानसिकदृष्ट्या मजबूत आहे आणि कठीण परिस्थितींमध्ये देखील संघर्ष करू शकतात.
4. मार्क्सवादी कम्युनिस्ट पक्ष (सीपीआय): कोयता-हातोडा - सीपीआय (एम) चे निवडणूक चिन्ह कोयता-हातोडा आहे. म्हणजे शेतमजूर आणि कारखाने कामगार यांचे प्रतीक.
5. भारतीय कम्युनिस्ट पक्ष (सीपीआय): बाली-कोयता - सीपीआयचे निवडणूक चिन्ह बाली-कोयता 1952 पासून वर्तमानापर्यंत तेच आहे. तथापि या पक्षात देखील तूट पडली आणि एक नवीन गट मार्क्सवादी कम्युनिस्ट पार्टी तयार झाले, जे 1967 पासून निवडणुकीत सहभागी होत आहे.
6. राष्ट्रवादी काँग्रेस पक्ष (राकांपा): घड्याळ - राकांपाचे निवडणूक चिन्ह एक निळी रेषीय घड्याळ आहे, यात तळाशी दोन पाय आणि शीर्षावर अलार्म बटण आहे. घड्याळाचे दोन हात 10 वाजून 10 मिनिट अशी वेळ दर्शवतात. हे चिन्ह सूचित करते की परिस्थिती कितीही विपरीत असली तरी राकांपा आपल्या तत्त्वांसाठी दृढतेने लढत आहे.
7. समाजवादी पक्ष (एसपी): सायकल - एसपीचे निवडणूक चिन्ह सायकल आहे. सहसा ते पक्षाच्या लाल आणि हिरव्या रंगाच्या ध्वजावर बनविली जाते. लाल रंग संघर्ष आणि क्रांती यांचे आदर्श तर हिरवा रंग घास किंवा हरित दर्शवितो, जे राजकारणाच्या मूलभूत तत्त्वांचे प्रतिबिंब पाडतं. हिरवा रंग आशा देखील दर्शवितो. त्याच वेळी, सायकल गंतव्य स्थानापर्यंत पोहोचण्याचा एक साधन आहे, जे पक्षाचा हेतू स्पष्ट करतं.
8. बिजू जनता दल (बीजेडी): शंख - बीजेडीसाठी डाव्याकडे वळण घेतलेला शंख निवडणुक चिन्ह मान्य केला गेला आहे. बहुतेक लोक स्वतःला शंखाशी जोडतात. शंख प्राचीन भारतीय परंपरेचा प्रतीक आहे. पौराणिक परंपरेनुसार पंचजन्य नावाचा शंख भगवान विषाणूंचा प्रतीक आहे. म्हणजे पाच प्राण्यांचे पाच वर्ग नियंत्रणात आहे. एकदा महाभारतात देखील अर्जुनने मोहक शंखाने नाद केला होता, याचा अर्थ विजयनाद होता. प्राचीन काळापासून हे मानले गेले आहे की शंख शक्ती, सार्वभौमत्व आणि शक्तीचे प्रतीक आहे, जे शत्रू आणि वाईट आत्म्यांना नष्ट करतात.
9. जनता दल (युनायटेड): बाण - जेडीयूसाठी निवडणूक आयोगाने 'बाण' हे निवडणूक चिन्ह मान्य केले आहे. हे चिन्ह अविभाजित जनता दलाचे होते. हा बाण हिरव्या आणि पांढऱ्या रंगांच्या दरम्यान तयार केलेल्या पांढऱ्या पट्टीवर बनलेला आहे. खरं तर, हा ध्वज जॉर्ज फर्नांडिसच्या समता पक्षाचा होता. 'बाण' सूचित करतो की पक्ष आपल्या लक्ष्य, भारताला एक धर्मनिरपेक्ष, सार्वभौम, समाजवादी आणि लोकशाही प्रजासत्ताक तयार करण्याचा प्रयत्न करीत आहे.
10. तेलुगु देशम पक्ष : सायकल - या पक्षाचे निवडणूक चिन्ह 'सायकल' आहे. सहसा ही पिवळ्या पार्श्वभूमीवर बनवले जाते. पिवळा रंग संपत्ती, आनंद आणि धन संपत्तीचा रंग आहे.
11. अखिल भारतीय अण्णा द्रविड मुन्नेत्र कळघम (एआयएडीएमके): 'दोन पाने' - एआयएडीएमकेचा निवडणूक चिन्ह 'दोन पाने' आहे. या चिन्हाचा एक विशेष इतिहास आहे. 1987 मध्ये एमजी रामचंद्रन यांच्या मृत्यूनंतर जानकी रामचंद्रन आणि जयललिता यांच्यात एआयएडीएमकेबद्दल गोंधळ झाला. म्हणून, निवडणूक आयोगाने एमजीआर उत्तराधिकारी म्हणून दोघांनाच पक्षाच्या कार्यालयात उपस्थित राहण्यास अयोग्य ठरवले. परिणामस्वरूप दोघांना वेगळे-वेगळे निवडणूक चिन्ह देण्यात आले. जानकी रामचंद्रन यांना 'दोन कबूतर' आणि जयललिता ग्रुपला 'आरवत असलेला कोंबडा' हे निवडणूक चिन्ह देण्यात आले. तथापि, द्रमुकच्या उदयानंतर हा मुद्दा सोडला गेला आणि 1989 मध्ये जयललिता यांच्या एआयएडीएमके पक्षाला 'दोन पानांचे' निवडणूक चिन्ह देण्यात आले होते.
12. द्रविड मुन्नेत्र कळघम (डीएमके): उगवणारा सूर्य - मुकचे निवडणूक चिन्ह दोन पर्वतांमध्ये किरण पसरवणारा, उदय होत असलेला सूर्य आहे. या चिन्हाचा अर्थ अशा प्रकारे अर्थपूर्ण आहे की तामिळनाडू आणि पॉंडिचेरीचे लोक याने लवकर जोडले गेले. त्याच वेळी 'राइजिंग सन' नामक एक इंग्रजी दैनिक देखील तामिळनाडूमध्ये असायचे. हा चिन्ह थेट द्रविडच्या इतिहासाशी आणि त्यांच्या राजकारणी इतिहासाशी देखील संबंधित आहे, ज्यांचे राजकीय नेतृत्व पेरियार यांनी केले होते. दुसऱ्या अर्थात सूर्याची किरण म्हणजे द्रविडच्या आयुष्यातही याच प्रकारे प्रकाश पसरला.
13. राष्ट्रवादी तृणमूल काँग्रेस (एआयटीएमसी): दोन फुले - एआयटीएमसीचे निवडणूक चिन्ह 'दोन फुले' आहे. या चिन्हात राष्ट्रीय ध्वजाचे सर्व रंग आहे. पक्षाचा राजकीय नारा 'आई, माती आणि मनुष्य' आहे. तृणमूल काँग्रेसचे चिन्ह पुष्प आणि गवत मातृत्व किंवा आपल्या देशाच्या घटकाचे प्रतिनिधित्व करते. माती किंवा मातृत्व यात आईच्या संदर्भ आढळतो.
14. जनता दल (सेक्युलर): जेडी (एस) - जेडी (एस) चे निवडणूक चिन्ह 'आपल्या डोक्यावर धान्य घेतलेली एक शेतकरी महिला' आहे. पक्षाचा प्रचार हा एक वाक्यांश आहे, 'मूल्याने युनायटेड, विश्वासाद्वारे प्रेरित'. चिन्हात महिला दर्शविणे, महिला अधिकार आणि संधींविषयी गंभीरता दाखवते.
15. राष्ट्रीय जनता दल (आरजेडी): लालटेन - राजदचे निवडणूक चिन्ह 'लालटेन' आहे. लालटेन आत्मज्ञानाचा, साक्षरतेकडे प्रगतीचा, आणि प्रकाशाचा प्रतीक आहे. या निवडणूक चिन्हाला अंधकाराचे उन्मूलन आणि प्रकाश आणि प्रेमाचा प्रचार करण्यासाठी योग्य मानले जाते.
16. शिवसेना: धनुष्य-बाण - शिवसेनेचं निवडणूक चिन्ह धनुष्य-बाण आहे. सहसा हे पक्षाच्या केशर रंगाच्या ध्वजावर वापरला जातो. केशर रंग हिंदू धर्माचे प्रतीक आहे. त्याच वेळी, हा रंग पक्षाच्या मजबूत हिंदू राष्ट्रवादी भावनांकडेही संकेत करतो. त्यासह, धनुष्य-बाणाचे चिन्ह पक्षाचे वैभव देखील प्रतिबिंबित करतात. पक्षाच्या कार्यकर्त्यांना शिव सैनिक म्हणतात.
17. महाराष्ट्र नवनिर्माण सेना (मनसे): रेल्वे इंजिन - मनसेचा निवडणूक चिन्ह उजवीकडे जात असलेला 'रेल्वेचा स्टीम इंजिन' आहे. पक्ष त्यास वापर तीन रंगाच्या ध्वजावर करते, ज्यावर दोन पांढरे पट्टे देखील आहे. ध्वजाच्या शीर्षावर गडद चमकदार निळा रंग, मग पांढरी पट्टी मग केशरी रंगानंतर पुन्हा पांढरी पट्टी आणि शेवटी हिरवा रंग असतो.
18. आम आदमी पार्टी (आप): झाडू - आपचे निवडणूक चिन्ह 'झाडू' आहे. भ्रष्टाचार निर्मूलन करण्याच्या उद्देशाने हा पक्ष अस्तित्वात आला आणि त्यांचा असा विश्वास आहे की निवडणुक चिन्ह झाडू प्रमाणे देशातील सर्व प्रकारचे भ्रष्टाचार स्वच्छ करणे आवश्यक आहे.

POLITICAL RESEARCH & ANALYSIS BUREAU (PRAB) PUNE

पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

पुस्तक घर पोहोच मिळावा!

 मतदारसंघ निहाय सद्यस्थिती जाणून घ्या फक्त 1500/-रु.मध्ये

 CLICK HERE - 

https://imojo.in/1gdby2
================================================
महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook
================================================
फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/prabindiaEBook
================================================

शिवसेनेच्या तीन बंडखोर आमदारांचे राजीनामे मंजूर

तिघेही सेनेचे बंडखोर आमदार लोकसभेच्या रिंगणात

चंद्रपूर लोकसभा मतदारसंघातून काँग्रेसने सेनेचे वरोरा-भद्रावतीचे आमदार सुरेश ऊर्फ बाळू धानोरकर यांना, नांदेड लोकसभा मतदारसंघामधून भाजपने प्रतापराव चिखलीकर यांना उतरवले आहे, तर हर्षवर्धन जाधव औरंगाबादेतून अपक्ष उमेदवार आहेत. दरम्यान विधानसभा कामकाज प्रक्रियेतील नियम क्रमांक २९९ नुसार तिन्ही राजीनामे विधानसभा अध्यक्ष आ.हरिभाऊ बागडे यांनी मंजूर केले असून आता तिन्ही विधानसभांच्या जागा रिक्त आहेत. केंद्रीय निवडणूक आयोगाला यासंदर्भात अहवाल त्यांनी दिला आहे. केवळ सहा महिने शिल्लक राहिल्याने पोटनिवडणुकीची शक्यता नाही. कन्नडमधून शिवसेनेच्या उमेदवारीवर निवडून आलेले आमदार हर्षवर्धन जाधव यांनी मागील तीन वर्षांपासून खासदार चंद्रकांत खैरे यांच्याविरोधात बंडाचा झेंडा पुकारला आहे. एवढेच नव्हे तर राजकीय पक्षाची स्थापनाही केली. खासदार चंद्रकांत खैरे यांच्या विरोधात गुरुवारी (२८ मार्च) त्यांनी एक उमेदवारी अर्ज दाखल केला. तत्पूर्वी त्यांनी मंगळवारी (२६ मार्च) विधानसभा अध्यक्ष आ. हरिभाऊ बागडे यांच्याकडे विधानसभा सदस्यपदाचा राजीनामा दिला. राजीनामा दिला नसता तर सेनेचे आमदार असतानाही सेनेचे अधिकृत उमेदवार खासदार चंद्रकांत खैरे यांच्या विरोधात नामांकन दाखल केल्यामुळे त्यांच्यावर पक्षाने कारवाई केली असती. पक्षाकडून सहा वर्षांसाठी निलंबित होण्याऐवजी त्यांनी विधानसभा अध्यक्ष बागडे यांच्याकडे राजीनामा सुपूर्द केला होता. मराठा आरक्षणासाठी आत्मदहन करणाऱ्या काकासाहेब शिंदेंच्या प्रति सहानुभूती व्यक्त करत त्यांनी सहाव्यांदा राजीनामा दिला होता. मात्र आतापर्यंत एकदाही तो मंजूर झाला नव्हता. या वेळी विधानसभा अध्यक्ष आ.हरिभाऊ बागडे यांनी नुकतेच राजीनामा मंजूर केले आहेत.

वरोरा-भद्रावतीचे आमदार सुरेश ऊर्फ बाळू धानोरकर

चंद्रपूर लोकसभा मतदारसंघातून काँग्रेसने सेनेचे वरोरा-भद्रावतीचे आमदार सुरेश ऊर्फ बाळू धानोरकर यांना निवडणूक रिंगणात उतरवले आहे. वरोरा-भद्रावतीचे आमदार सुरेश ऊर्फ बाळू धानोरकर यांनी शिवसेनेचा राजीनामा दिला होता. भाजपा-शिवसेना युतीमुळे नाराज झाल्याने धानोरकरांनी शिवसेनेचा राजीनामा दिला होता. भाजपाकडून अपमानास्पद वागणूक मिळाल्याचा त्यांचा आरोप आहे. युती होताच धानोरकर यांनी भाजपा तथा केंद्रीय मंत्र्यांच्या विरोधात वक्तव्ये करण्यास सुरुवात केली होती. काँग्रेसला युवा उमेदवार हवा होता. अशातच विजय वडेट्टीवार हे विधान परिषद निवडणुकीपासून धानोरकर यांच्या संपर्कात होते. विशेष म्हणजे, विधान परिषदेच्या स्थानिक स्वराज्य संस्था मतदारसंघातील निवडणुकीत धानोरकर यांनी वडेट्टीवार यांच्या खांद्याला खांदा लावून काँग्रेस आघाडीचे उमेदवार इंद्रकुमार सराफ यांचा प्रचार केला होता. तेव्हापासूनच वडेट्टीवार-धानोरकर यांची मैत्री अधिक घट्ट झाली होती. त्याच मैत्रीतून वडेट्टीवार यांनी पक्षाच्या वरिष्ठ नेत्यांसोबत धानोरकर यांची भेट घालून दिली होती. चंद्रपूर लोकसभा मतदारसंघात विधानसभेचे सहा मतदारसंघ येतात. त्यातील वरोरा, चंद्रपूर, राजुरा, वणी व आर्णी हे पाच मतदारसंघ कुणबीबहुल आहेत. काँग्रेसलाही कुणबी समाजाचा युवा चेहरा हवा होता त्यामुळे त्यांना उमेदवारी देण्यात आलेली आहे.
SURESH URF BALUBHAU NARAYAN DHANORKAR 
WARORA (CHANDRAPUR)
Address: Laxmi nagar , abhiyankar ward warora , 
Teh. Warora Dist. Chandrapur 
75 Warora (Maharashtra) constituency
Email:balu_dhanorkar@rediffimail.com 

लोहा विधानसभेचे विद्यमान आमदार प्रताप पाटील चिखलीकर

भाजपकडून आमदार प्रताप पाटील चिखलीकर यांना अशोक चव्हाण यांच्याविरोधात नांदेडमधून उमेदवारी देण्यात आली आहे. शिवसेनेचे लोहा विधानसभेचे विद्यमान आमदार प्रताप पाटील चिखलीकर यांना उमेदवारी उमेदवारी जाहीर झाल्यानंतर त्यांनी शिवसेनेच्या आमदारकीचा राजीनामा दिला होता. प्रताप पाटील सेनेचे आमदार असताना दोन वर्षांपासून भाजपात दाखल झाले होते. नांदेड महापालिकेच्या निवडणुकीत चिखलीकरांनी पक्षाचा आदेश डावलून भाजपला मदत केली होती. तसंच मुंबईत झालेल्या भाजपच्या बैठकींमध्येही चिखलीकर कायम हजर राहत होते. मुख्यमंत्री फडणवीस यांनीही नांदेड पालिकेत कामगिरीनंतर चिखलीकरांचं जाहीर कौतुक केले होते.मूळ काँग्रेसी असलेले प्रताप पाटील चिखलीकर हे लोहा-कंधार विधानसभेचे शिवसेना आमदार होते. पण, ते मुख्यमंत्री देवेंद्र फडणवीस यांचे समर्थक म्हणून ओळखले जातात. माजी मुख्यमंत्री विलासराव देशमुख, शरद पवार आणि अजित पवार यांचे त्यांच्याशी जवळचे संबंध होते.
CHIKHALIKAR PRATAPRAO GOVINDRAO
LOHA (NANDED)
Address: Mukam post Chikhali, 
Taluka Kandhar Jilha pin code no. 431746 
88 Loha (Maharashtra) constituency
Email:pp.chikhalikar@gmail.com

कन्नडचे शिवसेनेचे आमदार हर्षवर्धन जाधव 

कन्नडमधून शिवसेनेच्या उमेदवारीवर निवडून आलेले आमदार हर्षवर्धन जाधव यांनी मागील तीन वर्षांपासून खासदार चंद्रकांत खैरे यांच्याविरोधात बंडाचा झेंडा पुकारला आहे. एवढेच नव्हे तर राजकीय पक्षाची स्थापनाही केली होती. सेनेचे आमदार असतानाही सेनेचे अधिकृत उमेदवार खासदार चंद्रकांत खैरे यांच्या विरोधात नामांकन दाखल केल्यामुळे त्यांच्यावर पक्षाने कारवाई केली असती. पक्षाकडून सहा वर्षांसाठी निलंबित होण्याऐवजी त्यांनी विधानसभा अध्यक्ष बागडे यांच्याकडे राजीनामा सुपूर्द केला होता. गेल्या काही वर्षाच्या काळात कन्नडचे शिवसेनेचे आमदार हर्षवर्धन जाधव यांनी ३ वेळा राजीनामे दिले होते. यापूर्वी त्यांना मारहाण झाल्यानंतर तत्कालीन विधानसभा अध्यक्ष दिलीप वळसे पाटील यांच्याकडे राजीनामा दिला होता, तर कन्नड मतदारसंघातील रस्त्यांची कामे होत नसल्यामुळे विधानसभा अध्यक्ष बागडे यांच्याकडे राजीनामा दिला होता. तिसऱ्यांदा त्यांनी मराठा आरक्षणावरून राजीनामा दिला होता. पहिले दोनदा राजीनामे फेटाळले होते आता मात्र मंजूर केला आहे. 
Jadhav Harshvardhan Raibhan 
KANNAD (AURANGABAD)
Address: At post Pishor 
Tq Kannad Dist Aurangabad 
105 Kannad (Maharashtra) constituency
Email:harshawardhanjadhav111@gmail.com

POLITICAL RESEARCH & ANALYSIS BUREAU (PRAB) PUNE

पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

पुस्तक घर पोहोच मिळावा!

 मतदारसंघ निहाय सद्यस्थिती जाणून घ्या फक्त 1500/-रु.मध्ये

 CLICK HERE - 

https://imojo.in/1gdby2
================================================
महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook
================================================
फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/prabindiaEBook
================================================

cVIGIL ‘सी-व्हिजिल’ अॅपवर पुणे जिल्‍ह्यात 444 तक्रारी

‘सी-व्हिजिल’ वर जागृत मतदारांचा उस्फुर्त प्रतिसाद 

जगातील सर्वात मोठ्या लोकशाही देशात सध्या निवडणुकीच्या निमित्ताने मोठा उत्सव सुरू झाला आहे. या उत्सवाला कोणतेही गालबोट लागू नये, आदर्श आचार संहितेचे काटेकोरपणे पालन व्हावे आणि निवडणुका शांततेत आणि मुक्त वातारणात पार पाडण्यासाठी  भारत निवडणूक आयोगाने सिटीजन व्हिजिलन्स अंतर्गत ‘सी-व्हिजिल’ हे नवे मोबाईल अॅप विकसित केले आहे. पुणे जिल्‍ह्यातून या अॅपवर आतापर्यंत 444 तक्रारी प्राप्‍त झाल्‍या असून त्‍यावर योग्‍य ती कार्यवाही केली जात आहे. हे सी-व्हिजिल’ अॅप उत्तमरित्या काम करत असून त्यामध्ये कोणत्याही त्रुटी नाहीत, असे स्‍पष्‍ट करण्‍यात आले आहे. निवडणूक आयोगाकडून प्रथमच हे नावीन्‍यपूर्ण अॅप देशातील नागरिकांना उपलबध करुन देण्‍यात आले आहे. या ‘सी-व्हिजील’ अॅपमध्ये कोणत्याही त्रुटी नाहीत. या अॅपचा वापर करणाऱ्या नागरिकांकडील मोबाईल हॅण्डसेटचा प्रकार, मोबाईल इंटरनेट सेवेची गती (इंटरनेट स्पीड- उदा. 3जी, 4जी), मोबाईल नेटवर्क पुरवठादार कंपनी, स्थाननिहाय नेटवर्क कव्हरेज आदी घटकांवर इंटरनेट स्पीड अवलंबून असतो. या घटकांमुळे तेथील परिस्थितीनुसार अॅपवर छायाचित्र,चित्रीकरण अपलोड करण्यासाठी लागणाऱ्या वेळेत फरक असू शकतो. यामध्ये अॅपचा कोणताही तांत्रिक दोष नाही. याउलट ‘सी-व्हिजील’ अॅपला नागरिकांचा उत्तम प्रतिसाद मिळत असल्‍याचे दिसून येत आहे, ही आनंदाची बाब आहे. या तक्रारीवर अवघ्या 100 मिनिटात कार्यवाही होत असल्‍याने हे अॅप नागरिकांसाठी प्रभावी अस्त्र तर निवडणूक आयोगाचा तिसरा डोळा ठरत आहे.  कोणताही नागरिक निवडणुकी दरम्यान होणाऱ्या आदर्श आचार संहिता उल्लंघन करणाऱ्या अनुचित प्रकारांची तक्रार या अॅपच्या माध्यमातून थेट ऑनलाईन करू शकतो.‘सी-व्हिजिल’ हे अॅप निवडणुकांदरम्यान आदर्श आचारसंहिता आणि खर्चाच्या उल्लंघनाची तक्रार करणाऱ्या नागरिकांसाठी एक नावीन्‍यपूर्ण अस्त्र असून या माध्यमातून नागरिकांनी स्वतंत्र व नि:पक्षपाती  निवडणुकांच्या संचालनासाठी सक्रिय आणि जबाबदार भूमिका बजवावी, असे आवाहन करण्‍यात आले आहे. 

POLITICAL RESEARCH & ANALYSIS BUREAU (PRAB) PUNE

पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

पुस्तक घर पोहोच मिळावा!

 मतदारसंघ निहाय सद्यस्थिती जाणून घ्या फक्त 1500/-रु.मध्ये

 CLICK HERE - 

https://imojo.in/1gdby2
================================================
महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook
================================================
फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/prabindiaEBook
================================================

#Loksabha Election 17 मतदारसंघात 295 उमेदवार निवडणूक रिंगणात

पहिल्या व दुसऱ्या टप्प्यातील 17 मतदारसंघात 295 उमेदवार निवडणूक रिंगणात

लोकसभा निवडणूक 2019 अंतर्गत राज्यातील पहिल्या व दुसऱ्या टप्प्याअंतर्गत सतरा मतदारसंघात नामनिर्देशनपत्रे वैध ठरलेल्या 425 पैकी 130 उमेदवारांनी आपली नामनिर्देशनपत्रे मागे घेतली असून 17 जागांसाठी 295 उमेदवार निवडणूक रिंगणात आहेत. सर्वाधिक 36 उमेदवार बीड लोकसभा मतदारसंघात निवडणूक रिंगणात असून सर्वाधिक कमी 5 उमेदवार असलेला मतदारसंघ गडचिरोली-चिमूर ठरला आहे. पहिल्या व दुसऱ्या टप्प्यातील 17 मतदारसंघात 295 उमेदवार निवडणूक रिंगणात असून यामधील मतदारसंघनिहाय निवडणूक रिंगणातील उमेदवारांची संख्या पुढीलप्रमाणे : बुलढाणा लोकसभा मतदारसंघात 12, अकोला 11, अमरावती 24, हिंगोली 28, नांदेड 14, परभणी 17, बीड 36, उस्मानाबाद 14, लातूर 10 आणि सोलापूर मतदारसंघातून 13 उमेदवार निवडणूक लढवित आहेत. तर वर्धा लोकसभा मतदार संघ - 14, रामटेक मतदारसंघ - 16, नागपूर मतदारसंघ - 30, भंडारा-गोंदिया मतदारसंघ - 14, गडचिरोली-चिमूर मतदारसंघ - 5, चंद्रपूर मतदारसंघ - 13 आणि यवतमाळ-वाशिम मतदारसंघात 24 उमेदवार निवडणूक रिंगणात आहेत. सर्वाधिक ३६ उमेदवार बीड लोकसभा मतदारसंघात रिंगणात आहेत. उमेदवारी अर्ज मागे घेण्याच्या शेवटच्या दिवशी १७ जणांनी माघार घेतली.३६ उमेदवारांमध्ये राष्ट्रीय पक्षाचे २, नोंदणीकृत पक्षाचे ८ आणि २६ अपक्षांचा समावेश आहे.या ३६ उमेदवारांमध्ये राष्ट्रीय पक्ष भाजपाच्या विद्यमान खासदार डॉ. प्रीतम गोपीनाथराव मुंडे, राष्ट्रवादी काँग्रेस पक्षाचे बजरंग सोनवणे, वंचित बहुजन आघाडीचे प्रा. विष्णू जाधव, समाजवादी पार्टीचे  सय्यद मुजम्मील सय्यद जमील, आंबेडकराईट पार्टी आॅफ इंडियाचे चंद्रप्रकाश शिंदे, हम भारतीय पार्टीचे अशोक थोरात, बहुजन रिपब्लिक सोशॅलिस्ट पार्टीचे सादेक मुनीरोद्दीन शेख, भारतीय प्रजा सुराज्य पक्षाचे कल्याण गुरव, दलित शोषित पिछडा वर्ग अधिकार दलचे रमेश गव्हाणे आणि महाराष्ट्र क्रांतिसेनेचे गणेश करांडे यांचा समावेश आहे.२६ अपक्ष उमेदवारांमध्ये कालीदास आपेट, यशश्री प्रमोद पाटील, अ‍ॅड. शरद कांबळे, नीलेश जगताप, साजन रईस चौधरी, मुजीब नईमोद्दीन इनामदार, शेख यासेद शेख तय्यब, सय्यद मिनहाज जुबेर मुन्शी कुरेशी, पठाण सरफराज खान मेहताब खान, चव्हाण संपत, अन्वर खान मिर्झा खान, पंडित दामोदर खांडे, खान मजहर हबीब, शेख सादेक शेख इब्राहीम, बजरंग दिगंबर सोनवणे, गालेब खान जब्बार खान पठाण, पठाण मुसाखान युनूस खान, तुकाराम व्यंकटी चाटे, जमीर बशीर शेख, निसार अहमद, राजेशकुमार अण्णासाहेब भडगळे, कोळेकर गणेश भाऊसाहेब, शिवाजी नारायणराव कवठेकर, विजय रंगनाथ साळवे, वीर शेषेराव चोखोबा यांचा समावेश आहे. या मतदारसंघात ५८ उमेदवारांनी ७९ नामनिर्देशनपत्रे दाखल केली होती छाननीनंतर ५३ उमेदवार रिंगणात उरले होते. दरम्यान लातूर लोकसभेच्या आजवर झालेल्या ११ सार्वत्रिक निवडणुकांपैकी सर्वाधिक २० अपक्ष १९९६ च्या निवडणुकीत लढले़ मतदारांनी अपक्षांना फारसे पाठबळ दिले नाही. २०१४ मध्ये झालेल्या निवडणुकीत १३ जणांनी नशीब आजमावले होते़ त्यांना केवळ ३़१४ टक्के मिळाली़ मागील निवडणुकीचा अंदाज लक्षात घेता यंदाच्या निवडणुकीत अपक्षांनी फारसा रस दाखविला नाही़ ४७ जणांनी १४३ अर्ज घेतले होते़ यातून केवळ १५ जणांनीच उमेदवारी दाखल केली होती़  तिघांचे अर्ज बाद झाले तर दोघांनी माघार घेतली आहे़. लोकसभा निवडणुकीत १९९६ पर्यंतच अपक्षांची भाऊगर्दी जास्त होती़ परंतु या मतदारसंघातून मतदारांचे पाठबळ मिळाले नाही़ नऊ निवडणुकीत अपक्षांची दैना उडाली आहे़ आतापर्यंत झालेल्या निवडणुकांमध्ये ७७ अपक्षांनी नशीब आजमावले आहे़ आजवरच्या इतिहासात अ‍ॅड़ मनोहरराव गोमारे व एम़एस़ सोनवणे या दोन अपक्षांनीच मतदारसंघात समाधानकारक मते घेत लक्षणीय कामगिरी केली आहे़ त्यांनाही पराभवाचा सामना करावा लागला आहे़ १९७७ मध्ये झालेल्या पहिल्या निवडणुकीत केवळ एकच अपक्ष रिंगणात होता़ त्यांना केवळ २ हजार ४९७ मते मिळाली़ १९८० च्या निवडणुकीत सातपैकी चार अपक्ष होते़ यावेळी मात्र अपक्षांच्या मताचा टक्का वाढला असून एकूण मतदानाच्या १९़१२ टक्के (८१, ३३९) मते मिळाली़ यात अपक्ष उमेदवार एम़एस़ सोनवणे यांना ६४ हजार ८१ मते मिळाल्याने अपक्षांचा टक्का वाढला होता.१९८४ च्या निवडणुकीत ९ पैकी ७ उमेदवार अपक्ष होते़ परंतु यात एकालाही ठसा उमटविता आला नाही़ सर्वांना मिळून ३७ हजार ६२० मते पडली होती़ १९८९ ला आठपैकी पाच उमेदवार अपक्ष होते़ यावेळी अपक्षांच्या मताची टक्केवारी चांगलीच घसरली़ केवळ १२ हजार ८४३ मतदारांनीच अपक्षांना पाठबळ दिले़ १९९८ च्या निवडणुकीत ४ अपक्षांनी नशीब आजमावले़ त्यांना फक्त ९ हजार ८०८ मते मिळाली़ ९९ साली झालेल्या निवडणुकीत तीन अपक्षांनी निवडणूक लढविली़ त्यांना ९ हजार १५७ मते मिळाली होती़ २००४ च्या लोकसभा निवडणुकीत ४ अपक्ष होते़ त्यांना २० हजार ७१२ मते मिळाली़ २००९ च्या निवडणुकीतील ५ उमेदवार, २०१४ च्या निवडणुकीत १३ जणांनी निवडणूक लढविली. 

हिंगोलीत 'सुभाष वानखेडे' एकाच नावाचे सहा उमेदवार निवडणुकीच्या रिंगणात!

काँग्रेसचे अधिकृत उमेदवार ‘सुभाष बापूराव वानखेडे’ हे आहेत. मात्र, त्यांच्या व्यतिरिक्त 5 ‘सुभाष वानखेडे’ रिगणात आहेत. इतर नामसाधर्म्या ‘सुभाष वानखेडे’ नावाचे उमेदवार- सुभाष वानखेडे (औंढा नागनाथ तालुक्यातील पूर गावाचे अल्पभूधारक शेतकरी), सुभाष विठ्ठलराव वानखेडे (पूर सेनगाव तालुक्यातील सवना गावचे शेतकरी), सुभाष मारोती वानखेडे (उमरखेडतालुक्यातील खरुस गावचे रहिवाशी), सुभाष परसराम वानखेडे (औंढा नागनाथ तालुक्यातील पूर गावचे रहिवाशी), सुभाष वानखेडे (उमरखेड तालुक्यातील सुकळी गावचे रहिवाशी) असे आहेत.मतांचे धुर्वीकरण व्हावे म्हणून विरोधक एकाच नावाचे अनेक उमेदवार उभे करत असतात. यापैकी काही उमेदवार सुभाष बापूराव वानखेडे यांच्या विरोधकांनी उभे केल्याची शक्यता नाकारता येत नाही. असे अनेक प्रकार घडत असल्याने या निवडणुकीपासून मतदारांची फसवणूक होऊ नये म्हणून निवडणूक विभागाने मतदान यंत्रावर उमेदवारांच्या निशाणी बरोबर त्यांचा फोटो चिकटवण्याचा निर्णय घेतला आहे. मागच्या वेळी नावात साधर्म्य असलेल्या इतर दोन सुभाष वानखेडेंनी तब्बल 12 हजार 544 मते घेतली होती आणि सुभाष बापूराव वानखेडेचा केवळ 1632 मतांनी पराभव झाला होता. नामसाधर्म्याचा फटका किती बसू शकतो, हे गेल्या निवडणुकीत रायगड लोकसभा मतदारसंघात पाहायला मिळाले होते. राष्ट्रवादीचे नेते सुनील तटकरे यांच्याच नावाच्या आणखी एका व्यक्तीने उमेदवारी अर्ज दाखल केल्याने रायगडमध्ये सुनील तटकरेंना जोरदार फटका बसला होता. तसाच प्रकार हिंगोलीत समोर आला आहे. हिंगोलीत काँग्रेसचे अधिकृत उमेदवार सुभाष वानखेडे यांच्या नावाशी साधर्म्य साधणारे तब्बल सहा उमेदवार रिंगणात उतरले आहेत. त्यामुळे सुभाष वानखेडे यांना या नामसाधर्म्याचा फटका बसण्याची शक्यता आहे. हिंगोली लोकसभा मतदार संघात शिवसेनेचे माजी खासदार सुभाष बापूराव वानखेडे यांना आघाडीने लोकसभेची उमेदवारी दिली आहे. 2014 च्या निवडणुकीत शिवसेनेच्या सुभाष वानखेडे व्यतिरिक्त अन्य दोन सुभाष वानखेडेंना विरोधकांनी लोकसभेच्या रिंगणात उतरविल्याने शिवसेनेचे उमेदवार सुभाष वानखेडे यांना 1632 मतांनी पराभूत व्हावं लागलं होत. कारण या दोन सुभाष वानखेडेंनी तब्बल 12 हजार 544 मतदान खाल्लं होत आणि यामुळेच शिवसेनेचे उमेदवार सुभाष बापूराव वानखेडे 1632 मतांनी पराभूत झाले होते. पण 2019 च्या निवडणुकीत आघाडीच्या मतांच धुर्वीकरण व्हावं म्हणून सुभाष वानखेडे नावाचे इतर पाच सुभाष वानखेडे नावच्या उमेदवारांना लोकसभेच्या आखाड्यात उतरविण्यात आले आहे.

दुसऱ्या टप्प्यातील १० मतदारसंघात १७९ उमेदवार निवडणूक रिंगणात

लोकसभा निवडणूक 2019 अंतर्गत राज्यातील दुसऱ्या टप्प्याअंतर्गत दहा मतदारसंघात नामनिर्देशनपत्रे वैध ठरलेल्या 278 पैकी 99 उमेदवारांनी आपली नामनिर्देशनपत्रे मागे घेतली असून, 179 उमेदवार निवडणूक रिंगणात आहेत, अशी माहिती मुख्य निवडणूक अधिकारी कार्यालयाने दिली आहे. दुसऱ्या टप्प्यातील नामनिर्देशनपत्रांच्या छाननीअंती 278 उमेदवारांची नामनिर्देशनपत्रे वैध ठरली होती. या टप्प्यासाठी नामनिर्देशनपत्रे मागे घेण्याची अंतिम मुदत आज दुपारी 3 वाजेपर्यंत होती. या मुदतीत 278 पैकी 99 उमेदवारांनी माघार घेतली. मतदारसंघनिहाय निवडणूक रिंगणातील उमेदवारांची संख्या पुढीलप्रमाणे : बुलढाणा लोकसभा मतदारसंघात 12, अकोला 11, अमरावती 24, हिंगोली 28, नांदेड 14, परभणी 17, बीड 36, उस्मानाबाद 14, लातूर 10 आणि सोलापूर  मतदारसंघातून 13 उमेदवार निवडणूक लढवित आहेत.

पहिल्या टप्प्यातील ७ मतदारसंघात ११६ उमेदवार निवडणूक रिंगणात

लोकसभा निवडणूक 2019 अंतर्गत राज्यातील पहिल्या टप्प्याअंतर्गत सात मतदारसंघात नामनिर्देशनपत्रे वैध ठरलेल्या 147 पैकी 31 उमेदवारांनी आपली नामनिर्देशनपत्रे मागे घेतली असून, 116 उमेदवार निवडणूक रिंगणात आहेत, अशी माहिती मुख्य निवडणूक अधिकारी कार्यालयाकडून देण्यात आली. पहिल्या टप्प्यातील नामनिर्देशन पत्रांच्या छाननीअंती 147 उमेदवारांची नामनिर्देशनपत्रे वैध ठरली होती. या टप्प्यासाठी नामनिर्देशन पत्रे मागे घेण्याची अंतिम मुदत आज दुपारी 3 वाजेपर्यंत होती. या मुदतीत 147 पैकी 31 उमेदवारांनी माघार घेतली. मतदारसंघनिहाय निवडणूक रिंगणातील उमेदवारांची संख्या पुढीलप्रमाणे : वर्धा लोकसभा मतदार संघ - 14, रामटेक मतदारसंघ - 16, नागपूर मतदारसंघ - 30, भंडारा-गोंदिया मतदारसंघ - 14, गडचिरोली-चिमूर मतदारसंघ - 5, चंद्रपूर मतदारसंघ - 13 आणि यवतमाळ-वाशिम मतदारसंघात 24 उमेदवार निवडणूक लढवित आहेत.

तिसऱ्या टप्प्याअंतर्गत आजपर्यंत 11 उमेदवारांची नामनिर्देशनपत्रे दाखल

लोकसभा निवडणुकीच्या तिसऱ्या टप्प्यातील 14 मतदारसंघात कालपासून नामनिर्देशनपत्रे स्वीकारण्यात येत आहेत. आज सहा मतदारसंघात 11 तर आजपर्यंत 9 मतदार संघात 20 उमेदवारांनी नामनिर्देशनपत्रे दाखल केली आहेत. मतदारसंघनिहाय आज दाखल आणि कंसात आजपर्यंत नामनिर्देशन पत्र दाखल केलेल्या उमेदवारांची संख्या पुढीलप्रमाणे. जळगाव मतदार संघात आज 1 (आजपर्यंत 2 उमेदवार), औरंगाबाद 3 (4), रायगड 2 (4), सातारा 1 (1), कोल्हापूर 2 (2) आणि हातकणंगले मतदारसंघात आज 2 उमेदवारांनी तर आजपर्यंत 4 उमेदवारांनी नामनिर्देशनपत्रे दाखल केली आहेत. तीन मतदारसंघात आज एकही नामनिर्देशनपत्र दाखल झाले नाही मात्र आजपर्यंत 3 उमेदवारांनी नामनिर्देशन पत्र दाखल केले आहे. त्यामध्ये रावेर, जालना आणि सांगली मतदारसंघात प्रत्येकी एका उमेदवाराने नामनिर्देशनपत्र दाखल केले आहे. पुणे, बारामती, अहमदनगर, माढा, रत्नागिरी-सिंधुदुर्ग या मतदारसंघात आतापर्यंत एकही नामनिर्देशनपत्र दाखल झाले नाही.

मतदानाची वेळ संपण्याच्या ४८ तास आधी, मतमोजणीच्या दिवशी मद्यविक्रीस मनाई

लोकसभा निवडणुकीच्या मतदान आणि मतमोजणीच्या दिवशी मतदानाची वेळ संपण्याच्या 48 तास आधीपासून तसेच मतमोजणीच्या दिवशी मद्यविक्री करण्यास लोकप्रतिनिधित्व अधिनियम, 1951 च्या कलम 135(सी) नुसार मनाई करण्यात आली आहे. हे दिवस 'कोरडा दिवस' म्हणून संबंधित जिल्हाधिकारी तथा जिल्हा निवडणूक अधिकारी यांनी जाहीर करावे, असे निर्देश मुख्य निवडणूक अधिकारी यांच्यामार्फत देण्यात आले आहेत. निवडणुका खुल्या, मुक्त आणि निर्भय वातावरणात पार पाडण्यासाठी निवडणूक कालावधीत मद्यविक्री करण्यास मनाई करण्यात येते. तसेच मतदानापूर्वीचे 48 तास आणि मतमोजणीच्या दिवसाचे 24 तास मद्यविक्री करण्यात येणारी दुकाने बंद ठेवण्याचे निर्देश देण्यात आले आहेत. विदेशी मद्य, देशी दारू, ताडी दुकाने यांना हा आदेश लागू असून त्याचे उल्लंघन करणाऱ्यांची अनुज्ञप्ती रद्द करण्यात येईल. आणि त्यांच्यावर फौजदारी कारवाई करण्यात येईल. तीन दिवस कोरडा दिवस म्हणून जाहीर करण्याबाबत लोकप्रतिनिधी अधिनियम, 1951 च्या कलम 135(सी) अन्वये तरतूद करण्यात आली आहे. राज्यात लोकसभा निवडणुकीसाठी 48 मतदारसंघामध्ये एकूण 4 टप्प्यात मतदान प्रक्रिया होणार आहे. दिनांक 11 एप्रिल 2019 रोजी 7 मतदारसंघांसाठी, दिनांक 18 एप्रिल 2019 रोजी 10 मतदारसंघांसाठी, दिनांक 23 एप्रिल 2019 रोजी 14 मतदारसंघांसाठी आणि 29 एप्रिल 2019 रोजी 17 मतदारसंघांसाठी मतदान होणार आहे. मतमोजणी 23 मे 2019 रोजी होणार आहे.

मतदान सामग्री सीलबंद करण्यासाठी लाखेच्या सहा लाख कांड्‌या, चार लाख मेणबत्या

लोकसभा निवडणुकीच्या मतदानानंतर विविध उमेदवारांचे भवितव्य इलेक्ट्रॉनिक मतदान यंत्रात सील होईल. इलेक्ट्रॉनिक मतदान यंत्रे, त्याचे कंट्रोल युनिट आणि यंदा वापरण्यात येणारे व्हीव्हीपॅट यंत्रासह इतर सामग्री सीलबंद ठेवण्याची ‘लाख’ मोलाची कामगिरी बजावायला ‘लाखे’चा वापर केला जाणार आहे. त्यासाठी प्रत्येक मतदान केंद्रासाठी 6 नग या प्रमाणे लाखेचे 6 लाख 81 हजार नग कांडी लागणार आहेत. एकाच वेळी एवढ्या मोठ्या प्रमाणात लाख वापरण्याची निवडणूक काळातील ही पहिलीच वेळ असावी.जप्ती असो अथवा कागदपत्रे, पुरावे सीलबंद करायचे असो शासकीय कारवाईत ‘लाखे’ची लालभडक मोहोर महत्त्वाची ठरते. सार्वत्रिक निवडणुकांमध्ये मतदानानंतर मतदान यंत्रे व त्याच्याशी निगडित साहित्य मतमोजणीपर्यंत सुरक्षित ठेवण्यासाठी ती सीलबंद केली जातात. त्यासाठी मोलाची कामगिरी लाखेकडून बजावण्यात येते. इलेक्ट्रॉनिक मतदान यंत्राबरोबरच त्याचे कंट्रोल युनिट, व्हीव्हीपॅट यंत्र, मतदारांची नावे व स्वाक्षरी असलेली यादी आदी साहित्य मतदानाची वेळ संपल्यानंतर सीलबंद केली जाते. मतमोजणीच्या दिवशी हे सील काढले जाते.यापूर्वी कागदी मतपत्रिकेद्वारे मतदान होत असल्यामुळे मतपेटी व इतर साहित्य सीलबंद केली जात. मात्र, इलेक्ट्रॉनिक मतदान यंत्रे आल्यानंतर या यंत्राबरोबरच त्याचे कंट्रोल युनिट, व्हीव्हीपॅट यंत्र यांनाही सील केले जाते. मतदान यंत्रे व इतर अनुषंगिक साहित्य सीलबंद करण्याची कामगिरी ही मतदान प्रक्रियेतील ही सर्वात मोठी जबाबदारी असते.  हे सर्व साहित्य ठेवण्यासाठी आऊटर पेपर, ग्रीन पेपर व व्हीव्हीपॅटसाठी पिंक पेपरचा वापर केला जातो. त्यावर लाख लावून सीलबंद केले जाते. यासाठी यंदा प्रत्येक मतदान केंद्रासाठी 6 नग या प्रमाणे राज्यासाठी 6 लाख 81 हजार 800 नग लाख  मागविण्यात आले आहेत. भारतीय सुरक्षा मुद्रणालयाकडून ही लाख केंद्रीय निवडणूक आयोगामार्फत राज्याकडे पाठविण्यात येते.ही लाख वितळवून मतदान यंत्रे सीलबंद केली जातात. ती वितळविण्यासाठीची मेणबत्ती निवडणूक आयोगाकडून पुरविली जाते. एवढ्या मोठ्या प्रमाणात लाख वितळविण्यासाठी सुमारे 4 लाख 55 हजार मेणबत्त्यांची मागणी राज्याकडून केंद्रीय निवडणूक आयोगाकडे करण्यात आली आहे. याबरोबर कागदे, पेन्सिल, खोडरबर, शाई आदी साहित्य मोठ्या प्रमाणात मागविण्यात आले आहेत.पुढील लोकप्रतिनिधी कोण होणार याचे भवितव्य या मतदान यंत्रात सुरक्षितपणे ठेवण्यासाठी संपूर्ण निवडणूक प्रक्रियेत या ‘लाखे’ला मोठे मोल आहे.

मतदारसंघ	भाजप/शिवसेना	काँग्रेस/ राष्ट्रवादी	वंचित बहुजन आघाडी
नंदुरबार	हिना गावित (भाजप)	के. सी. पाडवी (काँग्रेस)	दाजमल गजमल मोरे (VBA)
धुळे	सुभाष भामरे (भाजप)	कुणाल पाटील (काँग्रेस)
जळगाव	स्मिता वाघ (भाजप)	गुलाबराव देवकर (राष्ट्रवादी)	अंजली रत्नाकर बाविस्कर (VBA)
रावेर	रक्षा खडसे (भाजप)	डॉ उल्हास पाटील  (काँग्रेस)	नितीन कांडेलकर (VBA)
बुलडाणा	प्रतापराव जाधव (शिवसेना)	राजेंद्र शिंगणे (राष्ट्रवादी)	बळीराम सिरस्कार (VBA)
अकोला	संजय धोत्रे (भाजप)	हिदायत पटेल (काँग्रेस)
अमरावती	आनंदराव अडसूळ (शिवसेना)	नवनीत कौर राणा	गुणवंत देवपारे (VBA)
वर्धा	रामदास तडस (भाजप)	चारुलता टोकस (काँग्रेस)	धनराज वंजारी (VBA)
रामटेक	कृपाल तुमाणे (शिवसेना)	किशोर उत्तमराव गजभिये (काँग्रेस)	किरण रोडगे-पाटनकर (VBA)
नागपूर	नितीन गडकरी (भाजप)	नाना पटोले (काँग्रेस)
भंडारा-गोंदिया	सुनील मेंढे (भाजप)	नाना पंचबुद्धे (राष्ट्रवादी)	एन. के. नान्हे (VBA)
गडचिरोली-चिमूर	अशोक नेते (भाजप)	नामदेव उसेंडी (काँग्रेस)	डॉ. रमेश गजबे (VBA)
चंद्रपूर	हंसराज अहीर (भाजप)	सुरेश धानोरकर उर्फ बाळू धानोरकर (काँग्रेस)	अ‍ॅड. राजेंद्र महाडोळे (VBA)
यवतमाळ - वाशिम	भावना गवळी (शिवसेना)	माणिकराव ठाकरे (काँग्रेस)	प्रो. प्रवीण पवार (VBA)
हिंगोली	हेमंत पाटील (शिवसेना)	सुभाष वानखेडे (काँग्रेस)	मोहन राठोड (VBA)
नांदेड	प्रताप पाटील चिखलीकर (भाजप)	अशोक चव्हाण (काँग्रेस)	प्रा. यशपाल भिंगे (VBA)
परभणी	संजय जाधव (शिवसेना)	राजेश विटेकर (राष्ट्रवादी)	आलमगीर खान अखिल मोहम्मद खान (VBA)
जालना	रावसाहेब दानवे (भाजप)	विलास औताडे (काँग्रेस)	डॉ. शरदचंद्र वानखेडे (VBA)
औरंगाबाद	चंद्रकांत खैरे (शिवसेना)	सुभाष झांबड (काँग्रेस)	इम्तियाज जलील (VBA)
दिंडोरी	डॉ. भारती पवार (भाजप)	धनराज महाले (राष्ट्रवादी)	बापू केळू बर्डे (VBA)
नाशिक	हेमंत गोडसे (शिवसेना)	समीर भुजबळ (राष्ट्रवादी)	पवन पवार (VBA)
पालघर			सुरेश अर्जुन पाडवी (VBA)
भिवंडी	कपिल पाटील (भाजप)	सुरेश टावरे (काँग्रेस)	डॉ. ए. डी. सावंत (VBA)
कल्याण	श्रीकांत शिंदे (शिवसेना)	बाबाजी पाटील (राष्ट्रवादी)
ठाणे	राजन विचारे (शिवसेना)	आनंद परांजपे (राष्ट्रवादी)	मल्लिकार्जुन पुजारी (VBA)
मुंबई-उत्तर	गोपाळ शेट्टी (भाजप)	उर्मिला मातोंडकर (काँग्रेस)
मुंबई - उत्तर पश्चिम	गजानन कीर्तिकर (शिवसेना)	संजय निरुपम (काँग्रेस)
मुंबई ईशान्य (उत्तर पूर्व)		संजय दीना पाटील  (राष्ट्रवादी)	संभाजी शिवाजी काशीद (VBA)
मुंबई उत्तर मध्य	पूनम महाजन (भाजप)	प्रिया दत्त (काँग्रेस)
मुंबई दक्षिण मध्य	राहुल शेवाळे (शिवसेना)	एकनाथ गायकवाड (काँग्रेस)	डॉ. संजय भोसले (VBA)
दक्षिण मुंबई	अरविंद सावंत (शिवसेना)	मिलिंद देवरा (काँग्रेस)	डॉ. अनिल कुमार (VBA)
रायगड	अनंत गीते (शिवसेना)	सुनिल तटकरे (राष्ट्रवादी)	सुमन कोळी (VBA)
मावळ	श्रीरंग बारणे (शिवसेना)	पार्थ पवार (राष्ट्रवादी)	राजाराम पाटील (VBA)
पुणे	गिरीश बापट (भाजप)		अनिल जाधव (VBA)
बारामती	कांचन कुल (भाजप)	सुप्रिया सुळे (राष्ट्रवादी)	नवनाथ पडळकर (VBA)
शिरुर	शिवाजीराव आढळराव-पाटील (शिवसेना)	अमोल कोल्हे (राष्ट्रवादी)
अहमदनगर	सुजय विखे (भाजप)	संग्राम जगताप (राष्ट्रवादी)	सुधाकर आव्हाड (VBA)
शिर्डी	सदाशिव लोखंडे (शिवसेना)	भाऊसाहेब कांबळे (काँग्रेस)	डॉ. अरुण साबळे (VBA)
बीड	डॉ. प्रीतम मुंडे (भाजप)	बजरंग सोनवणे (राष्ट्रवादी)	प्रा. विष्णू जाधव (VBA)
उस्मानाबाद	ओमराजे निंबाळकर (शिवसेना)	राणा जगजितसिंह पाटील (राष्ट्रवादी)	अर्जुन सलगर (VBA)
लातूर	सुधाकरराव श्रंगारे (भाजप)	मच्छिलिंद्र कामत (काँग्रेस)	राम गारकर (VBA)
सोलापूर	जयसिद्धेश्वर स्वामी (भाजप)	सुशिलकुमार शिंदे (काँग्रेस)	प्रकाश आंबेडकर (VBA)
माढा	रणजितसिंह नाईक निंबाळकर (भाजप)	संजय शिंदे (राष्ट्रवादी)	अ‍ॅड. विजय मोरे (VBA)
सांगली	संजयकाका पाटील (भाजप)	विशाल पाटील (आघाडी-स्वभिमानी)	जयसिंग शेंडगे (VBA)
सातारा	नरेंद्र पाटील (शिवसेना)	उदयनराजे भोसले (राष्ट्रवादी)	सहदेव एवळे (VBA)
रत्नागिरी-सिंधुदुर्ग	विनायक राऊत (शिवसेना)	नवीनचंद्र बांदिवडेकर (काँग्रेस)	मारुती रामचंद्र जोशी (VBA)
कोल्हापूर	संजय मंडलिक (शिवसेना)	धनंजय महाडिक (राष्ट्रवादी)	डॉ. अरुणा माळी (VBA)
हातकणंगले	धैर्यशील माने (शिवसेना)	राजू शेट्टी (स्वाभिमानी)	अस्लम बादशाहजी सय्यद (VBA)

POLITICAL RESEARCH & ANALYSIS BUREAU (PRAB) PUNE

पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

पुस्तक घर पोहोच मिळावा!

 मतदारसंघ निहाय सद्यस्थिती जाणून घ्या फक्त 1500/-रु.मध्ये

 CLICK HERE - 

https://imojo.in/1gdby2
================================================
महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook
================================================
फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/prabindiaEBook
================================================