काटोल पोटनिवडणुकीला अंतरिम स्थगिती

काटोल पोटनिवडणुकीला अंतरिम स्थगिती

नागपूरमधील काटोल विधानसभा मतदारसंघातील पोटनिवडणुकीच्या प्रक्रियेला हायकोर्टाने अंतरिम स्थगिती दिली आहे. अडीच ते तीन महिन्यांसाठी निवडणूक घेऊन प्रशासन आणि उमेदवारांचे पैसे वाया जाऊ नयेत, यासाठी नागपूर खंडपीठात याचिका दाखल करण्यात आली होती, त्यावर आज हा निकाल देण्यात आला. भाजपा आमदार आशिष देशमुख यांनी आमदारकीचा राजीनामा देऊन काँग्रेसमध्ये प्रवेश केला होता, त्यामुळे काटोलची जागा रिक्त झाली होती. काटोल विधानसभेची पोटनिवडणूक पूर्व विदर्भच्या लोकसभा निवडणुकीसह म्हणजेच ११ एप्रिललाच घेण्यात येणार होती. पण महाराष्ट्र विधानसभेच्या निवडणुकीची आचारसंहिता ही सप्टेंबर महिन्यात लागणे अपेक्षित आहे. त्यामुळे २३ मे रोजी मतमोजणी झाल्यावर जेमतेम अडीच – तीन महिन्यांसाठी आमदार निवडायचा आणि त्यासाठी एवढा खर्च आणि व्यवस्था लावायची, यासाठी सर्वच पक्षांचा विरोध होता. पोटनिवडणुकीच्या प्रक्रियेला नागपूर खंडपीठाने अंतरिम स्थगिती दिली. पुढच्या नोटीशीला उत्तर दोन एप्रिलला द्यायचे असल्यामुळे ११ एप्रिलला होणारी निवडणूक तूर्तास टळल्याचे चित्र आहे. काटोल मतदारसंघातून १५ ऑक्टोबर २०१४ रोजी झालेल्या सर्वसाधारण विधानसभा निवडणुकीत काटोल मतदारसंघातून भाजप उमेदवार आशिष देशमुख विजयी झाले होते. त्यांनी काँग्रेसमध्ये प्रवेश करुन ३ ऑक्टोबर २०१८ रोजी आमदारकीचा राजीनामा दिला. ६ ऑक्टोबरला राजीनामा मंजूर झाल्यामुळे ही जागा रिक्त झाली होती.

POLITICAL RESEARCH & ANALYSIS BUREAU (PRAB) PUNE

पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)

================================================

पुस्तक घर पोहोच मिळावा!

 मतदारसंघ निहाय सद्यस्थिती जाणून घ्या फक्त 1500/-रु.मध्ये

 CLICK HERE - 

https://imojo.in/1gdby2
================================================
महाराष्ट्र सहकारी संस्था सुधारित अधिनियम व परिपत्रकांसह 
फक्त-250/- रुपयांमध्ये E-Book मिळावा! 
"सहकारी संस्था निवडणूक नियम व प्रक्रिया"
Online E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/coopebook
================================================
फक्त-200/- रुपयांमध्ये E-Book मिळावा! 
निवडणूक पूर्वतयारी व आचारसंहिता
Online 200/- रुपये भरा आणि E-Book Download करा.

  ई-पुस्तक प्राप्त करण्यासाठी लिंकवर क्लिक करा- 

https://imojo.in/prabindiaEBook
================================================

MONDAY, 11 MARCH 2019

katol assembly constituency bye Election 2019 काटोल विधानसभा पोटनिवडणूक-2019;११ एप्रिलला मतदान

काटोल विधानसभा पोटनिवडणूक-2019;११ एप्रिलला मतदान

लोकसभा निवडणुकीसोबतच नागपूर जिल्ह्यातील काटोल विधानसभेची पोटनिवडणूक देखील जाहीर झालेली आहे. आशिष देशमुख यांनी विधानसभा सदस्यत्वाचा राजीनामा दिल्यावर रिक्त झालेल्या जागेवर ही निवडणूक होत असून निवडणून आलेल्या उमेदवाराला केवळ सहा महिन्याचाच कालावधी मिळणार आहे. त्यामध्ये केवळ काम करण्यासाठी २ ते ३ महिने मिळणार आहे त्त्यामुळे ९० दिवसाच्या आमदारकीसाठी कोण खर्च करणार? असा प्रश्न पडला असेल तर तो चुकीचा आहे, या मतदारसंघातून भाजप व काँग्रेसकडून अनेकजण इच्छुक आहेत. २०१४ च्या विधानसभा निवडणुकीत भाजप उमेदवार आशिष देशमुख विजयी झाले होते. त्यांनी राष्ट्रवादी काँग्रेसचे उमेदवार आणि सख्खे काका अनिल देशमुख यांचा दोन हजार सहाशे मतांनी पराभव केला होता. पहिल्यांदाच आमदार झालेले देशमुख यांचे मात्र नंतर भाजपमध्ये मन काही रमले नाही व गेल्या दीड वर्षांपासून ते पक्षविरोधात बोलू लागले. अखेर २ ऑक्टोबर २०१८ रोजी त्यांनी पक्ष व आमदारकीचा राजीनामा दिल्याने ही जागा रिक्त झाली. काही महिन्यांपूर्वी पाच राज्याच्या निवडणुका झाल्या त्या निवडणुकीसोबत काटोल मतदारसंघाची निवडणूक होईल असा अंदाज व्यक्त करण्यात येत होता. मात्र आता लोकसभा निवडणुकीच्या पहिल्या टप्प्यातच म्हणजे ११ एप्रिलला काटोल विधानसभा पोट निवडणूक जाहीर झाल्याने सर्वच राजकीय नेत्यांनी आश्चर्य व्यक्त केले आहे. रामटेक लोकसभा मतदारसंघांतर्गत येणाऱ्या ६ विधानसभा पैकी काटोल विधानसभा मतदारसंघ 1 आहे. नागपूर जिल्ह्यामधील काटोल हा एक विधानसभा मतदारसंघ आहे. गेली अनेक वर्षे अनिल देशमुखांनी या मतदार संघाचे प्रतिनिधित्व केले असून राष्ट्रवादीच्या कोट्यातील या जागेवर सध्यातरी त्यांचेच नाव पुढे येत आहे. भाजप-शिवसेना युती असताना २००९ मध्ये ही जागा शिवसेनेकडे होती. मात्र २०१४ मध्ये भाजप - सेनेने स्वतंत्र निवडणूक लढवल्याने भाजप उमेदवार आशिष देशमुख येथून विजयी झाले. विजयी उमेदवार हा भाजपचा असल्याने भलेही आता युती झाली असली तरी या जागेवर भाजपचाच दावा असल्याचे भाजप जिल्हाध्यक्ष राजीव पोतदार यांचे म्हणणे आहे. भाजप मध्येही उमेदवारीसाठी इच्छुकांची काही कमी नाही. भाजपकडून काटोल विधानसभा मतदारसंघातील समन्वयक म्हणून कार्यरत असलेले नागपूर महापालिकेचे नगरसेवक अविनाश ठाकरे यांचे नाव आघाडीवर आहे. याबरोबरच जिल्हा परिषदेचे शिक्षण सभापती उकेश चव्हाण, भाजप ग्रामीणचे महामंत्री संजय टेकाडे यांची नावे आघाडीवर आहेत. तरीही पोटनिवडणुकीत उमेदवार कोण असेल हे पक्षांतर्गत ठरवण्यात येणार असल्याचे भाजप जिल्हाध्यक्ष डॉक्टर राजीव पोतदार यांनी म्हटले आहे. येत्या ११ एप्रिल ला मतदान झाल्यानंतर तब्बल दीड महिन्यांनी निकाल लागणार आहेत. त्यामुळे विजयी उमेदवाराला पुढील विधानसभा निवडणुकीपर्यंत केवळ तीन महिन्यांचा कालवधी मिळणार आहे. तरीही युतीची उमेदवारी आपणास मिळावी म्हणून इच्छुक उमेदवार सज्ज झाले आहेत. वेगळा विदर्भ तसेच शेतक-यांच्या प्रश्नांवर सरकार गंभीर नसल्याचे सांगून आशिष देशमुख यांनी 2 ऑक्टोबर रोजी आमदारकीचा राजीनामा दिल्याने ही जागा रिक्त झाली होती. त्यानंतर त्यांनी वर्धा येथे झालेल्या काँग्रेस कार्यकारिणीच्या बैठकीदरम्यान राहुल गांधी यांची भेट घेऊन काँग्रेसमध्ये प्रवेश केला होता. आशिष देशमुख हे काँग्रेसचे ज्येष्ठ नेते आणि माजी प्रदेशाध्यक्ष रणजीत देशमुख यांचे चिरंजीव आहेत. आशिष गे लोकसभेसाठीही उत्सुक असल्याची चर्चा आहे. त्यामुळे ते आता नेमका काय निर्णय घेतात याकडे सर्वांचे लक्ष लागले आहे. या विधानसभा मतदारसंघात माजी मंत्री अनिल देशमुख हे १९९५ पासून सलग ४ टर्म या मतदारसंघाचे प्रतिनिधीत्व केलेले आहे. गेल्या विधानसभा निवडणूकीत ( २००९ ) अनिल देशमुख यांनी ३२,२०३ मताधिक्याने काटोलमधून विजय मिळवला होता.अनिल देशमुख यांना ६८,१४३ तर आरपीआय आठवले गटाचे चरण सिंह ठाकूर यांना ३५,९४० मते मिळाली होती. शिवसेनेचे किरण पांडव यांना ३१,३७२ मते मिळाली होती.
विधानसभा निवडणूक 2014 चे उमेदवार - 
शिवसेना - राजू हर्णे
भाजप - आशिष देशमुख भाजप-५३,९१५
काँग्रेस - दिनेश ठाकर
राष्ट्रवादी - अनिल देशमुख राष्ट्रवादी-४९,५८०   
मनसे - दिलीप गायकवाड    
अपक्ष - राहुल देशमुख (शेकाप)

Sr.No.	Party	Candidate	Votes	Result
1	आंबेडकरवादी रिपब्लिकन पार्टी	हिम्मतराव आठवले	287
2	बहुजन समाज पार्टी	सुधीर मेटांगळे	2,930
3	भारतीय जनता पार्टी	आशिष देशमुख	70,344	विजयी (5,557 फरकाने)
4	भारतीय कम्युनिस्ट पक्ष	मधुकर मानकर	928
5	गोंडवना गणतंत्र पार्टी	श्रीराम खंदाटे	1,369
6	भारतीय राष्ट्रीय काँग्रेस	दिनेश ठाकरे	4,789
7	महाराष्ट्र नवनिर्माण सेना	दिलीप गायकवाड	945
8	राष्ट्रवादी काँग्रेस	अनिल देशमुख	64,787	Runner-up
9	शेतकरी कामगार पक्ष	राहुल देशमुख	9,589
10	आरपीआय	सुनील ननवरे	203
11	आरपीआय खोब्रागडे	अनिल ढोने	178
12	शिवसेना	राजेंद्र हरणे	13,649
13	अपक्ष	किशोर रेवतकर	444
14	अपक्ष	चंद्रशेखर खारपुरीया	448
15	अपक्ष	प्रफुल्ल गजबे	1,121
16	अपक्ष	गायत्री घरत	1,740
17	अपक्ष	उल्हास दुपारे	1,284
18	अपक्ष	प्रदीप उबाळे	1,033
19	अपक्ष	रमेश कुंभारे	338
20	अपक्ष	राजू फुके	400
21	नोटा (नकाराधिकार)	नोटा	550

POLITICAL RESEARCH & ANALYSIS BUREAU (PRAB) PUNE

पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब)